| Eleccións á Asemblea de Madrid de 2021 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
← 2019   2023 (en)  → | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Data | 4 de maio de 2021 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Tipo | eleccións anticipadas, eleccións á Asemblea de Madrid e evento afectado pola pandemia da COVID-19 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Cargo elixido | 136 deputado na Asemblea de Madrid | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Páxina web oficial | elecciones.comunidad.madrid | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Participación política | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Resultado da votación | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
As eleccións á Asemblea de Madrid de 2021 celebráronse o martes 4 de maio de 2021[1] para elixir a XII Asemblea da Comunidade de Madrid. Os 136 escanos da asemblea lexislativa rexional estiveron en xogo. Estas eleccións marcaron a primeira vez que a presidencia rexional de Madrid fixo uso da prerrogativa presidencial para convocar unhas eleccións anticipadas.[2]
A votación para a Asemblea realizouse mediante sufraxio universal, que comprende a todos os nacionais maiores de dezaoito anos, empadroados na Comunidade de Madrid e en pleno goce dos seus dereitos políticos. Ademais, os madrileños no estranxeiro teñen a posibilidade de solicitar o voto por correo.[3]
A lei electoral permite que os partidos e as federacións rexistradas no Ministerio do Interior, as coalicións e as agrupacións de electores presenten listas de candidatos. Os partidos e federacións que pretendan formar unha coalición antes das eleccións deben comunicalo á Xunta Electoral correspondente nos dez días seguintes á convocatoria electoral, mentres que as agrupacións de electores necesitan conseguir a sinatura de polo menos o 0,5 por cento do electorado da Comunidade de Madrid.
O mandato da Asemblea de Madrid expira catro anos despois da data da súa anterior elección.[4][5][6] Porén, o presidente ten a prerrogativa de disolver a Asemblea de Madrid e convocar unhas eleccións anticipadas, sempre que non estea en trámite ningunha moción de censura, non estean previstas unhas eleccións de ámbito nacional e se cumpran algúns requisitos temporais: a saber, que a disolución non se produza nin durante a primeira sesión lexislativa nin dentro do último ano da lexislatura antes do seu vencemento previsto, nin antes de que transcorra un ano dende unha disolución anterior.[4]
Todos os membros da Asemblea de Madrid son elixidos mediante un sistema proporcional co método D'Hondt, sobre listas pechadas e un limiar do 5% dos votos válidos, que inclúe os votos en branco. Os partidos que non alcanzan o limiar non se teñen en conta para a repartición de escanos. A Asemblea ten dereito a un membro por cada 50.000 habitantes ou fracción superior a 25.000.[4][5]
Ao longo de 2020, como consecuencia tanto das crecentes divisións entre os dous socios da coalición de goberno como da probabilidade de que se presentase unha moción de censura por parte da oposición pola suposta mala xestión de Díaz Ayuso da pandemia de COVID-19 na Comunidade de Madrid,[7][8] Ayuso propuxo convocar unhas eleccións anticipadas na rexión.[9]
Un primeiro intento sería abortado pola dirección nacional do seu partido en xuño de 2020,[10][11] pero en setembro informouse de que Ayuso pretendía que as eleccións autonómicas en Madrid coincidisen coas anunciadas autonómicas catalás polo presidente Quim Torra, previstas provisionalmente para algún momento de finais de 2020 ou principios de 2021.[12][13] A propia Ayuso pareceu rexeitar tales rumores a través da súa conta de Twitter.[14]
O 10 de marzo de 2021, tanto o Partido Socialista Obreiro Español (PSOE) como Cidadáns (Cs) anunciaron un acordo polo que levarían a cabo senllas mocións de censura contra os gobernos do Partido Popular (PP) nos gobernos da cidade e da rexión de Murcia, onde tanto PP como Cs gobernaban dende as eleccións autonómicas e municipais de 2019.[15] Isto provocou que a presidenta Ayuso rompese inmediatamente a súa alianza con Cs na Comunidade de Madrid e convocase unhas eleccións autonómicas anticipadas para o 4 de maio de 2021, temendo que a póla de Cs en Madrid fixese o mesmo.[16][17]
A celebración destas eleccións estivo marcada pola pandemia da COVID-19, sendo estas as cuartas eleccións celebradas en España desde o estalido da pandemia (tras as eleccións galegas e vascas celebradas en paralelo o 12 de xuño de 2020, e as eleccións catalás celebradas o 14 de febreiro de 2021). Así, o Goberno da Comunidade de Madrid estabeleceu medidas especiais para a celebración destes comicios.[18][19]
.jpg){kind=small}
.jpg){kind=small}
_(cropped).jpg){kind=small}
.jpg){kind=small}
.jpg){kind=small}
