Korsišćina

Korsišćina (korsisce corsu) je romaniska rěč, kotraž so přewažnje na k Francoskej słušacej kupje Korsika kaž tež na susodnej Sardiniskej rěči. Linguistisce słuša do italoromaniskich rěčow a tam do srjedźoitalskich narěčow. Wona je wusko přiwuzna z italskim dialektom Toskany kaž tež z galluršćinu na sewjeru Sardiniskeje.

Corsu

kraje	Francoska
region	Korsika
rěčnicy	ca. 100.000
znamjenja a klasifikacija
klasifikacija	Indoeuropske rěče Romaniske rěče Italoromaniske rěče korsisce
družina pisma	łaćonski alfabet
oficielny status
hamtska rěč	Korsika a Sardiniska (druha zarjadniska rěč)
rěčne kody
ISO 639-1:	co
ISO 639-2:	cos
ISO 639-3 (SIL):	cos
wikipedija
Wopytaj wikipediju w korsišćinje!
p • d • w

Na Korsice je wona připóznata jako přidatna zarjadniska rěč nimo francošćiny. Jako regionalna rěč smě so wona na Korsice w šulach wuwučować, njeje pak winowatostna. Nimo toho su nimale wšě wjesne tafle a pućniki na kupje dwurěčne. We wobmjezowanej měrje wužiwa so korsišćina tež w nowinarstwje, na webstronach a w hospodarskim žiwjenju, při čimž je francošćina po wšěj Korsice dominantna rěč.

Při 1981 znowa wotewrjenej korsiskej uniwersiće w Corte je korsišćina obligatoriski pódlanski předmjet. Nimo toho hodźi so wona tam jako bachelorski a masterski studij studować. Uniwersita je jenička na swěće, hdźež so tež w korsiskej rěči wuwučuje.

Historisce wužiwaše so hač do lěta 1768 italšćina jako spisowna rěč na Korsice. Hakle do francoskim dobyću přesadźi so francošćina jako hamtska rěč.