Սեբաստիան Կուրց

Սեբաստիան Կուրցը ծնվել է 1986 թվականի օգոստոսի 27-ին Վիեննայում։ Հայրը եղել է ինժեներ, մայրը՝ ուսուցչուհի^[5]։ Մեծացել է Վիեննայի Մայդլինգ շրջանում, որտեղ մինչ օրս բնակվում է։ 1996 թվականին ընդունվել է Bundesgymnasium und Bundesrealgymnasium Erlgasse: 2004 թվականին ավարտելով բուհը՝ մեկ տարի ծառայել է Ավստրիա ԶՈՒ-ում։ Այնուհետև սովորել է Վիեննայի համալսարանի իրավագիտության ֆակուլտետում և երբ 2011 թվականին նշանակվեց ինտեգրացիայի հարցերով պետական քարտուղարի պաշտոնում, ընթանում էր նրա ուսումնառության 13-րդ սեմեստրը^[6]։

17 տարեկանում Կուրցը դարձել է Ավստրիական ազգային կուսակցության (ԱԱԿ) անդամ, իսկ 23 տարեկանում գլխավորել է կուսակցության Վիեննայի կոմիտեն^[7]։ 2009 թվականին ընտրվել է ԱԱԿ-ի երիտասարդական թևի առաջնորդ։ 2010-2011 թվականներին եղել է Վիեննայի քաղաքային խորհրդի անդամ։

2011 թվականի ապրիլին դարձյալ նշանակվել է ինտեգրացիայի հարցերով պետական քարտուղարի պաշտոնում։ 2013 թվականին ընտրվել է Ավստրիայի խորհրդարանի անդամ։

2013 թվականի դեկտեմբերի 16-ին նշանակվել է արտաքին գործերի նախարար՝ Վերներ Ֆայմանի կառավարության օրոք։ Կուրցի խնդրանքով նախարարությանն են կցվել նաև սոցիալական ինտեգրացիայի վերաբերող պետական լիազորությունները։ համարվել է ամենաերիտասարդ արտաքին գործերի նախարարը ոչ միայն ամբողջ աշխարհում, այլ նաև Ավստրիայի ողջ պատմության ընթացքում։

• Սեբաստիան Կուրցի անձնական կայք

Վիքիպահեստն ունի նյութեր, որոնք վերաբերում են «Սեբաստիան Կուրց» հոդվածին։