Սիդնեյի օպերային թատրոն

Նախագծվել է դանիացի ճարտարապետ Յորն Ուդզոնի կողմից, ով հաղթել էր 1950-ականներին հայտարարված միջազգային մրցույթում։ Բացվել է 1973 թվականի հոկտեմբերի 20-ին^[5]։ Նախագծի համար Ուդզոնը 2003 թվականին արժանացել է Պրիտցկերյան Ճարտարապետություն մրցանակի։ Թատրոնը կառուցվել է 14 տարում, արժեքը կազմել է 102 միլլիոն դոլար։

Սիդնեյի օպերային թատրոնի շենքը կառուցվել է էքսպրեսիոնիզմի ոճով՝ միախառնված ռադիկալ և նորարարական տարրերով։ Շինությունն զբաղեցնում է 2,2 հեկտար տարածք^[6], երկարությունը 185 մետր է, առավելագույն լայնությունը՝ 120 մետր։ Շենքը կշռում է 161.000 տոննա, հենված է 580 սյուների վրա, որոնք գտնվում են ջրի մեջ՝ ծովի մակարդակից 25 մետր խորության վրա։ Շինության էներգաօգտագործումը համարժեք է 25 000 բնակչություն ունեցող քաղաքի էներգիայի սպառմանը։ Էներգիան բաշխվում է 645 կմ մալուխներով^[7]։ Շինության առագաստանման տանիքը կազմված է 2 194 պատրաստի հատվածներից, բարձրությունը 67 մետր է, կշռում է ավելի քան 27 տոննա, կառույցը պահում են 350 կմ երկարությամբ պողպատե ճոպանները։

Օպերային թատրոնի շենքում կան հետևյալ ներկայացումների սրահները^[8]։

• Համերգասրահ, նստատեղ՝ 2,679, համարվում է Սիդնեյի սիմֆոնիկ նվագախմբի կենտրոնը, օգտագործվում է նաև այլ մեծաթիվ համեգների ժամանակ^[9]
• Joan Sutherland թատրոն, նախաբեմային թատրոն 1,507 նստատեղով^[10], Ավստրալիայի օպերայի և բալետի թատրոնի կենտրոնն է, մինչև 2012 թվականի հոկտեմբերի 16-ը հայտնի էր որպես Օպերային թատրոն^[11]
• Դրամատիկական թատրոն։ նախաբեմայի թատրոն 544 նստատեղով, օգտագործվում է Սիդնեյի թատրոն կազմակերպության կողմից, ինչպես նաև պարային, թատերական բեմադրիչների կողմից
• Playhouse, ետնաբեմով թատրոն՝ 398 նստատեղով
• Ստուդիո, 400 հոգի տարողությամբ տարածք
• Utzon Room, փոքրիկ բազմակի օգտագործման վայր, ունի 210 անձ տեղավորելու հնարավորություն
• Ձայնագրման ստուդիա
• Outdoor Forecourt, բացօթյա տարածք, բազմակի հնարավորություններով բացօթյա վայր

• Պաշտոնական կայք
• World heritage listing for Sydney Opera House At unesco.org, 2007
• Photographs of the construction Արխիվացված 2006-08-24 Wayback Machine
• Competition drawings submitted by Jørn Utzon to the Opera House Committee
• Wolanski Foundation's annotated bibliography of sources on Sydney Opera House
• Architect Matt Taylor's response to the building
• Listen to an excerpt from the 'Sydney Opera House Opening Concert' and read more about it on australianscreen online
• The Edge of the Possible Documentary film with Jørn Utzon at filmartmedia.com, 21 September 2011
• Autopsy On a Dream – the making of the Sydney Opera House at Australian Broadcasting Corporation 17 October 2013
• Timeline: 40 years of the Sydney Opera House at Australian Broadcasting Corporation 22 October 2013

Վիքիպահեստն ունի նյութեր, որոնք վերաբերում են «Սիդնեյի օպերային թատրոն» հոդվածին։