Wopiči chlěbowc

Ród wobsahuje 15 družinow. Družiny su štomy, kotrež docpěja wysokosć wot hač do 20 m. Zdónki su stołpojte hač blešojte, wodu składuja a móžeja tołstosć wot hač do 10 m docpěć.

W tropiskim suchim počasu zwjetša łisćo wotmjetuja. Łopjena su pjerite.

Cremebarbne, wulke kćenja so jenož po nocach puknu. Wone dele wisaja a wot njetopyrjow wopróšuja, kotrež nektar jědźa.

Wulke płody su owalne a wobsahuja kisałe, jědźne płodowe mjaso.

Družiny su na Madagaskarje, w Africe a w sewjernej Awstraliji rozšěrjene.

Zwonkowna systematika

Antoine-Laurent de Jussieu přirjadowaše Adansonia w lěće 1789 wot njeho nominowanej swójbje šlězowych rostlinow (Malvaceae).^[3] Wot Karla Kuntha bu w lěće 1822 dźesać rodow, pod tym Adansonia, do swójby de:Wollbaumgewächse (Bombacaceae) wurjadowane.^[4] Dźensa so Adansonia jako podswójba Bombacoideae šlězowych rostlinow wodźe a je tam do tribusa Adansonieae zarjadowana.

Adansonia je jara najskerje monofyletiska.^[5]

Znutřkowna systematika

Typusowa družina roda je Adansonia digitata. synonymy su Baobab Adans.^[6], Ophelus Lour. ^[7] a Baobabus Kuntze.^[8]

Bénédict Pierre Georges Hochreutiner poddźělowaše w lěće 1908 ród Adansonia po kćenjowych, płodowych a symjenjowych znamjenjach do třoch sekcijow:^[9]

• Sekcija Adansonia:
  • Afriski wopiči chlěbowc (Adansonia digitata L.)
• Sekcija Brevitubae Hochr.:
  • Adansonia grandidieri Baill.
  • Adansonia suarezensis H.Perrier
• Sekcija Longitubae Hochr.:
  • Adansonia gregorii F.Muell.
  • Adansonia madagascariensis Baill.
  • Adansonia perrieri Capuron
  • Adansonia rubrostipa Jum. & H.Perrier
  • Adansonia za Baill.

• Botanica, Bäume und Sträucher, Über 2000 Pflanzenporträts, ISBN 978-3-8331-4467-7, strona 67 (němsce)
• Meyers Taschenlexikon Biologie, In 3 Bänden, 1. zwjazk, ISBN 3-411-12013-4, strona 16 (němsce)