კალიფორნიის ტექნოლოგიის ინსტიტუტი
კალიფორნიის ტექნოლოგიის ინსტიტუტი, შემოკლებით კალტექი (ინგლ. California Institute of Technology - Caltech) — კერძო კვლევითი უნივერსიტეტი პასადენაში, კალიფორნია, აშშ. უნივერსიტეტის კვლევების ძირითადი მიმართულებაა საბუნებისმეტყველო მეცნიერებები და საინჟინრო ტექნოლოგიები. კალტექი ასევე მართავს რეაქტიული ძრავის ლაბორატორიას, ნასა-ს ცენტრს, სადაც მრავალი უპილოტო კოსმოსური ზონდის დამუშავება და აწყობა ხდება. კალტექში მხოლოდ 2100-მდე სტუდენტია (900 საბაკალავრო და 1200 სამაგისტრო), თუმცა მსოფლიოში საუკეთესო ათეულში მოიხსენიება ციტირების ინდექსის[18], ნობელის პრემიის ლაურეატებისა და ზოგადი საუნივერსიტეტო რანგების მიხედვით.
Times Higher Education World University Rankings-ის მიხედვით კალტექი პირველია ფიზიკასა და საინჟინრო ტექნოლოგიებში მსოფლიოს მასშტაბით.[19][20][21] Academic Ranking of World Universities-ის 2016 წლის კვლევებში კალტექი მეშვიდე ადგილს იკავებს მსოფლიოში და მეექვსეს აშშ-ში.[22][23] Money Magazine-მა 2014 წელს კალტექს მეათე ადგილი მიაკუთვნა აშშ-ში,[24] The Daily Beast-მა კი ამავე წელს მეთორმეტე.[25] 2016 წელს U.S. News & World Report-მა კალტექი აშშ-ში მეათე საუკეთესოდ აღიარა[26](მისი ქიმიის ფაკულტეტი კი საუკეთესო იყო ქვეყნის მასშტაბით).
კურსდამთავრებულები
- ვერნონ სმითი - ნობელის პრემიის ლაურეატი ეკონომიკის დარგში.
- დონალდ კნუთი - ცნობილი როგორც "ალგორითმების ანალიზის მამა", TeX სისტემის შემქმნელი
რესურსები ინტერნეტში
- ოფიციალური საიტი
- History of Caltech დაარქივებული 2006-04-25 საიტზე Wayback Machine.
სქოლიო
|journal=
-ს (დახმარება)|journal=
-ს (დახმარება)