ესპერანტო ვიკიპედია
ესპერანტო ვიკიპედია (ესპერ. Vikipedio en Esperanto) — ვიკიპედიის განყოფილება ესპერანტოზე. თავისუფალი ღია ინტერნეტ-ენციკლოპედია. გაიხსნა 2001 წელს. 2012 წლის აგვისტოს მდგომარეობით მოიცავს 168 723 ათ. სტატიას. ვიკიპედია ესპერანტოზე შექმნა აშშ-ის მოქალაქემ, იმ დროს ქალაქ როტერდამში მომუშავემ, ესპერანტოს საერთაშორისო ასოციაციის წევრმა, ესპერანტო-მოძრაობის აქტივისტმა ჩაკ სმითმა. პროექტს მხარდაჭერა გამოუცხადა ვიკიპედიის თანადამფუძნებელმა ბრაიონ ვიბერმა. მოგვიანებით პროექტს შემოუერთდა ესპერანტისტი არნო ლაგრანჟი, რომელიც იმ ხანად იყო ვიკიპედიის სტიუარდი, ხოლო დღეისათვის იგი ესპერანტული ვიკიპედიის ბიუროკრატი და ადმინისტრატორია. ჩაკ სმითმა წვლილი შეიტანა ესპერანტული ვიკიპედიის პოპულარიზაციაში, პირადად ესწრებოდა ახალგაზრდათა ესპერანტო-შეხვედრებს.
 ესპერანტო ვიკიპედია Vikipedio en Esperanto | |
|---|---|
 | |
 | |
| მისამართი: | eo.wikipedia.org |
| კომერციული: | არა |
| საიტის ტიპი: | ქსელური ენციკლოპედია |
| რეგისტრაცია: | არა არის სავალდებულო |
| ენა: | ესპერანტო |
| მფლობელი: | ფონდი ვიკიმედია |
| სტატიების რაოდენობა: | 352 637 |
| გვერდების რაოდენობა: | 792 416 |
| რედაქტირებების რაოდენობა: | 8 689 873 |
| დარეგისტრირებული მომხმარებელი: | 222 811 |
| აქტიური მომხმარებელი: | 308 |
| ადმინისტრატორი: | 12 |
| სიღრმე: | 17.1 |
ესპერანტოს განყოფილების ადრეულ პოპულარობას ემატებოდა ის გარემოება, რომ სხვადასხვა ქვეყნებიდან ადგილობრივმა ესპერანტისტებმა დაიწყეს განცხადებების შეტანა ამა თუ იმ ენაზე განყოფილების შექმნის თაობაზე. ასე მაგ., ქართველი მათემატიკოსისა და ესპერანტისტის ავთანდილ აბულაძის ინიციატივით შეიქმნა ვიკიპედიის ქართულენოვანი განყოფილება. ჩეხური ვიკიპედიის შექმნაზე იზრუნდა ესპერანტისტმა ბრნო მიროსლავ მალოვეცმა. ესპერანტო-საზოგადოებისათვის ესპერანტული ვიკიპედიის არსებობას დიდი მნიშნვნელობა აქვს.
სტატიების 100 ათასიან ზღვარს ესპერანტულმა ვიკიპედიამ მიაღწია 2008 წელს. 2011 წლისათვის იგი მოიცავდა 150 ათას სტატიას. აქტიურ მომხმარებელთა რიცხვი რამდენიმე ასეულია.
