Beji Caid Essebsi
Mohamed Beji Caid Essebsi (29. nóvember 1926 – 25. júlí 2019[1]) var túniskur stjórnmálamaður sem var forseti Túnis frá 31. desember 2014 þar til hann lést þann 25. júlí árið 2019. Hann hafði áður verið utanríkisráðherra landsins frá 1981 til 1986 og forsætisráðherra frá febrúar til desember árið 2011.[2][3]
| Beji Caid Essebsi محمد الباجي قائد السبسي | |
|---|---|
 Beji Caid Essebsi árið 2011. | |
| Forseti Túnis | |
| Í embætti 31. desember 2014 – 25. júlí 2019 | |
| Forsætisráðherra Túnis | |
| Í embætti 28. febrúar 2011 – 24. desember 2011 | |
| Persónulegar upplýsingar | |
| Fæddur | 29. nóvember 1926 Sidi Bou Saïd, Túnis |
| Látinn | 25. júlí 2019 (92 ára)Túnisborg, Túnis |
| Stjórnmálaflokkur | Nidaa Tounes (2012–2019) |
| Maki | Chadlia Fahrat Essebsi (g. 1958; d. 2019) |
| Starf | Stjórnmálamaður |
| Undirskrift |  |
Essebsi hafði verið virkur í túniskum stjórnmálum í um sex áratugi áður en hann varð leiðtogi landsins í kjölfar lýðræðisvæðingar þess eftir túnisku byltinguna árið 2011.[4] Essebsi var stofnandi stjórnmálaflokksins Nidaa Tounes, sem vann flest sæti í þingkosningum sem haldnar voru í landinu árið 2014. Í desember sama ár vann Essebsi fyrstu forsetakosningarnar sem haldnar voru eftir byltinguna og varð þar með fyrsti lýðræðislega kjörni forseti landsins.[5] Essebsi hlaut um 55 prósent atkvæða á móti sitjandi forseta landsins, Moncef Marzouki.[6]
Tilvísanir
| Fyrirrennari: Mohamed Ghannouchi |
| Eftirmaður: Hamadi Jebali | |||
| Fyrirrennari: Moncef Marzouki |
| Eftirmaður: Mohamed Ennaceur (til bráðabirgða) | |||
