Շինեյդ Օ'Քոնոր
Շուհադա Սադաքաթ (անգլ.՝ Shuhada' Sadaqat[31], ի ծնե՝ Շինեյդ Մարի Բեռնադետ Օ'Քոնոր, անգլ.՝ Sinéad Marie Bernadette O’Connor, դեկտեմբերի 8, 1966[4][5], Glenageary, Դուբլին[3] - հուլիսի 26, 2023[7][8][9], Լոնդոն, Միացյալ Թագավորություն[10]), իռլանդացի երգչուհի և երգահան։
| Շինեյդ Օ'Քոնոր | |
|---|---|
_(cropped).jpg) | |
| Բնօրինակ անուն | անգլ.՝ Sinéad O'Connor[1], Magda Davitt[1] և Shuhada' Sadaqat[2] |
| Ի ծնե անուն | անգլ.՝ Sinéad Marie Bernadette O'Connor[3] |
| Ծնվել է | դեկտեմբերի 8, 1966[4][5] Glenageary, Դուբլին[3] |
| Երկիր |  Իռլանդիա[6] |
| Մահացել է | հուլիսի 26, 2023[7][8][9] (56 տարեկան) Լոնդոն, Միացյալ Թագավորություն[10] |
| Գերեզման | Deans Grange Cemetery[9] |
| Ժանրեր | ալտերնատիվ ռոք[11], փոփ ռոք[1], ռեգգի[12], ֆոլկ ռոք[13], college rock?[11], Կելտական ռոք[11] և ինդի փոփ[11] |
| Մասնագիտություն | հեղինակ-կատարող |
| Երգչաձայն | մեցցո-սոպրանո |
| Գործիքներ | կիթառ[14], վոկալ[13], Վիսթլ, հարվածային գործիք և դաշնամուր |
| Լեյբլ | Chrysalis Records, Ensign Records, Vanguard Records, One Little Independent? և Nettwerk |
| Կրթություն | Նյութոնի դպրոց[15] |
| Անդամակցություն | Big Blue Ball?[16] և In Tua Nua?[17] |
| Ամուսին | John Reynolds?[18][19], Nick Sommerlad?[18][20], Steve Cooney?[18] և Barry Herridge?[21][18] |
| Պարգևներ | |
| Կայք | sineadoconnor.com |
 Sinéad O'Connor Վիքիպահեստում | |
Իր երաժշտական կարիերայի ընթացքում նա արտահայտվել իր հոգևոր հայացքների, ակտիվության, սոցիալ-քաղաքական հայացքների, իր վնասվածքների և հոգեկան առողջության հետ կապված պայքարների մասին։ 1999 թվականին նա լատինական Տրիդենտին եկեղեցու կողմից ձեռնադրվել է որպես քահանա․ մի աղանդ, որը չի ճանաչվում հիմնական կաթոլիկ եկեղեցու կողմից։ Շինեյդ Օ'Քոնորը հետևողականորեն խոսել է երեխաների շահագործումների, մարդու իրավունքների, հակառասիզմի և կանանց իրավունքների հետ կապված խնդիրների մասին։
2017 թվականին Օ'Քոնորը փոխել է իր անունը՝ Մագդա Դավիթ։ 2018 թվականին՝ իսլամ ընդունելուց հետո, նա անունը փոխել է Շուհադա Սադաքաթի[32][33][34]։ Սակայն մինչ իր մահը նա շարունակել է ձայնագրել և ելույթ ունենալ իր ծննդյան անունով[35]։
Կենսագրություն
Վաղ տարիներ
Ծնվել է Գլենագարիում՝ Դուբլինի արվարձանում, 1966 թվականի դեկտեմբերի 8-ին։ Ծնողները ամուսնալուծվել են, երբ նա ութ տարեկան է եղել։ Հեռացվել է կաթոլիկ դպրոցից, որտեղ սովորել է առանց խանդավառության։ Շուտով ձերբակալվել է խանութից գողության համար և ուղարկվել Մագթաղինե որբանոց[36]։
Հարազատների հարսանիքին կատարել է Բարբրա Ստրեյզանդի «Evergreen» երգը։ 15-ամյա Օ'Քոնորին ուշադրություն է դարձրել Պոլ Բիրնը՝ իռլանդական In Tua Nua խմբի հարվածային գործիքահարը՝ հայտնի որպես Բոնոյի և U2-ի հովանավորյալ։ Որոշ ժամանակ Օ'Քոնորն աշխատել է խմբի հետ, հանդես եկել որպես գլխավոր երգչուհի, դարձել է նրանց առաջին «Take My Hand» սինգլի համահեղինակ և թողել է դպրոցը։
Օ'Քոնորի մայրը 45 տարեկանում մահացել է ավտովթարից 1985 թվականի փետրվարի 10-ին, երբ աղջիկը տասնութ տարեկան էր[37][38]։ Օ'Քոնորն սկսել է երգել դուբլինյան սրճարանում, ընդունվել է երաժշտական քոլեջ։
1985 թվականին նա պայմանագիր է կնքել «Ensign Records» ձայնագրման ստուդիայի հետ և տեղափոխվել Լոնդոն։ 1986 թվականին նա իր դեբյուտը կատարել է «Գերուհին» ֆիլմի սաունդթրեքում։ Նա ձայնագրել է U2-ի կիթառահար Եդժի հետ։ Այնուհետև Օ'Քոնորը հանձն է առել ինքնուրույն արտադրել իր ստեղծագործությունները, վերաշարադրել է ամբողջ ալբոմը և այն անվանել «Առյուծը և կոբրան» (1987)։ Վերնագիրը վերաբերում է Աստվածաշնչի 90-րդ սաղմոսին։
Քննադատները «Առյուծն ու Կոբրան» հռչակել են տարվա ամենաուժեղ դեբյուտներից մեկը։ Սկավառակը 1988 թվականին հայտնվել է ամերիկյան Billboard 200 վարկանիշի 36-րդ հորիզոնականում։
1990 թվականին նա բաժանվել է իր առաջին ամուսնուց՝ թմբկահար Ջոն Ռեյնոլդսից և ձայնագրել իր երկրորդ ալբոմը՝ «I Do Not Want What I Haven't Got»։ Այդ սկավառակի թողարկմամբ Օ'Քոնորը դարձել է գերաստղ և ստացել Գրեմմի մրցանակ՝ «Լավագույն այլընտրանքային ալբոմ» անվանակարգում։ Ալբոմը մեկ տարի մնացել է ԱՄՆ-ի չարթերում և վեց շաբաթ անընդմեջ մնաց առաջին հորիզոնականում։
Նրա ամենահայտնի «Nothing Compares 2» U սինգլը հիթ է դարձել և չորս շաբաթ անընդմեջ գլխավորել ԱՄՆ-ի չարթերը։ Երգի տեսահոլովակում գրեթե մշտապես պատկերված է Օ'Քոնորի դեմքը, որն արտահայտում է տարբեր հույզեր։ Երգը գրվել է Փրինսի կողմից և առաջին անգամ այն կատարել է «The Family» խումբը՝ 1985 թվականին։
Օ'Քոնորը երկրորդ անգամ ամուսնացել է բեք-վոկալիստ Հյու Հարիսի հետ։
1992 թվականին Օ'Քոնորը նկարահանվել է գրող Էմիլի Բրոնտեի դերում «Մոլեգին հողմերի դարավանդ» ֆիլմում։ Երգչուհու երրորդ ալբոմը «Am I Not Your Girl?» թողարկվել է 1992 թվականին և Billboard 200 հիթ-շքերթում զբաղեցրել միայն 27-րդ հորիզոնականը։
«Շաբաթ երեկոյան ուղիղ եթերում» ծրագրում Օ'Քոնորը կատարել է Բոբ Մառլի «War» երգը, բայց փոքր-ինչ փոխել է դրա բառերը՝ հիշատակելով երեխաների հանդեպ բռնությունը, և իր ելույթն ավարտել է նրանով, որ ցուցադրաբար պատռել է Հովհաննես Պողոս II-ի լուսանկարը տեսախցիկների առջև։
Երկու շաբաթ անց Նյու Յորքի «Madison Square Garden»-ի բեմում, որտեղ նշվում էր Բոբ Դիլանի կարիերայի 30-ամյակը, Օ'Քոնորը պետք է կատարեր Դիլանի «I Believe in You» երգը, սակայն երգչուհուն սուլել են և մի քանի անգամ թույլ չեն տվել սկսել կատարումը։ Այդ ժամանակ Օ'Քոնորը կանգնեցրել է երաժիշտներին և կրկին կատարել «War» երգը։
Շուտով Օ'Քոնորը հեռացել է մեծ շոու բիզնեսից և վերադարձել Դուբլին, որտեղ սովորել է օպերա և խաղացել «Համլետ» ողբերգության գլխավոր հերոսուհի Օֆելյայի դերը։ Փիթեր Գեբրիելի կողմից կազմակերպված «WOMAD» փառատոնին նա ունեցել է հյուրախաղեր։
Լուրեր են տարածվել, որ Օ'Քոնորը նյարդային խանգարում ունի և ինքնասպանության փորձ է կատարել։
1994 թվականին թողարկվել է երգչուհու չորրորդ ստուդիական սկավառակը՝ «Universal Mother»։ Չնայած գովասանքի գնահատականներին, այն մեծ հաջողություն չի ունեցել հանրության շրջանում․ նրա ամենաբարձր նվաճումը Billboard 200 հիթ-շքերթում զբաղեցրել 36-րդ հորիզոնականը։ Մեկ տարի անց Օ'Քոնորը հայտարարել է, որ այլևս չի շփվի մամուլի հետ։
2000 թվականին Օ'Քոնորը նոր պայմանագիր է կնքել Atlantic Records ամերիկյան ձայնագրման լեյբլ հետ և հունիսին թողարկել «Faith and Courage» նոր ալբոմը։ Այն գրվել է Սքոթ Քաթլերի և Էն Պրևինի, Դեյվ Ստյուարտի, Բրայան Ինոյի և Ուայկլեֆ Ջինի համահեղինակությամբ։ «Այս ալբոմը իմ Աստվածն է և իմ որդիները»,- ասել է Օ'Քոնորը։
2002 թվականին լույս է տեսել երգչուհու «Sean-Nos Nua» սկավառակը։ 2003 թվականի ամռանը Օ 'Քոնորը հայտարարել է, որ ցանկանում է լքել երաժշտական բիզնեսը։ Նրա խոսքով՝ նա այլևս չի ցանկանում հայտնի լինել և ցանկանում է վերադառնալ սովորական, նորմալ կյանքին։ Նա հերքել է լուրերն այն մասին, որ երաժշտության աշխարհից հեռանալու պատճառը այսպես կոչված «գերհոգնածության համախտանիշն է», և հայտարարել է, որ որոշել է հեռանալ երաժշտությունից, որպեսզի նվիրվի տարրական դպրոցում կրոնի ուսուցմանը։
2003 թվականին թողարկվել է երգչուհու «DVD Goodnight», «Thank You» համերգային ձայնագրությունների ժողովածուն։
2020 թվականին Օ’Քոնորը հայտարարել է, որ հաջորդ ամառ կհրապարակի նոր հուշերը։
Սկավառակագրություն
Ալբոմներ
| Տարի | Ալբոմ | Անգլիա | ԱՄՆ | Ավստրալիա | Գերմանիա | Շվեյցարիա | Ավստրիա | Ֆրանսիա | Շվեդիա | Կանադա | իռլանդիա | Համաշխարհային վաճառք |
|---|---|---|---|---|---|---|---|---|---|---|---|---|
| 1987 | The Lion and the Cobra | 27 | 36 | - | 52 | 12 | - | - | 37 | 17 | 1 | 2,500,000 |
| 1990 | I Do Not Want What I Haven't Got | 1 | 1 | 1 | 1 | 1 | 1 | 1 | 1 | 1 | 1 | 8,000,000 |
| 1992 | Am I Not Your Girl? | 6 | 27 | 17 | 24 | 11 | 9 | 26 | 16 | 11 | - | 1,500,000 |
| 1994 | Universal Mother | 19 | 36 | 31 | 38 | 11 | 7 | 21 | 11 | 16 | - | 1,500,000 |
| 1997 | Gospel Oak EP | 28 | 128 | - | - | - | - | - | - | 94 | - | 250,000 |
| 1997 | So Far… the Best of Sinéad O’Connor | 28 | - | - | 97 | - | 27 | - | - | - | - | 2,000,000 |
| 2000 | Faith and Courage | 61 | 55 | 18 | 38 | 19 | 21 | 27 | 59 | 18 | - | 1,000,000 |
| 2002 | Sean-Nós Nua | 52 | 139 | 61 | 75 | 67 | 29 | 69 | - | - | - | 225,000 |
| 2003 | She Who Dwells in the Secret Place of the Most High Shall Abide Under the Shadow of the Almighty | - | - | - | - | - | - | 90 | - | - | - | 100,000 |
| 2005 | Collaborations | - | - | - | - | - | - | - | - | - | - | 500,000 |
| 2005 | Throw Down Your Arms | - | - | - | - | - | - | 26 | - | - | 19 | 250,000 |
| 2007 | Theology | 157 | 168 | - | 86 | - | - | 81 | - | - | 18 | 375,000 |
| 2012 | How about I Be Me (And You Be You)? | |||||||||||
| 2014 | I’m Not Bossy, I’m The Boss | |||||||||||
Սինգլներ
| Տարեթիվ | Երգ | ԱՄՆ | Billboard Hot 100 | Alternative Songs | US Dance | Ավստրալիա | Իռլանդիա | Կանադա | Ալբոմ |
|---|---|---|---|---|---|---|---|---|---|
| 1986 | «Heroine» (The Edge featuring Sinéad O’Connor) | 89 | — | — | — | — | 12 | — | «Captive OST» |
| 1987 | «Troy» | — | — | — | — | — | — | — | «The Lion & the Cobra» |
| 1988 | «Mandinka» | 17 | — | — | 14 | — | 6 | 44 | «The Lion & the Cobra» |
| 1988 | «I Want Your (Hands on Me)» | 77 | — | 26 | 20 | — | — | — | «The Lion & the Cobra» |
| 1988 | «Jump in the River» (Sinéad O’Connor & Karen Finley) | 81 | — | 17 | — | — | 29 | — | - |
| 1990 | Nothing Compares 2 U | 1 | 1 | 1 | — | 1 | 1 | 1 | «I Do Not Want…» |
| 1990 | «The Emperor’s New Clothes» | 31 | 60 | 1 | — | 20 | 5 | 3 | «I Do Not Want…» |
| 1990 | «Three Babies» | 42 | — | — | — | — | 19 | — | «I Do Not Want…» |
| 1990 | «I Am Stretched on Your Grave» | — | — | — | 27 | — | — | — | «I Do Not Want…» |
| 1991 | «My Special Child» | 42 | — | — | — | — | 6 | 87 | - |
| 1991 | «Silent Night» | 60 | — | — | — | — | 12 | — | - |
| 1992 | «Visions of You» (Jah Wobble and the Invaders of the Heart featuring Sinéad O’Connor) | 35 | — | — | — | — | — | — | «Rising Above Bedlam» |
| 1992 | «Success Has Made a Failure Of Our Home» | 18 | — | 20 | — | 37 | 11 | 78 | «Am I Not Your Girl?» |
| 1992 | «Don’t Cry For Me Argentina» | 53 | — | — | — | — | — | — | «Am I Not Your Girl?» |
| 1994 | «You Made Me the Thief of Your Heart» | 42 | — | 24 | — | 43 | 4 | — | «In the Name of the Father soundtrack» |
| 1994 | «Thank You For Hearing Me» | 13 | — | — | — | — | — | — | «Universal Mother» |
| 1994 | «Fire on Babylon» | — | — | — | — | — | — | 61 | Universal Mother |
| 1995 | «Famine» / «All Apologies» | 51 | — | — | — | — | — | — | «Universal Mother» |
| 1995 | «Haunted» (Shane MacGowan & Sinéad O’Connor) | 30 | — | — | — | — | 6 | — | - |
| 1997 | «This Is To Mother You» | 28 | — | — | — | — | — | — | «Gospel Oak EP» |
| 1997 | «This Is A Rebel Song» | 60 | — | — | — | — | 29 | — | «So Far…The Best Of Sinead O’Connor» |
| 2000 | «No Man’s Woman» | — | — | — | — | — | — | — | «Faith and Courage» |
| 2000 | «Jealous» | 86 | — | — | — | 58 | — | — | «Faith and Courage» |
| 2002 | «Troy (The Phoenix From the Flame)» (remix) | 48 | — | — | 3 | — | — | — | - |
| 2003 | «Tears From the Moon» (Conjure One featuring Sinéad O’Connor) | 42 | — | — | 3 | — | — | — | - |
| 2003 | «Guide Me God» (Ghostland featuring Sinéad O’Connor and Natacha Atlas) | — | — | — | 20 | — | — | — | - |
| 2003 | «1000 Mirrors» (Asian Dub Foundation featuring Sinéad O’Connor) | 81 | — | — | — | — | — | — | «Enemy of the Enemy» |
| 2003 | «Special Cases» (Massive Attack featuring Sinéad O’Connor) | 15 | — | — | — | — | — | 25 | «100th Window» |
| 2003 | «A Hundred Thousand Angels» (Graham Bolger Remix) | — | — | — | — | — | 18 | — | «Ltd Edition» |
| 2007 | «I Don’t Know How To Love Him» | — | — | — | — | — | — | — | «Theology» |
| 2007 | «Something Beautiful» | — | — | — | — | — | — | — | «Theology» |
| 2007 | «Illegal Attacks» (Ian Brown featuring Sinéad O’Connor) | 16 | — | — | — | — | — | — | «The World Is Yours» |
Ծանոթագրություններ
Արտաքին հղումներ
 | Վիքիպահեստն ունի նյութեր, որոնք վերաբերում են «Շինեյդ Օ'Քոնոր» հոդվածին։ |