Արգոն
Արգոն, քիմիական տարր է, որի նշանն է Ar, ատոմային թիվը՝ 18։ (Argon, հուն․՝ άργός - անգործունյա), արգոնը գտնվում է տարրերի պարբերական համակարգի 8-րդ խմբի քիմիական տարր է։ Իներտ գազ է, կարգահամարը՝ 18, ատոմական զանգվածը՝ 39,948։ Արգոն р տարր է, նրա ատոմի արտաքին էլեկտրոնային թաղանթի կառուցվածքն է 3s²3p6։ Բնական արգոնը բաղկացած է 36Ar (0, 337%), 38Ar (0, 063%) և 40Ar (99, 600%) կայուն իզոտոպներից։ Արհեստական ռադիոակտիվ յոթ իզոտոպներից ամենակայունը 39Ar է (T1/2 == 265 տարի)։
| |||||
---|---|---|---|---|---|
Ատոմի հատկություններ | |||||
Անվանում, սիմվոլ, կարգաթիվ | Արգոն / Argon (Ar), Ar, 18 | ||||
Ատոմային զանգված (մոլային զանգված) | 39,948(1)[1] զ. ա. մ. (գ/մոլ) | ||||
Էլեկտրոնային կոնֆիգուրացիա | [Ne] 3s2 3p6 | ||||
Ատոմի շառավիղ | ? (71)[2] պմ | ||||
Քիմիական հատկություններ | |||||
Կովալենտ շառավիղ | 106[2] պմ | ||||
Իոնի շառավիղ | 154[2] պմ | ||||
Էլեկտրաբացասականություն | 4,3 (Պոլինգի սանդղակ) | ||||
Էլեկտրոդային պոտենցիալ | 0 | ||||
Օքսիդացման աստիճաններ | 0 | ||||
Իոնացման էներգիա (առաջին էլեկտրոն) | 1519,6(15,76) կՋ/մոլ (էՎ) | ||||
Պարզ նյութի թերմոդինամիկական հատկություններ | |||||
Խտությունը (հալման ջերմաստիճանում) | 1,40 գ/սմ³ | ||||
Հալման ջերմաստիճան | 83,8 К (-189,35 °C) | ||||
Եռման ջերմաստիճան | 87,3 К (-185,85 °C) | ||||
Հալման տեսակարար ջերմունակություն | 7,05 կկալ/կգ կՋ/մոլ | ||||
Գոլորշիացման տեսակարար ջերմունակություն | 6,45 կՋ/մոլ կՋ/մոլ | ||||
Մոլյար ջերմունակություն | 20,79[3] Ջ/(Կ·մոլ) | ||||
Մոլային ծավալ | 24,2 սմ³/մոլ | ||||
Պարզ նյութի բյուրեղային ցանց | |||||
Բյուրեղացանցի կառուցվածք | Խորանարդ | ||||
Բյուրեղացանցի տվյալներ | 5,260 | ||||
Դեբայի ջերմաստիճան | 85 Կ | ||||
Այլ հատկություններ | |||||
Ջերմահաղորդականություն | (300 Կ) 0,0164 Վտ/(մ·Կ) | ||||
CAS համար | CAS գրանցման համար? |
18 | Արգոն |
39,948 | |
3s23p6 |
Բնության մեջ
Բնության մեջ հանդիպում է միայն ազատ վիճակում։ Իներտ գազերից ամենատարածվածն է, կազմում է օդի ծավալի 0, 933%-ը (1,6•10¹³ տ), արգոն են պարունակում նաև երկրի կեղևը՝ 1,65•10¹¹ տ, ջուրը՝ 7,52•10¹¹ տ։ 40Ar իզոտոպը մշտապես հանդիպում է կալիում պարունակող միներալներում․ այն 40K-ի ռադիոակտիվ քայքայման արդյունք է։ Դրանով է բացատրվում 40Аг-ի բարձր տոկոսը մթնոլորտում։
Ստացում
Արգոնը առաջին անգամ անջատվել է մթնոլորտային ազոտից (Ջ․ Ռելե, Ու․ Ռամզայ, 1894)։Արդյունաբերության մեջ արգոնը ստանում են հեղուկ օդի կոտորակային թորումից։ Մյուս իներտ գազերից բաժանում են գազաքրոմատոգրաֆիական եղանակով։ Արգոնը լայնորեն կիրառվում է իներտ միջավայր պահանջող քիմիական և մետալուրգիական պրոցեսներում՝ հազվագյուտ և գունավոր մետաղների եռակցման, կտրման, հալման, կիսահաղորդչային միաբյուրեղների աճեցման ժամանակ, լուսատեխնիկայում՝ շիկացման և ֆլուորեսցենտային լամպերի պատրաստման (արգոնային խողովակները տալիս են կապտաերկնագույն լույս, օգտագործվում են լուսային ազդասարքերում) համար և գիտական հետազոտություններում։
Իզոտոպներ
Մթնոլորտում հայտնի է արգոն 3 կայուն իզոտոպներով 36Ar (0,337 %), 38Ar (0,063 %), 40Ar (99,600 %)[4].
Ֆիզիկական հատկություններ
Սովորական պայմաններում անգույն, անհոտ, անհամ գազ է, խտությունը՝ 1, 7839 կգ/մ³ (0 °C-ում, 101325 կգ/մ2 ճնշման տակ), հալման ջերմաստիճանը՝ -189,3 °С, եռմանը՝ -185,9 °С։ Մոլեկուլը բաղկացած է մեկ ատոմից։ Լուծվում է ջրում (1 լիտրում՝ 51, 9 սմ³), ավելի լավ՝ օրգանական լուծիչներում, մետաղներում գործնականորեն չի լուծվում։
Արգոնի իոնացման էներգիան (Ar°—>Ar+1) մեծ է (15,755 էվ)։ Էլեկտրոնի նկատմամբ խնամակցություն չունի և քիմիապես պասիվ է։ Որոշ նյութերի հետ դոնորակցեպտորային կապի հաշվին առաջացնում է կոմպլեքսային միացություններ՝ Ar•n (R=H20, С6Н5ОН, СН3С5Н6 են)։ Ավելի լավ է ուսումնասիրված հիդրատը՝ Аr•6Н20, սինթեզել է Պ․ Վիյարը 1896 թվականին՝ ջուրը բյուրեղացնելով արգոնի մթնոլորտում (150 մթն ճնշման տակ)։
Երկնաքարում և միներալներում պարունակվող 40Ar-ի և 40K-ի քանակների հարաբերությամբ որոշում են նրանց տարիքը։
Կիրառություն
Արգոնը կիրառում են՝
- որպես արգոնային լազեր
- թեթև էլեկտրոնային լամպերում
- որպես պաշտպանիչ նյութ շրջակա միջավայրի համար
Տես նաև
Ծանոթագրություններ
Արտաքին հղումներ
- CTPETT (Strutt), Дж. У., лорд Рэлей (Lord Rayleigh)
- Аргон на Webelements
- Аргон в Популярной библиотеке химических элементов
- Химия инертных газов — библиотечка журнальных статей «Всякая всячина» Արխիվացված 2008-10-05 Wayback Machine
- Термодинамические и переносные свойства аргона (չաշխատող հղում)
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 6)։ |
Վիքիպահեստն ունի նյութեր, որոնք վերաբերում են «Արգոն» հոդվածին։ |