Pyongyang
Ti Pyongyang (Koreano: [pʲʰʌ̹ŋ.ja̠ŋ]) ket ti kapitolio ken kadakkelan a siudad ti Amianan a Korea, nga idiay ket ammo a kas ti "Kapitolio ti Rebolusionn". Mabirukan ti Pyongyang iti Karayan Taedong iti agarup a 109 km (68 mi) iti surong manipud iti sabangan iti Baybay Duyaw. Segun ti senso ti populasion idi 2008, daytoy ket addaan iti populasion iti 3,255,288.[2] Ti Pyongyang ket maysa a dagus nga inadministro a siudad (직할시; 直轄市; chikhalsi) nga addaan iti kapada a kasasaad dagiti probinsia ti Amianan a Korea.
Pyongyang | |
---|---|
Nagsasabtan: 39°1′0″N 125°44′51″E | |
Pagilian | Amianan a Korea |
Kalawa | |
• Dagup | 3,194.00 km2 (1,233.21 sq mi) |
Kangato | 38 m (125 ft) |
Populasion (2015)[1] | |
• Dagup | 2,863,000 |
• Densidad | 900/km2 (2,300/sq mi) |
Sona ti oras | UTC+09:00, UTC+08:30, UTC+09:00 |
Ti Pyongyang ket maysa kadagiti kaduogan a siudad iti Korea.[3] Daytoy idi ti kapitolio dagiti ugma a Koreano a pagarian, ti Gojoseon ken Goguryeo, ken nagserbi a kas ti sekondario a kapitolio ti Goryeo. Kaaduan a nadadael ti siudad idi las-ud ti Umuna a Gubat ti Sino-Hapon, ngem napaungar manen daytoy babaen idi turay ti Hapon ken nagbalin a maysa a sentro ti industria. Kalpasan ti pannakaipatakder ti Amianan a Korea idi 1948, ti Pyongyang ket nagbalin a ti de facto a kapitoliona. Nadadael manen ti siudad idi las-ud ti Gubat ti Koreano, ngem napardas a nabangon manen kalpasan ti gubat iti itutulong ti Sobiet.
Ti Pyongyang ket ti sentro ti politika, industria ken pagluganan iti Amianan a Korea. Daytoy ket ayan dagiti nangruna a patakder ti Amianan a Korea, ken ti pay Partido dagiti Agob-obra iti Korea.
Nagnagan
Pyongyang | |
Nagan a Koreano | |
---|---|
Chosŏn'gŭl | 평양 |
Hancha | 平壤 |
Napabaro a Romanisasion | Pyeongyang |
McCune–Reischauer | P'yŏngyang |
lit. "Nadalumpinas a Daga" |
Dagiti sabali a historiko a nagan ket mairaman ti Kisong, Hwangsong, Rakrang, Sŏgyong, Sodo, Hogyong, Changan, ken Heijō[4][5] (idi las-ud ti turay ti Hapon iti Korea). Adda dagiti sabali a kita.[a] Idi las-ud ti nasapa a maika-20 a siglo, nagbalin nga ammo ti Pyongyang kadagiti misionario a kas ti "Herusalem iti Daya", gapu ti historikal a kasasaadna kas ti pagsammakedan ti Kristianidad, kas iti Protestantismo, a naipangpangruna idi las-ud ti panagpasayaat iti Pyongyang idi 1907.[17][18]
Kalpasan iti ipupusay ni Kim Il-sung idi 1994, adda dagiti sumagmamano a kameng ti bunggoy ni Kim Jong-il ket nangisingasing a baliwan ti nagan ti Pyongyang iti "Siudad ni Kim Il-sung" (Koreano: 김일성시; Hanja: 金日成市), ngem insingasing met dagiti sabali a ti Amianan a Korea ket imbes a mangrugida koman a mangtawag ti Seoul iti "Siudad ni Kim Il-sung" ken ikan ti Pyongyang iti nagan a "Siudad ni Kim Jong-il". Awan met kadagitoy a singasing ti naisayangkat.[19]
Kasakbayan a pakasaritaan
Idi 1955, nakali dagiti arkeologo ti ebidensia ti prehistoriko a pagnaedan iti dakkel nga ugma a purok iti lugar ti Pyongyang a tinawtawagan iti Kŭmtan-ni, napetsado daytoy dagiti paset ti panawen ti damdamili ti Jeulmun ken Mumun.[20] Itunos dagiti Amianna a Koreano ti Pyongyang iti mitolohiko a siudad ti "Asadal" (Koreano: 아사달; Hanja: 阿斯達), wenno Wanggeom-seong (Koreano: 왕검성; Hanja: 王儉城), ti umuna a maikadua a milenio BC a kapitolio ti Gojoseon ("Daan a Joseon") segun dagiti Koreano a historiograpo a mangrugi iti maika- 13 a siglo a Samgungnyusa.
Dagiti nota
Dagiti nagibasaran
Bibliograpia
- . Encyclopædia Britannica. Vol. VI (9th nga ed.). New York: Charles Scribner's Sons. 1878. pp. 390–394..
- "North Korea – A Country Study" (PDF). Library of Congress Country Studies. 2009.
Adu pay a mabasbasa
- Kim Chun-hyŏk (2014). Panorama of Pyongyang (PDF). Pyongyang: Foreign Languages Publishing House. ISBN 978-9946-0-1176-9.
- Kracht, Christian, Eva Munz & Lukas Nikol. The Ministry of Truth: Kim Jong Il's North Korea. Feral House, Oktubre 2007. ISBN 978-1-93259527-7.
- Meuser, Philipp (ed.): Pyongyang. Architectural Guide. Essays by Ahn Chang-mo and Christian Posthofen. Berlin 2012. ISBN 978-3-86922-187-8.
- Springer, Chris. Pyongyang: The Hidden History of the North Korean Capital. Saranda Books, 2003. ISBN 963-00-8104-0.
- Willoughby, Robert. North Korea: The Bradt Travel Guide. Globe Pequot, 2003. ISBN 1-84162-074-2.
- Dormels, Rainer. North Korea's Cities: Industrial facilities, internal structures and typification. Jimoondang, 2014. ISBN 978-89-6297-167-5