1612

Ár

Áratugir

Aldir

Árið 1612 (MDCXII í rómverskum tölum) var tólfta ár 17. aldar og hlaupár sem hófst á sunnudegi samkvæmt gregoríska tímatalinu eða á miðvikudegi samkvæmt júlíska tímatalinu sem er tíu dögum á eftir.

Atburðir

6. janúar - Axel Oxenstierna varð ríkiskanslari í Svíþjóð.
20. janúar - 4. nóvember - Uppreisn gegn pólskum hersveitum í Moskvu.
2. mars - Þriðji Falsdímítrí var hylltur sem Rússakeisari af kósökkum.
20. ágúst - Nornafárið í Pendle: Átta konur og tveir karlmenn voru hengd fyrir galdur í Lancaster-kastala.
30. nóvember - Sigur Breska Austur-Indíafélagsins yfir Portúgölum í orrustunni við Suvali við strendur Indlands markaði upphafið að endalokum einokunar Portúgala á verslum í Austur-Indíum.
28. desember - Galileo Galilei, varð fyrstur til að taka eftir plánetunni Neptúnusi, en taldi hana ranglega vera fastastjörnu.

John Rolfe hóf útflutning á tóbaki frá Virginíu.
Jón lærði Guðmundsson samdi Snjáfjallavísur hinar síðari og Umbót eður friðarhuggun, gegn draugi á bænum Stað á Snæfjöllum.
Rit Arngríms lærða, Anatomia Blefkeniana, var prentað á Hólum.
Eldgos varð í Eyjafjallajökli.
Fyrsta prentaða ljóðabókin á Íslandi, Vísnabók Guðbrands, kom út á Hólum. Hún inniheldur meðal annars fyrstu prentuðu útgáfu Lilju eftir Eystein munk.
Þingeyingar sendu konungi bænaskjal þar sem þeir báðu um að aftur yrði farið að sigla kaupförum til Húsavíkur. Það gekk eftir árið 1614.

Úlfhildi Jörundsdóttur drekkt í Ísafjarðarsýslu vegna blóðskammar, en hún hafði sængað með bræðrunum Gissuri og Katli Illugasonum.^[1]