ಬ್ರಿಸ್ಬೇನ್‌

ಯುರೋಪಿಯನ್ ವಸಾಹತುಗಳನ್ನು ಸ್ಥಾಪಿಸುವ ಮೊದಲು ಬ್ರಿಸ್ಬೇನ್ ಪ್ರದೇಶದಲ್ಲಿ ಟರ್ಬಲ್ ಮತ್ತುಜಗೆರಾ ಜನಾಂಗದ ಜನರು ವಾಸವಾಗಿದ್ದರು,^[೮] ಇವರ ಪೂರ್ವಿಕರು ಟೊರೆಸ್ ಜಲಸಂಧಿಯಿಂದ ಇಲ್ಲಿಗೆ ವಲಸೆಬಂದು ನೆಲಸಿದ್ದರು. ಅವರು ಈ ಪ್ರದೇಶವನ್ನು ಮಿಯನ್-ಜಿನ್ ಎಂದು ತಿಳಿದಿದ್ದರು, "ಚೂಪಾದ ಮೊಳೆಯಾಕಾರದಲ್ಲಿರುವ ಸ್ಥಳ" ಎಂಬುದು ಇದರ ಅರ್ಥವಾಗಿದೆ.^[೯]

ಮೋರೆಟನ್ ಕೊಲ್ಲಿ ಪ್ರದೇಶವನ್ನು ಆರಂಭದಲ್ಲಿ ಮ್ಯಾಥೀವ್ ಫಿಂಡರ್ಸ್ ರವರು ಪರಿಶೋಧಿಸಿದರು. 1799 ರ ಜುಲೈ 17 ರಂದು ಫಿಂಡರ್ಸ್, ಇಂದು ವುಡ್ಡಿ ಪಾಯಿಂಟ್ ಎಂದು ಕರೆಯಲಾಗುವ ಸ್ಥಳಕ್ಕೆ ಬಂದಿಳಿದರಲ್ಲದೇ, ಕೊಲ್ಲಿಯಿಂದ ಕೆಂಪು ಬಣ್ಣದ ಕಡಿಬಂಡೆಗಳು ಕಾಣಿಸಿದ ಮೇಲೆ ಇದನ್ನು "ರೆಡ್ ಕ್ಲಿಫ್ ಪಾಯಿಂಟ್" ಎಂದು ಕರೆದರು.^[೧೦] 1823ರಲ್ಲಿ ನ್ಯೂ ಸೌತ್ ವೇಲ್ಸ್ ನ ಗವರ್ನರ್ ಆಗಿದ್ದ ಥಾಮಸ್ ಬ್ರಿಸ್ಬೇನ್, ಉತ್ತರದ ಹೊಸ ದಂಡನೆಯ ನೆಲೆಯನ್ನು ಅಭಿವೃದ್ಧಿಪಡಿಸಲು ಸೂಚಿಸಿದರು. ಅಲ್ಲದೇ ಜಾನ್ ಅಕ್ಸ್ ಲೆ ನೇತೃತ್ವದ ಪರಿಶೋಧನ ತಂಡವು ಮುಂದೆ ಮೋರೆಟನ್ ಕೊಲ್ಲಿಯನ್ನು ಪರಿಶೋಧಿಸಿತು.^[೧೧]

ಆಕ್ಸ್‌ಲೆ ಬ್ರಿಸ್ಬೇನ್ ನದಿಯನ್ನು ಮತ್ತು ಗೂಡ್ನಾವನ್ನು ಕಂಡುಹಿಡಿದರು, ಪರಿಶೋಧಿಸಿದರು ಮತ್ತು ಹೆಸರನ್ನಿಟ್ಟರು, ಇದು ಬ್ರಿಸ್ಬೇನ್ ಸೆಂಟ್ರಲ್ ಬ್ಯುಸಿನೆಸ್‌ ಡಿಸ್ಟ್ರಿಕ್ಟ್ ನಿಂದ 20 kilometres (12 mi) ನಷ್ಟು ದೂರದಲ್ಲಿದೆ.^[೧೧] ಅಕ್ಸ್‌ಲೆ, ಇಲ್ಲಿ ಹಡಗುಗಳು ಯಾವುದೇ ನೀರಿನ ಮಟ್ಟದಲ್ಲಾದರು ಸಾಗಬಲ್ಲವು ಮತ್ತು ಸುಲಭವಾಗಿ ತೀರವನ್ನು ಸೇರಬಲ್ಲವು ಎಂದು ವರದಿಮಾಡುವ ಮೂಲಕ, ಹೊಸ ವಸಾಹತಿಗಾಗಿ ರೆಡ್‌ಕ್ಲಿಫ್ ಪಾಯಿಂಟ್ಅನ್ನು ಶಿಫಾರಸು ಮಾಡಿದರು.^[೧೨]

1824 ರ ಸೆಪ್ಟೆಂಬರ್ 13 ರಂದು ತಂಡವು ಲೆಫ್ಟೆನೆಂಟ್ ಹೆನ್ರಿ ಮಿಲ್ಲರ್ ರವರ ಆದೇಶದಡಿಯಲ್ಲಿ 14 ಮಂದಿ ಸೈನಿಕರೊಂದಿಗೆ ರೆಡ್ ಕ್ಲಿಫ್ ನಲ್ಲಿ ನೆಲೆಸಿತು;ಕೆಲವರು ಅವರ ಹೆಂಡತಿ ಮತ್ತು ಮಕ್ಕಳು; ಮತ್ತು 29 ಸೆರೆಯಾಳುಗಳೊಂದಿಗೆ ನೆಲೆಸಿದರು. ಅದೇನೇ ಆದರೂ ವರ್ಷದ ನಂತರ ಈ ವಸಾಹತನ್ನು ತೊರೆಯಲಾಯಿತು ಹಾಗು ಇದನ್ನು ಬ್ರಿಸ್ಬೇನ್ ನದಿಯ ಮೇಲಿರುವ ಈಗಿನ ನಾರ್ತ್ ಕೀ ಸ್ಥಳಕ್ಕೆ ಸ್ಥಳಾಂತರಿಸಲಾಯಿತು, ಇದು 28 kilometres (17 mi) ದಕ್ಷಿಣದ್ದು, ಇಲ್ಲಿ ನೀರಿನ ಅತ್ಯಂತ ಅನುಕೂಲಕರವಾದ ಸರಬರಾಜು ವ್ಯವಸ್ಥೆ ಇದ್ದಿತು. ಹೊಸ ವಸಾಹತಿಗೆ ಬ್ರಿಸ್ಬೇನ್ ಎಂಬ ಹೆಸರನ್ನಿಡುವ ಮೊದಲು ಪ್ರಧಾನ ನ್ಯಾಯಾಧೀಶರಾದ ಫೋರ್ಬ್ಸ್ ಇದಕ್ಕೆ ಎಡೆನ್ ಗ್ಲಾಸ್ಸೀ ಎಂಬ ಹೆಸರನ್ನಿಟ್ಟಿದ್ದರು.^[೧೩]

ಬ್ರಿಸ್ಬೇನ್ ಪ್ರದೇಶದ ಸೆರೆಯಾಳುಗಳಿಲ್ಲದ ಯುರೋಪಿಯನ್ ವಸಾಹತನ್ನು1838 ರಲ್ಲಿ ಸ್ಥಾಪಿಸಲಾಯಿತು.^[೧೪] ಬ್ರಿಸ್ಬೇನ್ ನಲ್ಲಿ ಉಚಿತವಾಗಿ ವಸಾಹತನ್ನು ಸ್ಥಾಪಿಸಿಕೊಳ್ಳಲು ಅವಕಾಶ ನೀಡಿದ ಐದು ವರ್ಷಗಳ ಮೊದಲು, 1837 ರಲ್ಲಿ ಜರ್ಮನ್ ಮತಪ್ರಚಾರಕರು ನುನ್ಧಾ ದ ಜಿಯನ್ಸ್ ಹಿಲ್ ನಲ್ಲಿ ನೆಲೆಸಿದರು. ಈ ವೃಂದವು ಕ್ರಿಸ್ಟೋಫರ್ ಇಪ್ಪರ್ (1813–1894) ಮತ್ತು ಕಾರ್ಲ್ ವಿಲ್ ಹೆಲ್ಮ್ ಸ್ಚಿಮಿಡ್ ಎಂಬ ಇಬ್ಬರು ಮಂತ್ರಿಗಳನ್ನು ಮತ್ತು ಉದ್ಯೋಗದಲ್ಲಿದ್ದ ಮತಪ್ರಚಾರಕರಾದ ಹೌಸ್ ಮನ್, ಜೋಹಾನ್ ಗಾಟ್ರೈಡ್ ವ್ಯಾಂಗರ್, ನಿಕ್ವೆಟ್, ಹ್ಯಾರ್ಟೆನ್ಸ್ಟೀನ್, ಜಿಲ್ಮನ್ , ಫ್ರಾನ್ಜ್, ರೋಡೆ, ಡಾಗಿ ಮತ್ತು ಸ್ಚ್ನೈಡರ್ ಎಂಬುವವರನ್ನು ಒಳಗೊಂಡಿತ್ತು.^[೧೫] ಅವರಿಗೆ 260 ಎಕ್ಕರೆಯಷ್ಟು ಭೂಮಿಯನ್ನು ನೀಡಲಾಯಿತು ಮತ್ತು ನಿಯೋಗವನ್ನು ಆರಂಭಿಸಲಾಯಿತು. ಇದನ್ನು ಜರ್ಮನ್ ಸ್ಟೇಷನ್ ಎಂದು ಕರೆಯಲಾಗುತ್ತದೆ.^[೧೬]

ಅನಂತರದ ಐದು ವರ್ಷಗಳಲ್ಲಿ ಉಚಿತ ವಸಾಹತುಗಾರರು ಈ ಪ್ರದೇಶಕ್ಕೆ ಬಂದರು ಹಾಗು 1840 ಮುಗಿಯುವ ಹೊತ್ತಿಗೆ ರಾಬರ್ಟ್ ಡಿಕ್ಸನ್ , ಬ್ರಿಸ್ಬೇನ್ ಪಟ್ಟಣವನ್ನು ಭವಿಷ್ಯದಲ್ಲಿ ಹೇಗೆ ಅಭಿವೃದ್ಧಿಪಡಿಸಬೇಕೆಂಬ ಪೂರ್ವಸಿದ್ಧತೆಗೆ ಸಂಬಂಧಿಸಿದ ಯೋಜನೆಯ ಮೇಲೆ ಕಾರ್ಯನಿರ್ವಹಿಸಲು ಆರಂಭಿಸಿದರು.^[೧೭] 1859 ರ ಜೂನ್ 6 ರಂದು ಕ್ವೀನ್ಸ್‌ಲ್ಯಾಂಡ್‌ ಅನ್ನು ಪ್ರತ್ಯೇಕ ವಸಾಹತು ಎಂದು ಘೋಷಿಸಲಾಯಿತು,^[೧೮] ಇದರೊಂದಿಗೆ ಬ್ರಿಸ್ಬೇನ್ ಅನ್ನು 1902 ರ ವರೆಗು ನಗರವೆಂಬಂತೆ ಸೇರಿಸಿಕೊಳ್ಳದಿದ್ದರು ಕೂಡ ಇದರ ರಾಜಧಾನಿಯನ್ನಾಗಿ ಆಯ್ಕೆ ಮಾಡಲಾಗಿತ್ತು. ಬ್ರಿಸ್ಬೇನ್ ನಗರವನ್ನು ನಿರ್ಮಿಸಲೆಂದು ಸುಮಾರು ಇಪ್ಪತ್ತು ಸಣ್ಣ ಸಣ್ಣ ನಗರಪಾಲಿಕೆಗಳು ಮತ್ತು ಗ್ರಾಮಾಂತರ ಪ್ರದೇಶಗಳನ್ನು1925ರಲ್ಲಿ ಒಟ್ಟುಗೂಡಿಸಲಾಯಿತು. ಇವುಗಳನ್ನು ಬ್ರಿಸ್ಬೇನ್ ಸಿಟಿ ಕೌನ್ಸಿಲ್ ನಿರ್ವಹಿಸುತ್ತದೆ.^{[೧೯][೨೦]}

ಬ್ರಿಸ್ಬೇನ್ ಸಿಟಿ ಹಾಲ್ ಸಂಪೂರ್ಣಗೊಳ್ಳುವುದರೊಂದಿಗೆ 1930 ಬ್ರಿಸ್ಬೇನ್ ಗೆ ಗಮನಾರ್ಹ ವರ್ಷವಾಗಿದೆ. ಅನಂತರ ನಗರದ ಅತ್ಯಂತ ಎತ್ತರವಾದ ಕಟ್ಟಡ ಶ್ರೈನ್ ಆಫ್ ರೆಮೆಂಬರೆನ್ಸ್ ಅನ್ನು ANZAC ಚೌಕದಲ್ಲಿ ನಿರ್ಮಿಸಲಾಯಿತು. ತರುವಾಯ ಇದು ಬ್ರಿಸ್ಬೇನ್ ನ ಪ್ರಧಾನ ಯುದ್ಧ ಸ್ಮರಣೆಯ ಕಟ್ಟಡವಾಯಿತು.^[೨೧]ಸ್ಟೋರಿ ಸೇತುವೆಯೊಂದಿಗೆ ಈ ಐತಿಹಾಸಿಕ ಕಟ್ಟಡಗಳನ್ನು1940 ^[೨೨] ರಲ್ಲಿ ತೆರೆಯಲಾಯಿತು. ಇವು ನಗರದ ಪ್ರಮುಖ ಹೆಗ್ಗುರುತುಗಳಾಗಿದ್ದು, ನಗರದ ಚಿತ್ರಣವನ್ನು ವ್ಯಾಖ್ಯಾನಿಸಲು ಸಹಾಯಕವಾಗಿವೆ.

ಮಹಾಯುದ್ಧ II ರ ಸಮಯದಲ್ಲಿ, ಮಿತ್ರರಾಷ್ಟ್ರದ ಪೆಸಿಫಿಕ್ ಪಡೆಗಳ ಪ್ರಧಾನಾಧಿಕಾರಿಯಾದ ಜನರಲ್ ಡೌಗ್ಲಾಸ್ ಮ್ಯಾಕ್ ಅರ್ಥರ್‌ಗಾಗಿ AMP ಕಟ್ಟಡವನ್ನು (ಈಗ ಇದನ್ನು ಮ್ಯಾಕ್ ಅರ್ಥರ್ ಸೆಂಟ್ರಲ್ ಎಂದು ಕರೆಯಲಾಗುತ್ತದೆ) ಸೌತ್ ವೆಸ್ಟ್ ಪೆಸಿಫಿಕ್ ಹೆಡ್ ಕ್ವಾಟರ್ಸ್ ಆಗಿ ಬಳಸಿದ ಸಂದರ್ಭದಲ್ಲಿ, ಬ್ರಿಸ್ಬೇನ್ ಮಿತ್ರ ರಾಷ್ಟ್ರಗಳ ಕಾರ್ಯಾಚರಣೆಯ ಕೇಂದ್ರವಾಗಿತ್ತು. 1944 ರಲ್ಲಿ ಈ ಕೇಂದ್ರಕಾರ್ಯಾಲಯಗಳನ್ನು ಹೊಲ್ಯಾಂಡಿಯಾದಲ್ಲಿ ಸ್ಥಾಪಿಸುವವರೆಗೂ ಬ್ರಿಸ್ಬೇನ್‌ನನ್ನೇ ಬಳಸಲಾಗಿತ್ತು. ಮ್ಯಾಕ್ ಅರ್ಥರ್, ಸೇಂಟ್ ಲೂಸಿಯಾದಲ್ಲಿ ಹರಿಯುವ ನದಿ ವಿಭಿನ್ನ ತಿರುವುಗಳನ್ನು ಹೊಂದಿರುವುದರಿಂದ, ಅದು ಶತ್ರುಗಳ ಬಾಂಬ್ ದಾಳಿಮಾಡುವ ವಿಮಾನಗಳಿಗೆ ಸಹಾಯಕವಾಗಬಹುದೆಂದು ಭಾವಿಸಿ ಕ್ವೀನ್ಸ್‌ಲ್ಯಾಂಡ್‌ ವಿಶ್ವವಿದ್ಯಾನಿಲಯದ ಸಂಕೀರ್ಣವನ್ನು ಅವರ ಕೇಂದ್ರಕಾರ್ಯಾಲಯವಾಗಿ ಬಳಸಲು ಮೊದಲು ನಿರಾಕರಿಸಿದ್ದರು. ಮಹಾಯುದ್ಧ II ರ ಸಂದರ್ಭದಲ್ಲಿ ಅಮೇರಿಕನ್ ಪಡೆಗಳು T & G ಬಿಲ್ಡಿಂಗ್ ಅನ್ನು ಕೇಂದ್ರಕಾರ್ಯಾಲಯವಾಗಿ ಬಳಸಿದ್ದರು.^[೨೩]

ಯುದ್ಧದ ಸಂದರ್ಭದಲ್ಲಿ ಸರಿಸುಮಾರು 1 ಮಿಲಿಯನ್‌ನಷ್ಟು US ಪಡೆಗಳು, ಸೌತ್ ವೆಸ್ಟ್ ಪೆಸಿಫಿಕ್‌ಗೆ ಪ್ರಾಥಮಿಕ ಸಹಕಾರ ಸ್ಥಾನದಂತೆ ಆಸ್ಟ್ರೇಲಿಯಾದ ಮೂಲಕ ಸಾಗಿದ್ದವು.^[೨೪] 1942ರಲ್ಲಿ ಬ್ರಿಸ್ಬೇನ್, US ಮಿಲಿಟರಿ ಸಿಬ್ಬಂದಿ ಮತ್ತು ಆಸ್ಟ್ರೇಲಿಯಾದ ಯೋಧರು ಮತ್ತು ನಾಗರಿಕರ ನಡುವೆ ನಡೆದ ಹಿಂಸಾತ್ಮಕ ಸಂಘರ್ಷದ ನೆಲೆಯಾಯಿತು, ಇದರಲ್ಲಿ ಒಬ್ಬರು ಸಾವನ್ನಪ್ಪಿದರು ಮತ್ತು ಹಲವಾರು ಮಂದಿ ಗಾಯಗೊಂಡರು. ಈ ಘಟನೆಯನ್ನು ಆಡುಭಾಷೆಯಲ್ಲಿ ಬ್ರಿಸ್ಬೇನ್‌ನ ಕದನ ಎಂದು ಕರೆಯಲಾಗುತ್ತದೆ.^[೨೫]

ಯುದ್ಧದ ನಂತರ ಬ್ರಿಸ್ಬೇನ್‌ನಲ್ಲಿ "ಬಿಗ್ ಕಂಟ್ರಿ ಟೌನ್" ಕಳಂಕವು ಕಂಡುಬಂದಿತು, ನಗರದ ರಾಜಕಾರಣಿಗಳು ಮತ್ತು ವ್ಯಾಪಾರಿಗಳು ಈ ಕಳಂಕವನ್ನು ದೂರಮಾಡಲು ಆಸಕ್ತರಾಗಿದ್ದರು.^{[೨೬][೨೭]} ಏಕಪ್ರಕಾರದ ಬೆಳವಣಿಗೆಯ ಹೊರತಾಗಿಯೂ ಬ್ರಿಸ್ಬೇನ್‌ನ ಅಭಿವೃದ್ಧಿಯು ಮೂಲಭೂತ ವ್ಯವಸ್ಥೆಗಳ ಸಮಸ್ಯೆಯಿಂದಾಗಿ ಸ್ಥಗಿತಗೊಂಡಿತು. ಜೊಹ್ ಬೆಜ್ಕೆ-ಪೀಟರ್ಸೆನ್‌ರವರಡಿಯಲ್ಲಿ ರಾಜ್ಯ ಸರ್ಕಾರವು ಸೆಂಟ್ರಲ್ ಬ್ಯುಸಿನೆಸ್‌ ಡಿಸ್ಟ್ರಿಕ್ಟ್ (CBD) ಮತ್ತು ಇತರ ಉಪನಗರಗಳಿಂದ ಆರಂಭಿಸುವುದರೊಂದಿಗೆ ಬದಲಾವಣೆಯ ಮತ್ತು ನಗರ-ನವೀಕರಣದ ಪ್ರಮುಖ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿತು. ಟ್ರ್ಯಾಮ್ಸ್ ಇನ್ ಬ್ರಿಸ್ಬೇನ್ ಸಾರ್ವಜನಿಕ ಸಂಚಾರದ ಪ್ರಸಿದ್ಧ ಮಾರ್ಗವಾಗಿದೆ. ಈ ಸಂಪರ್ಕ ವ್ಯವಸ್ಥೆಯನ್ನು 1969 ರಲ್ಲಿ ಸ್ಥಗಿತಗೊಳಿಸುವವರೆಗೂ ಮೆಲ್ಬರ್ನ್, ಟ್ರ್ಯಾಮ್ ಸಂಪರ್ಕ ವ್ಯವಸ್ಥೆಯನ್ನು ಬಳಸುತ್ತಿದ್ದ ಆಸ್ಟ್ರೇಲಿಯಾದ ಕೊನೆಯ ನಗರವಾಗಿದೆ.

1974 ರ ಬ್ರಿಸ್ಬೇನ್ ಪ್ರವಾಹ ಅತ್ಯಂತ ದೊಡ್ಡ ದುರಂತವಾಗಿದ್ದು, ಇದು ತಾತ್ಕಾಲಿಕವಾಗಿ ನಗರಕ್ಕೆ ಹಾನಿಯನ್ನುಂಟುಮಾಡಿತು. ಈ ಯುಗದ ಸಂದರ್ಭದಲ್ಲಿ, ಬ್ರಿಸ್ಬೇನ್ ಅಂತರರಾಜ್ಯದ ವಲಸೆಯ ಗುರಿಯಾಗುವ ಮೂಲಕ ವೇಗವಾಗಿ ಅಭಿವೃದ್ಧಿಹೊಂದಿತು ಮತ್ತು ಆಧುನೀಕರಣಗೊಂಡಿತು. 1979 ರಲ್ಲಿ ಬೆಲ್ಲೆವೆ ಹೋಟೆಲ್ ಮತ್ತು 1982 ರಲ್ಲಿ ಕ್ಲೌವ್ ಲ್ಯಾಂಡ್ ಅನ್ನು ಒಳಗೊಂಡಂತೆ ಬ್ರಿಸ್ಬೇನ್‌ನ ಕೆಲವು ಪ್ರಸಿದ್ಧ ಹೆಗ್ಗುರುತುಗಳು ಕಣ್ಮರೆಯಾದವು. ಡೀನ್ ಸಹೋದರರ ಕೆಡಹುವಿಕೆ ತಂಡದ ಸಿಬ್ಬಂದಿಗಳು ವಿವಾದಾತ್ಮಕ ಸಂದರ್ಭಗಳಲ್ಲಿ ಇವುಗಳನ್ನು ನಾಶಗೊಳಿಸಿದರು. ಪ್ರಮುಖ ಸಾರ್ವಜನಿಕ ಕಾರ್ಯಗಳೆಂದರೆ: ರಿವರ್ ಸೈಡ್ ಎಕ್ಸ್‌ಪ್ರೆಸ್‌ವೇ, ಗೇಟ್‌ವೇ ಸೇತುವೆ ಮತ್ತು ಕ್ವೀನ್ಸ್‌ಲ್ಯಾಂಡ್‌ ಆರ್ಟ್ ಗ್ಯಾಲರಿಯಿಂದ ಪ್ರಾರಂಭಿಸುವುದರೊಂದಿಗೆ ಅನಂತರದ ದಕ್ಷಿಣದ ತೀರದ ಪುನರ್ಅಭಿವೃದ್ಧಿ.

1982 ರ ಕಾಮನ್ ವೆಲ್ತ್ ಕ್ರೀಡಾಕೂಟ ಮತ್ತು 1988 ರ ವಲ್ಡ್ ಎಕ್ಸ್‌ಪೊಸಿಷನ್( ಸ್ಥಳೀಯವಾಗಿ ವಲ್ಡ್ ಎಕ್ಸ್‌ಪೊ 88 ಎಂದು ಕರೆಯಲಾಗುತ್ತದೆ)ಗಳು ಬ್ರಿಸ್ಬೇನ್‌ನಲ್ಲಿ ನಡೆದವು. ಈ ಕಾರ್ಯಕ್ರಮಗಳು ಕ್ವೀನ್ಸ್‌ಲ್ಯಾಂಡ್‌ ರಾಜ್ಯದಲ್ಲಿ ಹಿಂದೆ ಕಂಡುಬರದಿದ್ದ ಸಾರ್ವಜನಿಕ ವೆಚ್ಚ, ನಿರ್ಮಾಣ ಮತ್ತು ಅಭಿವೃದ್ಧಿಯೊಂದಿಗೆ ಜತೆಗೂಡಿದ್ದವು.^{[೨೮][೨೯]}

1990ರಿಂದ ಒಂದು ವರ್ಷಕ್ಕೆ ಸರಿಸುಮಾರು 2.2 ಪ್ರತಿಶತದಷ್ಟು ದರದಲ್ಲಿ ಬ್ರಿಸ್ಬೇನ್‌ನ ಜನಸಂಖ್ಯಾ ಬೆಳವಣಿಗೆಯು ಪ್ರತಿ ವರ್ಷ ರಾಷ್ಟ್ರದ ಸರಾಸರಿಯನ್ನು ಮೀರುತ್ತಿದೆ.

ಬ್ರಿಸ್ಬೇನ್ 2011 ರ ಜನವರಿ ತಿಂಗಳಲ್ಲಿ ಮತ್ತೊಮ್ಮೆ ಪ್ರವಾಹಕ್ಕೊಳಗಾಯಿತು. ಇದರಿಂದ ಬ್ರಿಸ್ಬೇನ್ ನದಿಯು ಹಿಂದಿನ 1974 ರ ಪ್ರವಾಹದ ಎತ್ತರದ ಮಟ್ಟವನ್ನು ತಲುಪದಿದ್ದರೂ ಕೂಡ ಭಾರಿ ಪ್ರಮಾಣದಲ್ಲಿ ನಷ್ಟ ಮತ್ತು ಹಾನಿ ಸಂಭವಿಸಿತು.^{[೩೦][೩೧]}

• 
  ಬ್ರಿಸ್ಬೇನ್‍‌ನ ವಿಕ್ಹ್ಯಾಮ್ ಉದ್ಯಾನದಲ್ಲಿರುವ ಓಲ್ಡ್ ವಿಂಡ್‌ಮಿಲ್.1824ರಲ್ಲಿ ಸೆರೆಯಾಳು ನಿರ್ಮಿಸಿದ ಇದು ಬ್ರಿಸ್ಬೇನ್‌ನ ಪ್ರಮುಖ ಮತ್ತು ಅತ್ಯಂತ ಹಳೆಯ ವಿಶಿಷ್ಟಗುರುತುಗಳಲ್ಲಿ ಒಂದಾಗಿದೆ.
• 
  ಬ್ರಿಸ್ಬೇನ್‌ನ ANZAC ಚೌಕ ಮತ್ತು ಶ್ರೈನ್ ಆಫ್ ರಿಮೆಂಬರೆನ್ಸ್ (ಸುಮಾರು 1930).
• 
  ಅಮೇರಿಕನ್ ಫ್ಲೀಟ್ ಮಾರ್ಚಿಂಗ್ ಡೌನ್ ಕ್ವೀನ್ ಸ್ಟ್ರೀಟ್, ಮಾರ್ಚ್ 1941.
• 
  ಬ್ರಿಸ್ಬೇನ್ ನದಿಯಿಂದ ಕಾಣುವ ವರ್ಲ್ಡ್ ಎಕ್ಸ್‌ಪೊ 88.
• 
  ಕ್ವೀನ್ಸ್‌ಲ್ಯಾಂಡ್‌‌ನ ಮೊದಲ ಗೌರ್ನ್ಮಮೆಂಟ್ ಹೌಸ್, 1862ರಲ್ಲಿ ನಿರ್ಮಾಣ ಕಾರ್ಯವು ಪೂರ್ಣಗೊಂಡ ಇದು ಸಿಟಿ ಬೊಟಾನಿಕ್ ಗಾರ್ಡನ್ಸ್‌ನ ಹತ್ತಿರ ಕ್ವೀನ್ಸ್‌ಲ್ಯಾಂಡ್‌‌ನ ತಂತ್ರಜ್ಞಾನ ವಿಶ್ವವಿದ್ಯಾನಿಲಯದ ಆವರಣದೊಳಗೆ ಇದೆ.

ಬ್ರಿಸ್ಬೇನ್ ಆಸ್ಟ್ರೇಲಿಯಾದ ಕ್ವೀನ್ಸ್‌ಲ್ಯಾಂಡ್‌ ರಾಜ್ಯದ ಆಗ್ನೇಯ ಮೂಲೆಯಲ್ಲಿದೆ. ಈ ನಗರವು ಬ್ರಿಸ್ಬೇನ್ ನದಿಯುದ್ದಕ್ಕೂ ವ್ಯಾಪಿಸಿದೆ ಮತ್ತು ಅದರ ಪೂರ್ವದಿಕ್ಕಿಗಿರುವ ಉಪನಗರಗಳು ಮೋರೆಟನ್ ಕೊಲ್ಲಿಯ ತೀರದಾದ್ಯಂತ ಸಾಲಾಗಿ ಹರಡಿಕೊಂಡಿವೆ. ಗ್ರೇಟರ್ ಬ್ರಿಸ್ಬೇನ್ ವಲಯವು ಗ್ರೇಟ್ ಡಿವೈಂಡಿಂಗ್ ರೇಂಜ್‌ನ ಪೂರ್ವಕ್ಕೆ ಕರಾವಳಿ ಬಯಲು ಪ್ರದೇಶದಲ್ಲಿದೆ. ಬ್ರಿಸ್ಬೇನ್‌ನ ಮೆಟ್ರೋಪಾಲಿಟನ್ ಪ್ರದೇಶವು ಉತ್ತರದಲ್ಲಿ ಕ್ಯಾಬುಲ್ಚರ್‌ನಿಂದ ಮತ್ತು ದಕ್ಷಿಣದಲ್ಲಿ ಬೀನ್ ಲೈಗ್‌ನಿಂದ ಮೋರೆಟನ್ ಕೊಲ್ಲಿಯ ಒಳಹರಿವಿನ ಮೈದಾನದಾದ್ಯಂತ ಮತ್ತು ನೈಋತ್ಯದಲ್ಲಿ ಇಪ್ಸ್‌ವಿಚ್ ಉದ್ದಕ್ಕೂ ಹರಡಿದೆ.

ಬ್ರಿಸ್ಬೇನ್ ನಗರವು ಕಡಿದಾದ ಗುಡ್ಡಗಳಿಂದ ಕೂಡಿದೆ.^[೩೨] ಸೆಂಟ್ರಲ್ ಬ್ಯುಸಿನೆಸ್‌ ಡಿಸ್ಟ್ರಿಕ್ಟ್ಅನ್ನೂ ಒಳಗೊಂಡಂತೆ ನಗರ ಪ್ರದೇಶವು, ಭಾಗಶಃ ಹರ್ಬರ್ಟ್ ಟೇಲರ್ ರೇಂಜ್ ‌ ಬೆಟ್ಟದ ಚಾಚಿನಿಂದಾಗಿ ಎತ್ತರದಲ್ಲಿದೆ. ಉದಾಹರಣೆಗೆ ಮೌಂಟ್ ಕೂಟ್-ತಾ‌ ಪರ್ವತದ ಶಿಖರವು 300 metres (980 ft) ಮೀಟರ್‌ಗಳವರೆಗೆ ಮತ್ತು ಸಣ್ಣ ಎನೊಗೆರಾ ಪರ್ವತವನ್ನು ಮುಟ್ಟುತ್ತದೆ. ಬ್ರಿಸ್ಬೇನ್ ನಲ್ಲಿರುವ ಇತರ ಪ್ರಮುಖ ಪರ್ವತಗಳೆಂದರೆ; ಮೌಂಟ್ ಗ್ರಾವಟ್ ಮತ್ತು ಸಮೀಪದಲ್ಲಿರುವ ಟೂಹೆ ಪರ್ವತ, 170 metres (560 ft) ನಲ್ಲಿರುವ ಮೌಂಟ್ ಪೆಟ್ರಿ. ಅಲ್ಲದೇ ಹೆಚ್ಚು ಎತ್ತರವಿಲ್ಲದ ಬೆಟ್ಟಗಳಾದ ಹೈಗೇಟ್ ಬೆಟ್ಟ, ಮೌಂಟ್ ಒಮೆನೆ, ಸ್ಟೀಫನ್ಸ್ ಪರ್ವತ ಮತ್ತು ವೈಟ್ಸ್ ಹಿಲ್ ನಗರದಾದ್ಯಂತ ಹರಡಿವೆ.

ಈ ನಗರವು ಕೆಳಮಟ್ಟದಲ್ಲಿರುವ ಒಳಹರಿವಿನ ಮೈದಾನದ ಮೇಲಿದೆ.^[೩೩] ಹೆಚ್ಚಿನ ಉಪನಗರದ ಕೊಲ್ಲಿಗಳು ನಗರವನ್ನು ಛೇಧಿಸುತ್ತವೆ, ಆ ಮೂಲಕ ಅವು ಪ್ರವಾಹದ ಅಪಾಯವನ್ನು ಹೆಚ್ಚಿಸುತ್ತವೆ. ನಗರವು ವಸಾಹತುಕರಣವಾದಗಿನಿಂದ 1893 ರ ಫೆಬ್ರವರಿ, 1974 ರ ಜನವರಿ ಮತ್ತು 2011 ರ ಜನವರಿಯಲ್ಲಿ ಮೂರು ಪ್ರಮುಖ ಪ್ರವಾಹಗಳಿಗೆ ಒಳಗಾಗಿದೆ. 1974 ರ ಬ್ರಿಸ್ಬೇನ್ ಪ್ರವಾಹವು ಭಾಗಶಃ "ಸೈಕ್ಲೋನ್ ವ್ಯಾಂಡಾ"ದ ಪರಿಣಾಮವಾಗಿ ಅಪ್ಪಳಿಸಿತ್ತು. ಆಸ್ಟ್ರೇಲಿಯಾದ ರಾಷ್ಟ್ರೀಯ ದಿನದ ವಾರಾಂತ್ಯದ ಪ್ರವಾಹವು (1974 ರ ಜನವರಿ 26-27) ಅಪ್ಪಳಿಸುವ ಮೊದಲು ಮೂರು ವಾರಗಳವರೆಗೆ ಸತತವಾಗಿ ಭಾರಿ ಮಳೆ ಸುರಿದಿತ್ತು.^[೩೪] ಪ್ರವಾಹವು ನಗರದ ಅನೇಕ ಭಾಗಗಳನ್ನು ನಾಶಮಾಡಿತ್ತು, ವಿಶೇಷವಾಗಿ ಆಕ್ಸ್ ಲೆ, ಬುಲಿಂಬಾ, ರಾಕ್ ಲಿಯ, ಕಾರ್ಪರೋ, ಟೂವಾಂಗ್ ಮತ್ತು ನ್ಯೂ ಫಾರ್ಮ್‌ ಮೊದಲಾದವುಗಳ ಉಪನಗರಗಳು. ಸಿಟಿ ಬೊಟ್ಯಾನಿಕ್ ಗಾರ್ಡನ್ ‌ಗಳು ಪ್ರವಾಹದಲ್ಲಿ ಮುಳುಗಿ ಹೋದವು. ಈ ಕಾರಣದಿಂದಾಗಿ ಬ್ರಿಸ್ಬೇನ್ ನದಿಯ ಸಿಟಿ ರೀಚ್‌ನಲ್ಲಿ ಮ್ಯಾಂಗ್ರೋವ್ಗಳ ವಸಾಹತನ್ನು ನಿರ್ಮಿಸಲಾಯಿತು.^[೩೫]

ನಗರ ರಚನೆ

ಬ್ರಿಸ್ಬೇನ್ ಸೆಂಟ್ರಲ್ ಬ್ಯುಸಿನೆಸ್‌ ಡಿಸ್ಟ್ರಿಕ್ಟ್ (CBD) ಬ್ರಿಸ್ಬೇನ್ ನದಿಯ ತಿರುವಿನಲ್ಲಿದೆ. CBD ಕೇವಲ-2.2 km² (0.8 sq mi) ನಷ್ಟನ್ನು ಆವರಿಸಿದ್ದು, ಇದನ್ನು ನಡೆದು ಕೊಂಡು ತಲುಪಬಹುದಾಗಿದೆ. ಸೆಂಟ್ರಲ್ ಸ್ಟ್ರೀಟ್‌ಗಳಿಗೆ (ಕೇಂದ್ರ ಬೀದಿ) ರಾಜ ಪರಿವಾರದದ ನಂತರ ಹೆಸರನ್ನು ಇಡಲಾಯಿತು. ಕ್ವೀನ್ ಸ್ಟ್ರೀಟ್ ಬ್ರಿಸ್ಬೇನ್‌ನ ಸಾಂಪ್ರದಾಯಿಕ ಮುಖ್ಯ ಬೀದಿಯಾಗಿದೆ. ಸ್ಟ್ರೀಟ್‌ಗಳಿಗೆ ಮಹಿಳಾ ಸದಸ್ಯರ (ಆಡ್ಲೈಡ್, ಅಲೈಸ್, ಅನ್, ಚಾರ್ಲೊಟ್, ಎಲಿಜಬೆಟ್, ಮಾರ್ಗರೇಟ್, ಮೇರಿ) ಹೆಸರನ್ನು ಇಡಲಾಗಿದ್ದು, ಇವು ಕ್ವೀನ್ ಸ್ಟ್ರೀಟ್ ಗೆ ಮತ್ತು ಕ್ವೀನ್ ಸ್ಟ್ರೀಟ್ ಮಾಲ್ ( ರಾಣಿ ವಿಕ್ಟೋರಿಯರವರಿಗೆ ಗೌರವ ಸೂಚಕವಾಗಿ ಈ ಹೆಸರನ್ನು ಇಡಲಾಗಿದೆ)ಗೆ ಸಮಾನಂತರವಾಗಿವೆ. ಅಲ್ಲದೇ ಇವುಗಳಿಗೆ ಲಂಬವಾಗಿರುವ ಸ್ಟ್ರೀಟ್‌ಗಳಿಗೆ ಪುರುಷ ಸದಸ್ಯರ (ಆಲ್ಬರ್ಟ್, ಎಡ್ವರ್ಡ್, ಜಾರ್ಜ್, ವಿಲಿಯಂ) ಹೆಸರನ್ನು ಇಡಲಾಗಿದೆ.

ನಗರವು 1820 ರ ಹೊತ್ತಿನ ಪಾರಂಪರಿಕ ಕಟ್ಟಡಗಳನ್ನು ಉಳಿಸಿಕೊಂಡು ಬಂದಿದೆ. 1824 ರಲ್ಲಿ ಬಂಧಿಸಲಾದ ಕಾರ್ಮಿಕ ಕಟ್ಟಿದಂತಹ ವಿಕ್ಹ್ಯಾಮ್ ಪಾರ್ಕ್‌ನಲ್ಲಿರುವ ದಿ ಓಲ್ಡ್ ವಿಂಡ್ ಮಿಲ್,^{[೩೬][೩೭]} ಬ್ರಿಸ್ಬೇನ್‌ನಲ್ಲಿ ಉಳಿದುಕೊಂಡಿರುವ ಅತ್ಯಂತ ಹಳೆಯ ಕಟ್ಟಡವಾಗಿದೆ. ಈ ಓಲ್ಡ್ ವಿಂಡ್ ಮಿಲ್ಅನ್ನು ಮೂಲತಃ ಧಾನ್ಯಗಳನ್ನು ಪುಡಿಮಾಡಲು ಮತ್ತು ತಪ್ಪಿತಸ್ಥನಿಗೆ ಶಿಕ್ಷೆಯನ್ನು ನೀಡಲು ಬಳಸಲಾಗುತ್ತಿತ್ತು. ಶಿಕ್ಷೆಗೆ ಗುರಿಯಾದವನು ತನ್ನ ಕೈಯಿಂದ ಹಿಟ್ಟಿನ ಗಿರಣಿಯನ್ನು ನಡೆಸಬೇಕಿತ್ತು. ಓಲ್ಡ್ ವಿಂಡ್ ಮಿಲ್ ಗೋಪುರದ ಮತ್ತೊಂದು ಪ್ರಸಿದ್ಧಿಯನ್ನು ತಳ್ಳಿಹಾಕಲಾಗಿದೆ. ಅದೇನೆಂದರೆ ಅನೇಕ ಸ್ಥಳಗಳಲ್ಲಿ ದೂರದರ್ಶನ ಬರುವುದಕ್ಕಿಂತ ತುಂಬ ಮೊದಲು, 1934 ರ ಏಪ್ರಿಲ್ ನಲ್ಲಿ ನಡೆದ ಪ್ರಯೋಗಗಳಿಂದಾಗಿ ದಕ್ಷಿಣ ಅರ್ಧಗೋಳದಲ್ಲಿ ಮೊದಲ ದೂರದರ್ಶನದ ಸಂಕೇತವನ್ನು ಇದರಿಂದ ಕಳುಹಿಸಲಾಗಿದೆ ಎಂಬ ವಿಚಾರವನ್ನು ನಿರ್ಲಕ್ಷಿಸಲಾಗಿದೆ. ಈ ಪ್ರಯೋಗಾತ್ಮಕ ಟಿವಿ ಪ್ರಸಾರಗಳನ್ನು ಮಹಾಯುದ್ಧ II ರವರೆಗೆ ಮುಂದುವರೆಸಲಾಯಿತು.^[೩೬]

1828 ರಲ್ಲಿ ಸೆರೆಯಾಳು ಕಾರ್ಮಿಕನಿಂದ ನಿರ್ಮಿಸಲ್ಪಟ್ಟ, ವಿಲಿಯಂ ಸ್ಟ್ರೀಟ್‌ನಲ್ಲಿ ಹಳೆಯ ಆಹಾರದ ಮಳಿಗೆಯನ್ನು ಮೂಲತಃ ಉಗ್ರಾಣವಾಗಿ ಬಳಸಲಾಗುತ್ತಿತ್ತು. ಅಲ್ಲದೇ ವಲಸೆಗಾರರಿಗೆ ಆಶ್ರಯನಿಲಯವಾಗಿ ಮತ್ತು ದಾಖಲೆಗಳನ್ನು ಸಂಗ್ರಹಿಸಲು ಕೂಡ ಬಳಸಲಾಗುತ್ತಿತ್ತು. ಇದನ್ನು ಹತ್ತಿರದ ಕಾಂಗ್ರೋ ಪಾಯಿಂಟ್ ಕ್ಲಿಫ್‌ನಿಂದ ತರಲಾದ ಬ್ರಿಸ್ಬೇನ್ ಟಫ್‌ನಿಂದ ಮತ್ತು ಇಂದಿನ ಆಲ್ಬಿಯನ್ ಪಾರ್ಕ್ ರೇಸ್ ಕೋರ್ಸ್ ನ ಬಳಿಯಿದ್ದ ಕ್ವಾರಿಯಿಂದ ತರಲಾದ ಮರಳುಗಲ್ಲಿನಿಂದ ಕಟ್ಟಲಾಗಿದೆ. ಈಗ ಇದು ಬ್ರಿಸ್ಬೇನ್ ನ ರಾಯಲ್ ಹಿಸ್ಟೋರಿಕಲ್ ಸೊಸೈಟಿಯ ನೆಲೆಯಾಗಿದೆ. ಇದು ವಸ್ತು ಸಂಗ್ರಹಾಲಯವನ್ನು ಒಳಗೊಂಡಿದ್ದು, ಸಣ್ಣ ಸಣ್ಣ ಕಾರ್ಯಕ್ರಮಗಳಿಗೂ ಇದನ್ನು ಬಳಸಲಾಗುತ್ತದೆ.^{[೩೮][೩೯][೪೦]}

ನಗರವು ಒಂದು ಚದರ ಕಿಲೋಮೀಟರ್‌ಗೆ 379.4 ರಷ್ಟು ಜನಸಾಂದ್ರತೆಯನ್ನು ಹೊಂದಿದೆ, ಈ ಪ್ರಮಾಣವು ಆಸ್ಟ್ರೇಲಿಯಾದ ನಗರವೊಂದಕ್ಕೆ ತುಂಬಾ ಹೆಚ್ಚಾಗಿದೆ ಮತ್ತು ಸಿಡ್ನಿಯೊಂದಿಗೆ ಹೋಲಿಸಬಹದಾಗಿದೆ. ಅದೇನೇ ಆದರೂ ಅನೇಕ ಪಾಶ್ಚಾತ್ಯ ನಗರಗಳಂತೆ ಬ್ರಿಸ್ಬೇನ್ ಗ್ರೇಟರ್ ಮೆಟ್ರೋಪಾಲಿಟನ್ ಪ್ರದೇಶದೊಳಗೂ ಹಬ್ಬಿದೆ. ಕಡಿಮೆ ಜನಸಂದ್ರತೆಯು ಹೆಚ್ಚಿನ ಬ್ರಿಸ್ಬೇನ್‌‌ನ ನಿವಾಸಗಳ ಗುಂಪು ಪ್ರತ್ಯೇಕವಾದ ಮನೆಗಳನ್ನು ಒಳಗೊಂಡಿರುತ್ತದೆ ಎಂದು ನಿಜವನ್ನು ಪ್ರತಿಬಿಂಬಿಸುತ್ತದೆ.

ಹಿಂದಿನ ಶಾಸಕಾಂಗವು ವಸತಿ ವಿಭಾಗಗಳಿಗೆ ಕನಿಷ್ಠ ಅಳತೆಯನ್ನು ನಿಗದಿಪಡಿಸಿದೆ. ಈ ಕಾರಣದಿಂದ ಬ್ರಿಸ್ಬೇನ್‌ನಲ್ಲಿ ಕೆಲವೇ ಕೆಲವು ಕೂಡು ಮನೆಗಳನ್ನು ನಿರ್ಮಿಸುವಂತಾಯಿತು. ಇತ್ತೀಚೆಗೆ ನಗರದ ಸಾಂದ್ರತೆ ಮತ್ತು ಕೇಂದ್ರ ಪ್ರದೇಶದ ನೆರೆಹೊರೆಯನ್ನು ಅಪಾರ್ಟ್ಮೆಂಟ್ ಗಳನ್ನು ನಿರ್ಮಿಸುವುದರೊಂದಿಗೆ ಹೆಚ್ಚಿಸಲಾಗಿದೆ. ಸೆಂಟ್ರಲ್ ಬ್ಯುಸಿನೆಸ್‌ ಡಿಸ್ಟ್ರಿಕ್ಟ್‌ನ ಜನಸಂಖ್ಯೆಯು ಕಳೆದ 5 ವರ್ಷಗಳಲ್ಲಿ ದುಪ್ಪಟ್ಟುಗೊಂಡಿರುವುದು ^[೪೧] ಹಾಗೂ ಸಿಡ್ನಿ ಮತ್ತು ಮೆಲ್ಬರ್ನ್‌ನ ನಡುವಿನ ಅಂತರಕ್ಕೆ ಹತ್ತಿರವಾಗುತ್ತಿದ್ದದ್ದು ಈ ಅಪಾರ್ಟ್ಮೆಂಟ್‌ಗಳನ್ನು ನಿರ್ಮಿಸಲು ಕಾರಣವಾಗಿದೆ.^[೪೨]

ಅತ್ಯಂತ ದಟ್ಟಣೆಯುಳ್ಳ ನಿವಾಸಗಳನ್ನು ವರ್ಣರಂಜಿತ ಕ್ವೀನ್ಸ್‌ಲ್ಯಾಂಡರ್-ಶೈಲಿಯ ಮನೆಗಳಂತೆ ನಿರ್ಮಿಸಲಾಯಿತು. ಈ ಶೈಲಿಯು ಅತ್ಯಂತ ದೊಡ್ಡದಾದ ಸಾಂಪ್ರದಾಯಿಕ ಶೈಲಿಯನ್ನು ಹೋಲುತ್ತದೆ, ಆದರೆ ಕೆಲವೊಮ್ಮೆ ಅಳತೆಯಲ್ಲಿ ಇವು ಕೇವಲ ಒಂದನೇ ನಾಲ್ಕು ಭಾಗದಷ್ಟಿರುತ್ತಿತು. ಈ ವರ್ಣರಂಜಿತ ಕ್ವೀನ್ಸ್‌ಲ್ಯಾಂಡ್ ಶೈಲಿಗಳು ವಿರಳವಾಗಿವೆ. ಆದರೆ ಉಪನಗರಗಳ ಕೇಂದ್ರ ಪ್ರದೇಶಗಳಲ್ಲಿ ಇವುಗಳನ್ನು ಇನ್ನೂ ಕಾಣಬಹುದಾಗಿವೆ.

ಬಹು ನಿವಾಸಗಳಿರುವ ವಸತಿಗಳು (ಅಪಾರ್ಟ್ಮೆಂಟ್ ವಠಾರಗಳು) ಹೋಲಿಕೆಯ ದೃಷ್ಟಿಯಿಂದ ಬ್ರಿಸ್ಬೇನ್ ಗೆ ಹೊಸದಾಗಿವೆ. 1970 ರ ಮೊದಲು ಇಂತಹ ಕೆಲವು ವಠಾರಗಳನ್ನು ನ್ಯೂ ಫಾರ್ಮ್ ನಂತಹ ಕೇಂದ್ರ ಉಪನಗರಗಳಲ್ಲಿ ನಿರ್ಮಿಸಲಾಗಿತ್ತು. 1950 ಕ್ಕಿಂತ ಮೊದಲು ನಿರ್ಮಿಸಲಾದ ಮನೆಗಳನ್ನು ಕ್ವೀನ್ಸ್‌ಲ್ಯಾಂಡರ್ ಎಂದು ಕರೆಯಲಾಗುವ ವಿಭಿನ್ನ ವಾಸ್ತುಶಿಲ್ಪ ಶೈಲಿಯಲ್ಲಿ ಹೆಚ್ಚಾಗಿ ನಿರ್ಮಿಸಲಾಗುತ್ತಿತ್ತು. ಇದು ದೊಡ್ಡ ವರಾಂಡಗಳನ್ನು ಮತ್ತು ಎತ್ತರದ ಸೂರನ್ನು ಮತ್ತು ಮರದ ನಿರ್ಮಾಣವನ್ನು ಒಳಗೊಂಡಿರುತ್ತಿತ್ತು. ತುಲನಾತ್ಮಕವಾಗಿ ಆಗ್ನೇಯ ಕ್ವೀನ್ಸ್‌ಲ್ಯಾಂಡ್‌ ನಲ್ಲಿ ಮರಗಳಿಗೆ ಇದ್ದಂತಹ ಕಡಿಮೆ ಬೆಲೆ, ಇತ್ತೀಚಿನವರೆಗೂ ಬಹುಪಾಲು ಮನೆಗಳನ್ನು ಇಟ್ಟಿಗೆ ಅಥವಾ ಕಲ್ಲಿಗಿಂತ ಹೆಚ್ಚಾಗಿ ಮರವನ್ನು ಬಳಸಿ ನಿರ್ಮಿಸಲಾಗಿರುವುದನ್ನು ತಿಳಿಸುತ್ತದೆ. ಈ ಅನೇಕ ಮನೆಗಳನ್ನು ತುಂಡುಗಳಿಂದ("ಗಣೆಗಳು" ಎಂದು ಕೂಡ ಕರೆಯಲಾಗುತ್ತದೆ) ಎತ್ತರಿಸಲಾಗಿದೆ. ಇವು ಮೂಲತಃ ಮರವಾಗಿದ್ದವು. ಆದರೆ ಈಗ ಇವುಗಳ ಬದಲಿಗೆ ಉಕ್ಕು ಅಥವಾ ಕಾಂಕ್ರೀಟ್ ಅನ್ನು ಬಳಸಲಾಗುತ್ತದೆ.

ಪ್ರಸ್ತುತದಲ್ಲಿ, ಬ್ರಿಸ್ಬೇನ್ 200 ಮೀಟರ್ ಗಿಂತ ಅಧಿಕ ಎತ್ತರವಿರುವ ಎರಡು ಕಟ್ಟಡಗಳನ್ನು ಹೊಂದಿದೆ. ರಿಪರಿಯನ್ ಪ್ಲಾಜಾ ಅತ್ಯಂತ ಎತ್ತರವಾದ ಕಟ್ಟಡವಾಗಿದ್ದು, ಇದು 250 ಮೀಟರ್ ಗಳಷ್ಟು ಎತ್ತರವನ್ನು ಹೊಂದಿದೆ. ಅರೋರ ಗೋಪುರವು ಅತ್ಯಂತ ಎತ್ತರದ ಸೂರನ್ನು ಹೊಂದಿರುವ ಗೋಪುರವಾಗಿದ್ದು, ಇದರ ಚಾವಣಿ 207 ಮೀಟರ್ ಗಳಷ್ಟು ಎತ್ತರದಲ್ಲಿದೆ. ಅದರು ನಿರ್ಮಾಣದ ಹಂತದಲ್ಲಿರುವ ಸೊಲೇಲ್ ಮತ್ತು ಇನ್ ಫಿನಿಟಿ ಗಗನಚುಂಬಿ ಕಟ್ಟಡಗಳು ಇದನ್ನು ಮೀರಿಸಲಿವೆ.

Walter Taylor Bridge (road) (left), Albert Bridge (rail) (centre), unnamed bridge (rail) (right), Jack Pesch Bridge (far right) Eleanor Schonell Bridge (Green Bridge) (pedestrians, pedal cycles, buses) Merivale Bridge (rail) William Jolly Bridge (road) Victoria Bridge Captain Cook Bridge Story Bridge Pacific Motorway Suncorp Stadium (Lang Park) (Rugby league/Rugby Union/Soccer ground) Norman Creek (Anglican Church Grammar School) Oxley Creek Brisbane River Indooroopilly Shoppingtown "The Gabba" (Brisbane Cricket Ground) South Bank arts and recreation precinct Central business district University of Queensland (UQ) St Lucia Campus City Botanic Gardens Queensland University of Technology (QUT) Gardens Point Campus Goodwill Bridge (pedestrians and pedal cycles) The Royal Brisbane and Women's Hospital and the Royal Children's Hospital Mater Private Hospital Roma Street Rail Station Roma Street Parkland New Farm Park and Powerhouse Victoria Park Golf Course Brisbane Exhibition Ground Floating pedestrian concourse Inner City Bypass (rail) (left) (road) (right) Indooroopilly Golf Course (Long Pocket)

ಹವಾಮಾನ

ಬ್ರಿಸ್ಬೇನ್, ಸುಖೋಷ್ಣದಿಂದ ಉಷ್ಣದ ಮತ್ತು ಆರ್ದ್ರಬೇಸಿಗೆಗಳ ಮತ್ತು ಒಣ, ಮಧ್ಯಮ ಸುಖೋಷ್ಣ ಚಳಿಗಾಲಗಳೊಂದಿಗೆ ಆರ್ದ್ರ ಉಪೋಷ್ಣ ವಲಯದ ಹವಾಮಾನ (Köppen ಹವಾಮಾನ ವರ್ಗೀಕರಣ Cfa )ವನ್ನು ಹೊಂದಿದೆ.^[೪೩] ನವೆಂಬರ್ ನಿಂದ ಮಾರ್ಚ್ ನವರೆಗು, ಭಾರಿ ಪ್ರಮಾಣದಲ್ಲಿ ಹಾನಿಯುಂಟು ಮಾಡಬಲ್ಲ ಆಲ್ಲಿಕಲ್ಲುಗಳು, ಧಾರಾಕಾರವಾಗಿ ಸುರಿಯುವ ಮಳೆ, ವಿನಾಶಕ ಗಾಳಿಗಳೊಂದಿಗೆ ಸುರಿಯುವ ಚಂಡಮಾರುತದ ಮಳೆಗಳು ಬ್ರಿಸ್ಬೇನ್ ನಲ್ಲಿ ಸಾಮಾನ್ಯವಾಗಿವೆ.

1940 ರ ಜನವರಿ 26 ರಂದು ನಗರದ ಅತ್ಯಂತ ಹೆಚ್ಚು ತಾಪಮಾನ 43.2 °C (110 °F) ಇತ್ತೆಂದು ವರದಿಯಾಗಿದೆ. ಹವಾಮಾನವನ್ನು ದಾಖಲಿಸಲು ಪ್ರಾರಂಭಿಸಿದಾಗಿನಿಂದ ಮೊದಲ ಬಾರಿಗೆ 2007 ರ ಜುಲೈ 19 ರಂದು ಬ್ರಿಸ್ಬೇನ್ ನ ತಾಪಮಾನ ಘನೀಕರಣ ಬಿಂದುವಿಗಿಂತ ಕಡಿಮೆಯಾಗಿತ್ತು. ಇದಕ್ಕೂ ಮೊದಲು ವಿಮಾನನಿಲ್ದಾಣದಲ್ಲಿ −0.1 °C (31.8 °F) ತಪಮಾನವಿತ್ತೆಂದು ದಾಖಲಿಸಲಾಗಿದೆ.^[೪೪] 2009ರ ಆಗಸ್ಟ್ ೨೪ ರಂದು ಬ್ರಿಸ್ಬೇನ್ 35.4 °C (95.7 °F) ಯಷ್ಟು ತಾಪಮಾನವನ್ನು ಹೊಂದಿತ್ತೆಂದು, ಇದು ಚಳಿಗಾಲದ ಅತ್ಯಂತ ಹೆಚ್ಚು ತಾಪಮಾನದ ದಿನವೆಂದು ದಾಖಲಿಸಿದೆ.^[೪೫]

1887 ರ ಜನವರಿ 21 ರಂದು ಬ್ರಿಸ್ಬೇನ್ ನಲ್ಲಿ ಅತ್ಯಂತ ಹೆಚ್ಚು 465 millimetres (18.3 in) ಡಿಗ್ರಿಯಷ್ಟು ಮಳೆಸುರಿಯಿತು. ಇದು ಆಸ್ಟ್ರೇಲಿಯಾದ ರಾಜಧಾನಿ ನಗರಗಳಲ್ಲೆ ಒಂದು ದಿನದಲ್ಲಿ ಸುರಿದಿರುವ ಅತ್ಯಂತ ಹೆಚ್ಚು ಮಳೆಯ ಪ್ರಮಾಣವಾಗಿದೆ.ಇತ್ತೀಚೀನ ಪ್ರವಾಹಗಳು ಮಹಾದುರಂತವನ್ನುಂಟು ಮಾಡಿದ 1974 ರ ಪ್ರವಾಹವನ್ನು ಮೀರಿಸಿವೆ ಎಂದು ಹೇಳಲಾಗುತ್ತದೆ.

2001 ರಿಂದ 2008 ರವರೆಗೆ ಸುಮಾರು ಒಂದು ದಶಕದ ಕಾಲ ಬ್ರಿಸ್ಬೇನ್ ಮತ್ತು ಸುತ್ತಲಿನ ಸಮಶೀತೋಷ್ಣ ಪ್ರದೇಶಗಳು ಅತ್ಯಂತ ತೀವ್ರವಾದ ಕ್ಷಾಮವನ್ನು ಕಂಡಿವೆ. 2007 ರ ಆಗಸ್ಟ್ 10 ರಂದು ಅಣೆಕಟ್ಟಿನಲ್ಲಿ ನೀರಿನ ಮಟ್ಟವು ಅವರ ಸಂಗ್ರಹ ಸಾಮರ್ಥ್ಯದ 16.9% ನಷ್ಟಿತ್ತು. ಈ ಸಂದರ್ಭದಲ್ಲಿ ಸ್ಥಳೀಯ ಕಾನೂನುಗಳು ನಿವಾಸಿಗಳಿಗೆ, ತೋಟಗಾರಿಕೆ ಮತ್ತು ಹೊರಾಂಗಣ ನೀರಿನ ಬಳಕೆಗೆ ಲೆವೆಲ್ 6 ರ ನೀರಿನ ನಿರ್ಬಂಧಗಳನ್ನು ಆಚರಿಸಲು ತಿಳಿಸಿತು. ಒಂದು ದಿನಕ್ಕೆ ಪ್ರತಿ ವ್ಯಕ್ತಿಯ ನೀರಿನ ಬಳಕೆ 140 ಲೀಟರ್ ಗಿಂತ ಕಡಿಮೆ ಇರುತ್ತಿತ್ತು. ಇದು ಬ್ರಿಸ್ಬೇನ್ ಅನ್ನು ವಿಶ್ವದಲ್ಲೆ ಯಾವುದೇ ಪಾಶ್ಚಾತ್ಯ ನಗರದಲ್ಲಿ ಒಬ್ಬ ವ್ಯಕ್ತಿ ಬಳಸುವ ನೀರಿಗಿಂತ ಕಡಿಮೆ ನೀರನ್ನು ಬಳಸುವ ನಗರವನ್ನಾಗಿಸಿತು.^[೪೬] 2008ರ ಪೂರ್ವಾರ್ಧದಲ್ಲಿ ಪ್ರಕೃತಿಯ ವಿಕೋಪದಿಂದಾಗಿ ಬ್ರಿಸ್ಬೇನ್ ನ ನೀರು ಸಂಗ್ರಹಣೆಯ ಮಟ್ಟ ಗರಿಷ್ಠ ಸಾಮರ್ಥ್ಯ 98ಪ್ರತಿಶತದಷ್ಟು ಹೆಚ್ಚಿತು.^[೪೭] ನೀರಿನ ಸೀಮಿತ ಬಳಕೆಯನ್ನು ನೀರು ಸಂಗ್ರಹಣಾ ಕ್ರಮಗಳೊಂದಿಗೆ ಬದಲಾಯಿಸಲಾಯಿತು. ಇದು ಒಂದು ದಿನ/ಒಬ್ಬ ವ್ಯಕ್ತಿಗೆ 200 ಲೀಟರ್ ಗಳಷ್ಟು ನೀರನ್ನು ಉಳಿಸುವ ಗುರಿಹೊಂದಿತ್ತು. ಆದರೆ ಕೆಲವೊಮ್ಮೆ ಮಾತ್ರ 160 ಲೀಟರ್ ಗಿಂತ ಹೆಚ್ಚು ಬಳಸಲಾಗುತ್ತಿತು.

ಬ್ರಿಸ್ಬೇನ್ ನಲ್ಲಿ ಮರಳ ಬಿರುಗಾಳಿಗಳು ಅತ್ಯಂತ ವಿರಳವಾಗಿವೆ; ಆದರೂ ಕೂಡ 2009 ರ ಸೆಪ್ಟೆಂಬರ್ 23 ರಂದು ಅತ್ಯಂತ ಭೀಕರವಾದ ಮರಳ ಬಿರುಗಾಳಿ ಬ್ರಿಸ್ಬೇನ್ ಮತ್ತು ಪೂರ್ವ ಆಸ್ಟ್ರೇಲಿಯಾದ ಇತರ ಭಾಗಗಳನ್ನು ವ್ಯಾಪಿಸಿತ್ತು.^{[೪೮][೪೯]}

ಅಲ್ಲದೇ ಬ್ರಿಸ್ಬೇನ್, ಉಷ್ಣವಲಯದ ಸುಂಟರಗಾಳಿ ಬೀಸಬಹುದಾದ ಅಪಾಯವಿರುವಂತಹ ಪ್ರದೇಶದಲ್ಲಿದೆ. ಬ್ರಿಸ್ಬೇನ್ ನಲ್ಲಿ ಸುಂಟರಗಾಳಿಗಳು ವಿರಳವಾಗಿ ಬೀಸಿದರು ಕೂಡ ಹಿಂದೆ ಇಂತಹ ಪ್ರಸಂಗಗಳು ನಡೆದಿವೆ. ಬ್ರಿಸ್ಬೇನ್ ನಲ್ಲಿ ಹಾನಿಯನ್ನುಂಟು ಮಾಡಿದ ಕೊನೆಯ ಚಂಡಮಾರುತ 2009 ರ ಮಾರ್ಚ್ ನಲ್ಲಿ ಅಪ್ಪಳಿಸಿದ ಉಷ್ಣವಲಯದ ಹ್ಯಾಮಿಷ್ ಚಂಡಮಾರುತವಾಗಿದೆ. ಆದರೆ ಇದು ನಗರವನ್ನು ನೇರವಾಗಿ ದಾಟದಿದ್ದರು ಕೂಡ ,ಬ್ರಿಸ್ಬೇನ್ ^[೫೦] ನ ಉತ್ತರಕ್ಕೆ 350 km (220 mi) ಕೀಲೋಮೀಟರ್ ನಷ್ಟಿತ್ತು. ಆದರೆ ಬೀಚ್ ಗಳಿಗೆ ಗಮನಾರ್ಹ ಹಾನಿಯುಂಟು ಮಾಡಿತಲ್ಲದೇ, ಮೋರೆಟನ್ ಕೊಲ್ಲಿಯಲ್ಲಿ ತೈಲ ಸೋರುವಂತೆ ಮಾಡಿತು.^[೫೧]

ಆಸ್ಟ್ರೇಲಿಯಾದ ಇತರ ರಾಜಧಾನಿ ನಗರಗಳಂತೆ ಬ್ರಿಸ್ಬೇನ್ ನ ಮೆಟ್ರೋಪಾಲಿಟನ್ ಪ್ರದೇಶದ ದೊಡ್ಡ ಭಾಗವನ್ನು ಕೇವಲ ಒಂದೇ ಸ್ಥಳೀಯ ಸರ್ಕಾರಿ ಘಟಕ ನಿಯಂತ್ರಿಸದೇ, ಬ್ರಿಸ್ಬೇನ್ ನಗರ LGAದಲ್ಲಿರುವ ಬ್ರಿಸ್ಬೇನ್ ಸಿಟಿ ಕೌನ್ಸಿಲ್ ಕೂಡ ನಿಯಂತ್ರಿಸುತ್ತದೆ. 1925 ರಲ್ಲಿ ಬ್ರಿಸ್ಬೇನ್ ಸಿಟಿ ಕೌನ್ಸಿಲ್ ನನ್ನು ನಿರ್ಮಿಸಿದಾಗಿನಿಂದಲೂ ಬ್ರಿಸ್ಬೇನ್ ನ ನಗರ ಪ್ರದೇಶಗಳು ಸಿಟಿ ಕೌನ್ಸಿಲ್ ನ ಎಲ್ಲೆಗಳನ್ನು ಮೀರಿ ವ್ಯಾಪಿಸಿವೆ.^[೫೩] ಇದಕ್ಕೆ ಮೊದಲು ದೂರದಲ್ಲಿದ್ದ ಸಣ್ಣ ಸಣ್ಣ ಪ್ರದೇಶವನ್ನು (ಇಂದು ಬ್ರಿಸ್ಬೇನ್ ನ ಒಳ ಉಪನಗರಗಳನ್ನು ಒಳಗೊಂಡಿದೆ)ಬ್ರಿಸ್ಬೇನ್ ಮುನ್ಸಿಪಲ್ ಕೌನ್ಸಿಲ್ ನಿಯಂತ್ರಿಸುತ್ತಿತ್ತು.

ನಗರವು ಆಸ್ಟ್ರೇಲಿಯಾದಲ್ಲಿ ಸ್ಥಳೀಯ ಸರ್ಕಾರದ ಅತ್ಯಂತ ದೊಡ್ಡ ವಿಭಾಗವನ್ನು ಹೊಂದಿದೆ(ಜನಸಂಖ್ಯೆ ಮತ್ತು ಆಯವ್ಯದ ದೃಷ್ಟಿಯಿಂದ). ಈ ವಿಭಾಗವನ್ನು 1925 ರಲ್ಲಿ ಇಪ್ಪತ್ತು ಸಣ್ಣ ಸಣ್ಣ LGA ಗಳನ್ನು ಒಟ್ಟುಗೂಡಿಸುವ ಮೂಲಕ ರಚಿಸಲಾಗಿದೆ. ಅಲ್ಲದೇ ಇದು 1,367 km² (528 sq mi) ನಷ್ಟು ಪ್ರದೇಶವನ್ನು ಒಳಗೊಂಡಿದೆ. ಕೌನ್ಸಿಲ್ ನ ವಾರ್ಷಿಕ ಆಯವ್ಯಯ ಸರಿಸುಮಾರು AUD 1.6 ಬಿಲಿಯನ್ ಇರುತ್ತದೆ. ಅಲ್ಲದೇ ಇದು ಸೊತ್ತಿನ ಆಧಾರದಲ್ಲಿ AUD 13 ಬಿಲಿಯನ್ ನಷ್ಟನ್ನು ಹೊಂದಿರುತ್ತದೆ.^[೫೪]

ಮೆಟ್ರೋಪಾಲಿಟನ್ ಪ್ರದೇಶದಲ್ಲಿ ಉಳಿದ ಭಾಗವನ್ನು ದಕ್ಷಿಣಕ್ಕೆ ಲೋಗನ್ ನಗರದ LGAಗಳಿಗೆ, ಉತ್ತರ ಉಪನಗರಗಳಲ್ಲಿರುವ ಮೋರೆಟನ್ ಕೊಲ್ಲಿ ಪ್ರದೇಶಕ್ಕೆ, ಇಪ್ಸ್‌ವಿಚ್ ನಗರವನ್ನು ನೈಋತ್ಯಕ್ಕೆ, ಸೀನಿಕ್ ರಿಮ್ ರೀಜನ್ನ ದೂರಪ್ರಾಚ್ಯ ವಿಭಾಗದಲ್ಲಿ ಸ್ವಲ್ಪ ಬೇರ್ಪಡಿಸುವುದರೊಂದಿಗೆ, ರೆಡ್‌ಲ್ಯಾಂಡ್ ನಗರವನ್ನು ಕೊಲ್ಲಿಕಡೆಯ ಆಗ್ನೇಯಕ್ಕೆ ಸೇರಿಸಲಾಗುತ್ತದೆ.

ಸಿಡ್ನಿ ಮತ್ತು ಸಿಂಗಾಪುರದ ನಡುವೆಯಿರುವ ಯಾವುದೇ ನಗರಕ್ಕಿಂತ ಬ್ರಿಸ್ಬೇನ್ ಅತ್ಯಂತ ದೊಡ್ಡ ಆರ್ಥಿಕ ವ್ಯವಸ್ಥೆಯನ್ನು ಹೊಂದಿದೆ. ಉದಾಹರಣೆಗೆ ಜಕಾರ್ತ, ಡಾರ್ವಿನ್, ಟೌನ್ಸ್ ವಿಲ್ಲೆ ಮತ್ತು ಕೈರ್ನ್ಸ್ ನಂತಹ ನಗರಗಳಿಗಿಂತ ಉತ್ತಮ ಆರ್ಥಿಕ ಸ್ಥಿತಿಯನ್ನು ಹೊಂದಿದೆ. ಅಲ್ಲದೇ ಸಂಪನ್ಮೂಲಗಳ ಅಭಿವೃದ್ಧಿಯ ಫಲವೆಂಬಂತೆ ಇತ್ತಿಚೀನ ವರ್ಷಗಳಲ್ಲಿ ಸ್ಥಿರವಾದ ಆರ್ಥಿಕ ಬೆಳವಣಿಗೆಯನ್ನು ಕಂಡಿದೆ. ಬಿಳಿ ಕಾಲರಿನ ಕೈಗಾರಿಕೋದ್ಯಮಗಳೆಂದರೆ ಮಾಹಿತಿ ತಂತ್ರಜ್ಞಾನ, ಹಣಕಾಸು ಸೇವೆಗಳು, ಉನ್ನತ ಶಿಕ್ಷಣ ಮತ್ತು ಸಾರ್ವಜನಿಕ ಕ್ಷೇತ್ರದ ಆಡಳಿತವಾಗಿವೆ. ಇವುಗಳನ್ನು ಸಾಮಾನ್ಯವಾಗಿ ಸೆಂಟ್ರಲ್ ಬ್ಯುಸಿನೆಸ್‌ ಡಿಸ್ಟ್ರಿಕ್ಟ್ ನಲ್ಲಿ ಮತ್ತು ಅದರ ಸುತ್ತಲು ಮತ್ತು ಕೇಂದ್ರ ಉಪನಗರಗಳಲ್ಲಿ ಇತೀಚೆಗಷ್ಟೇ ಸ್ಥಾಪಿಸಲಾದ ಕಛೇರಿ ಪ್ರದೇಶದಲ್ಲಿ ಕೇಂದ್ರೀಕರಿಸಲಾಗಿದೆ.

ನೀಲಿ- ಕಾಲರಿನ ಉದ್ಯಮಗಳು, ಪೆಟ್ರೋಲಿಯಂ ಶುದ್ಧೀಕರಣ, ಹಡಗಿನ ಹಮಾಲಿ, ಕಾಗದ ಕಾರ್ಖಾನೆ, ಲೋಹದ ಕಾರ್ಖಾನೆ ಮತ್ತು QR ನ ರೈಲ್ವೆ ಕಾರ್ಯಾಗಾರಗಳನ್ನು ಒಳಗೊಂಡಿದೆ. ಇವುಗಳನ್ನು ಬ್ರಿಸ್ಬೇನ್ ನದಿಯ ಕೆಳ ಹರವುಗಳಲ್ಲಿ ಮತ್ತು ಪಟ್ಟಣದ ಕೊನೆಯಲ್ಲಿರುವ ಹೊಸ ಔದ್ಯೋಗಿಕ ವಲಯಗಳಲ್ಲಿ ಸ್ಥಾಪಿಸಲೆಂದು ಯೋಜಿಸಲಾಗಿದೆ. ಪ್ರವಾಸೋದ್ಯಮವು ಬ್ರಿಸ್ಬೇನ್ ಆರ್ಥಿಕತೆಯ ಪ್ರಮುಖ ಭಾಗವಾಗಿದೆ. ಅದರ ಸ್ವಂತ ಹಕ್ಕಿನಲ್ಲು ಮತ್ತು ಕ್ವೀನ್ಸ್‌ಲ್ಯಾಂಡ್‌ ನ ಇತರ ಪ್ರದೇಶಗಳಿಗೆ ಬಾಗಿಲ ಚೌಕಟ್ಟಿನ ರೂಪದಲ್ಲಿಯು ಪ್ರಮುಖವಾಗಿದೆ.^[೫೫]

1990ರ ಉತ್ತರಾರ್ಧದಿಂದ ಮತ್ತು 2000 ರ ದಕ್ಷಿಣಾರ್ಧದಿಂದ, ಕ್ವೀನ್ಸ್‌ಲ್ಯಾಂಡ್‌ ನ ರಾಜ್ಯ ಸರ್ಕಾರ ಕ್ವೀನ್ಸ್‌ಲ್ಯಾಂಡ್‌ ನಲ್ಲಿ ಸಂಪೂರ್ಣವಾಗಿ ತಂತ್ರಜ್ಞಾನ ಮತ್ತು ವಿಜ್ಞಾನವನ್ನು ಅಭಿವೃದ್ಧಿಪಡಿಸುತ್ತಿದೆ. ಅದರಲ್ಲು ವಿಶೇಷವಾಗಿ ಬ್ರಿಸ್ಬೇನ್ ಅನ್ನು ಅದರ "ಸ್ಮಾರ್ಟ್ ಸ್ಟೇಟ್" ಉದ್ಯಮಶೀಲತೆಯ ಭಾಗವೆಂಬಂತೆ ಅಭಿವೃದ್ದಿಪಡಿಸುತ್ತಿದೆ.^[೫೬] ಸರ್ಕಾರವು, ಬ್ರಿಸ್ಬೇನ್ ನಲ್ಲಿರುವ ಅನೇಕ ವಿಶ್ವವಿದ್ಯಾನಿಲಯಗಳಲ್ಲಿನ ಸಂಶೋಧನ ಮತ್ತು ಜೈವಿಕ ತಂತ್ರಜ್ಞಾನದ ಸೌಲಭ್ಯಗಳ ಮೇಲೆ ಹಣವನ್ನು ಹೂಡಿದೆ. ಸೆಂಟ್ ಲೂಸಿಯಾ ಆವರಣದಲ್ಲಿರುವ ಕ್ವೀನ್ಸ್‌ಲ್ಯಾಂಡ್ ವಿಶ್ವವಿದ್ಯಾನಿಲಯದ (UQ) ಆಣ್ವಿಕ ಜೀವವಿಜ್ಞಾನ ಸಂಸ್ಥೆ ಅತ್ಯಂತ ದೊಡ್ಡ CSIRO ಆಗಿದೆ. ಅಲ್ಲದೇ ಕ್ವೀನ್ಸ್‌ಲ್ಯಾಂಡ್‌ ರಾಜ್ಯ ಸರ್ಕಾರವು, ಆರೋಗ್ಯ ಮತ್ತು ಜೀವ ವೈದ್ಯಕೀಯ ನವೀನತೆ ಸಂಸ್ಥೆ (IHBI)ಯ ಸ್ಥಾಪನೆಯೊಂದಿಗೆ, ಕೆಲ್ವಿನ್ ಗ್ರೋವ್ ನಲ್ಲಿರುವ ತಂತ್ರಜ್ಞಾನದ ಕ್ವೀನ್ಸ್‌ಲ್ಯಾಂಡ್‌ ವಿಶ್ವವಿದ್ಯಾನಿಲಯ (QUT)ದ ಆವರಣದಲ್ಲಿ ಪ್ರಸ್ತುತ ಅನುಸರಿಸುತ್ತಿರುವ ಸಂಶೋಧನ ಮತ್ತು ನವೀನತೆಗೆ ಪ್ರೋತ್ಸಾಹಿಸುತ್ತಿದೆ.^[೫೭]

ಬ್ರಿಸ್ಬೇನ್ ಆಸ್ಟ್ರೇಲಿಯಾದಲ್ಲಿರುವ ಪ್ರಧಾನ ವ್ಯಾಪಾರ ಕೇಂದ್ರಗಳಲ್ಲಿ ಒಂದಾಗಿದೆ.^[೫೮] ಬಹುಪಾಲು ಪ್ರಮುಖ ಆಸ್ಟ್ರೇಲಿಯನ್ ಕಂಪನಿಗಳು ಮತ್ತು ಅನೇಕ ಅಂತರರಾಷ್ಟ್ರೀಯ ಕಂಪನಿಗಳು ಬ್ರಿಸ್ಬೇನ್ ನಲ್ಲಿ ಸಂಪರ್ಕ ಕಛೇರಿಗಳನ್ನು ಹೊಂದಿವೆ.ಅಲ್ಲದೇ ಅನೇಕ ಎಲೆಕ್ಟ್ರಾನಿಕ್ ವ್ಯಾಪಾರಗಳು ನಗರದ ಒಳಗೆ ಮತ್ತು ಸುತ್ತಲು ವಿತರಣ ಕೇಂದ್ರಗಳನ್ನು ಹೊಂದಿವೆ. DHL ಗ್ಲೋಬಲ್ ನ ಸಾಗರದ ವಿತರಣ ಮಳಿಗೆ, ಏಷ್ಯಾ ಪೆಸಿಫಿಕ್ ಏರೋಸ್ಪೇಸ್ ನ ಕೇಂದ್ರಾಲಯಗಳ ರೂಪದಲ್ಲಿ ಬ್ರಿಸ್ಬೇನ್ ನಲ್ಲಿದೆ. ಅಲ್ಲಿಯೇ ಅಭಿವೃದ್ಧಿ ಹೊಂದಿದಂತಹ ಪ್ರಮುಖ ಕಂಪನಿಗಳೆಂದರೆ; ಸನ್ ಕಾರ್ಪ್-ಮೆಟ್ ವೇ ಲಿಮಿಟೆಡ್, ಫ್ಲೈಟ್ ಸೆಂಟರ್, ಸನ್ ಸೂಪರ್, ಆರ್ಕನ್, ಕ್ರೆಡಿಯ್ ಯೂನಿಯನ್ ಆಸ್ಟ್ರೇಲಿಯಾ, ಬೋಯಿಂಗ್ ಆಸ್ಟ್ರೇಲಿಯಾ, ಡೊನಟ್ ಕಿಂಗ್, Wotif.com, ವೆಬ್ ಸೆಂಟ್ರಲ್, PIPE ನೆಟ್ವರ್ಕ್ಸ್, ಕ್ರೋಮ್ ಸ್ಟೂಡಿಯೋಸ್, ನೆಟ್ ಬಾಕ್ಸ್ ಬ್ಲ್ಯೂ, ಮಿನ್ ಕಾಮ್ ಲಿಮಿಟೆಡ್, ಟೆಕ್ನಾಲಜಿ ಒನ್ ಮತ್ತು ವರ್ಜಿನ್ ಬ್ಲ್ಯೂ.

ಬ್ರಿಸ್ಬೇನ್, AUD 57,772 ಅನ್ನು ಗಳಿಸುವ ಮೂಲಕ ಆಸ್ಟ್ರೇಲಿಯಾದ ರಾಜಧಾನಿ ನಗರಗಳಲ್ಲೆ ನಾಲ್ಕನೇ ಅತ್ಯಂತ ಹೆಚ್ಚು ನಡುವಣ ಮನೆ ಆದಾಯವನ್ನು ಹೊಂದಿದೆ. .^[೫೯]

ಬ್ರಿಸ್ಬೇನ್ ನ ಬಂದರು

ಬ್ರಿಸ್ಬೇನ್ ನ ಬಂದರು ಬ್ರಿಸ್ಬೇನ್ ನದಿಯ ಕೆಳ ಹರವಿನಲ್ಲಿದೆ. ನದಿಯ ಮುಂಭಾಗದಲ್ಲಿರುವ ಮೀನುಗಾರರ ಐಲೆಂಡ್ ನ ಮೇಲಿದೆ. ಇದು ಸರಕುಗಳ ಮೌಲ್ಯಕ್ಕೆ ಆಸ್ಟ್ರೇಲಿಯಾದ 3 ನೇ ಅತ್ಯಂತ ಪ್ರಮುಖವಾದ ಬಂದರಾಗಿದೆ.^[೬೦] ಸರಕನ್ನು ತುಂಬುವ ಧಾರಕ,ಸಕ್ಕರೆ, ಧಾನ್ಯ, ಕಲ್ಲಿದ್ದಲು ಮತ್ತು ಭಾರಿ ಪ್ರಮಾಣದ ದ್ರವಪದಾರ್ಥಗಳು ರಫ್ತಿನ ಪ್ರಮುಖ ಮೂಲಗಳಾಗಿವೆ. ಬಹುಪಾಲು ಬಂದರು ಸೌಲಭ್ಯಗಳು ಮೂರು ಶತಮಾನಗಳಿಗಿಂತ ಕಡಿಮೆ ಹಳೆಯದಾಗಿವೆ. ಅಲ್ಲದೇ ಕೆಲವನ್ನು ಪುನಃ ಅಭಿವೃದ್ಧಿಪಡಿಸಲಾದ ಮ್ಯಾಂಗ್ರೋವ್ಗಳು ಮತ್ತು ಔಗು ಭೂಮಿಯ ಮೇಲೆ ನಿರ್ಮಿಸಲಾಗಿದೆ.

ಬಂದರು ಆಸ್ಟ್ರೇಲಿಯಾ ಟ್ರೇಡ್ ಕೋಸ್ಟ್ ನ ಭಾಗವಾಗಿದೆ. ಇದು ರಾಷ್ಟ್ರದ ಅತ್ಯಂತ ವೇಗವಾಗಿ ಬೆಳವಣಿಗೆ ಹೊಂದುತ್ತಿರುವ ಆರ್ಥಿಕ ಅಭಿವೃದ್ಧಿಯ ಪ್ರದೇಶವಾಗಿದೆ.^[೬೧] ಭೌಗೋಳಿಕವಾಗಿ, ಆಸ್ಟ್ರೇಲಿಯಾ ಟ್ರೇಡ್ ಕೋಸ್ಟ್ ವಿಮಾನನಿಲ್ದಾಣ ಮತ್ತು ಬಂದರಿನ ಬಳಿಯ ಕೊಯ್ದು ತೆರಪು ಮಾಡಿರುವ ದೊಡ್ಡ ಪ್ರದೇಶವನ್ನು ಆಕ್ರಮಿಸಿದೆ. ವಾಣಿಜ್ಯವಾಗಿ, ಈ ಪ್ರದೇಶ ಏಷ್ಯಾ ಪೆಸಿಫಿಕ್ ಪ್ರದೇಶದಿಂದ ವಿಭಿನ್ನ ರೀತಿಯ ಕಂಪನಿಗಳನ್ನು ಆಕರ್ಷಿಸಿದೆ.^[೬೧]

ಚಿಲ್ಲರೆ/ಬಿಡಿ ಮಾರಾಟ ಉದ್ಯಮ

ಬ್ರಿಸ್ಬೇನ್, ಸೆಂಟ್ರಲ್ ಬ್ಯುಸಿನೆಸ್‌ ಡಿಸ್ಟ್ರಿಕ್ಟ್ ನಲ್ಲಿ ಮತ್ತು ಪಕ್ಕದ ಉಪನಗರಗಳಲ್ಲಿ ಬಿಡಿ ವ್ಯಾಪಾರದ ಪ್ರದೇಶವನ್ನು ಹೊಂದಿದೆ. ಕ್ವೀನ್ ಸ್ಟ್ರೀಟ್ ಮಾಲ್ ಕೆಫೆಗಳು, ರೆಸ್ಟೋರೆಂಟ್ ಗಳು, ಸಿನಿಮಾಗಳು, ಉಡುಗರೆ ಮಳಿಗೆಗಳು ಮತ್ತು ವಿಂಟರ್ ಗಾರ್ಡನ್, ಬ್ರಾಡ್ ವೇ ಆನ್ ದಿ ಮಾಲ್ , ಕ್ವೀನ್ಸ್ ಪ್ಲಾಜಾ, ಬ್ರಿಸ್ಬೇನ್ ಆರ್ಕೆಡ್, ಕ್ವೀನ್ ಅಡೆಲೈ ಕಟ್ಟಡ, ಟ್ಯಾಟರ್ ಸಾಲ್ಸ್ ಆರ್ಕೆಡ್ ಮತ್ತು ದಿ ಮೈರ್ ಸೆಂಟರ್ಗಳನ್ನು ಒಳಗೊಂಡಂತೆ ವ್ಯಾಪಾರ ಕೇಂದ್ರಗಳ ಭಾರಿ ಸಾಲುಗಳನ್ನು ಹೊಂದಿದೆ. ನಗರದಲ್ಲಿರುವ ಎಡ್ವರ್ಡ್ ಸೆಂಟ್ ಅನೇಕ ದುಬಾರಿ ಅಂತರರಾಷ್ಟ್ರೀಯ ಬಿಡಿ ವ್ಯಾಪಾರಗಳ ತವರಾಗಿದೆ. ಉದಾಹರಣೆಗೆ ಮ್ಯಾಕ್ಸ್ ಮಾರಾ, ಬ್ಯಾಲಿ, ಮಾಂಟ್ ಬ್ಲ್ಯಾಂಕ್, ಲೂಯಿಸ್, ವ್ಯೂಟನ್, ಟಿಫ್ಯಾನಿ ಅಂಡ್ ಕೋ., ಆರ್ಟನ್, ಪೊಲೊ ರಾಲ್ಫ್ ಲಾರೆನ್, ಬ್ಲಗರಿ, ಹುಗೋ ಬಾಸ್, ಹರ್ಮೆಸ್ ಮತ್ತು ಇತ್ಯಾದಿ.

ಬಹುಪಾಲು ಬಿಡಿ ವ್ಯಾಪಾರಗಳನ್ನು ಬ್ರಿಸ್ಬೇನ್ ನ ಉಪನಗರಗಳ ವ್ಯಾಪಾರ ಕೇಂದ್ರಗಳಲ್ಲೆ ನಡೆಸಲಾಗುತ್ತದೆ. ಈ ಕೇಂದ್ರಗಳು ಪ್ರಧಾನ ವಿಭಾಗದ ಮಳಿಗೆ ಸಾಲುಗಳನ್ನು ಒಳಗೊಂಡಿದೆ. ಬ್ರಿಸ್ಬೇನ್ ನಲ್ಲಿ 3 ಪ್ರಮುಖ ವೆಸ್ಟ್ ಫೀಲ್ಡ್ ವ್ಯಾಪಾರ ಕೇಂದ್ರಗಳಿವೆ. ಇವುಗಳನ್ನು ಚೆರ್ಮ್ ಸೈಡ್ (ವೆಸ್ಟ್ ಫೀಲ್ಡ್ ಚೆರ್ಮ್ ಸೈಡ್) ನ ಉಪನಗರಗಳಲ್ಲಿ, ಮೌಂಟ್ ಗ್ರಾವಟ್ (ವೆಸ್ಟ್ ಫೀಲ್ಡ್ ಗಾರ್ಡನ್ ಸಿಟಿ) ಮತ್ತು ಕ್ಯಾರಿಂಡಲ್ (ವೆಸ್ಟ್ ಫೀಲ್ಡ್ ಕ್ಯಾರಿಂಡಲ್)ನಲ್ಲಿ ನಿರ್ಮಿಸಲಾಗಿದೆ.^[೬೨]

ಇತರ ದೊಡ್ಡ ವ್ಯಾಪಾರ ಕೇಂದ್ರಗಳನ್ನು ಕೆಳಕಂಡ ಸ್ಥಳಗಳಲ್ಲಿ ನೋಡಬಹುದು: ಇಂಡೋರೊಪಿಲಿ (ಇಂಡೋರೊಪಿಲಿ ವ್ಯಾಪಾರ ಕೇಂದ್ರ), ಟಾಮ್ ಬುಲ್ (ಸೆಂಟ್ರೋ ಟಾಮ್ ಬುಲ್) ಮತ್ತು ಮಿಚೆಲ್ಟನ್ (ಬ್ರೋಕ್ ಸೈಡ್ ವ್ಯಾಪಾರ ಕೇಂದ್ರ). ಮೆಟ್ರೋಪಾಲಿಟನ್ ಪ್ರದೇಶದುದ್ದಕ್ಕೂ ಇರುವ ಇತರ ಪ್ರಮುಖ ವ್ಯಾಪಾರ ಕೇಂದ್ರಗಳೆಂದರೆ: ನಾರ್ತ್ ಲೇಕ್ಸ್ (ವೆಸ್ಟ್ ಫೀಲ್ಡ್ ನಾರ್ತ್ ಲೇಕ್ಸ್ ), ಸ್ಟ್ರಾತ್ಪೈನ್ (ವೆಸ್ಟ್ ಫೀಲ್ಡ್ ಸ್ಟ್ರಾತ್ಪೈನ್) ಮತ್ತು ಲೊಗನ್ ಹೋಲ್ಮ್ (ಲೋಗನ್ ಹೈಪರ್ಡಮ್).

ವಿದೇಶಿ ಮೂಲದ ಜನಸಂಖ್ಯೆ [೬೩]
ಜನಸಂಖ್ಯೆ (2006)
ಯುನೈಟೆಡ್‌ ಕಿಂಗ್ಡಮ್‌	95,315
ನ್ಯೂಜಿಲೆಂಡ್‌	73,128
ದಕ್ಷಿಣ ಆಫ್ರಿಕಾ	12,824
ವಿಯೆಟ್ನಾಂ	11,857
ಚೀನಾ	11,418
ಫಿಲಿಪೈನ್ಸ್‌	9,871
ಜರ್ಮನಿ	8,645
ಭಾರತ	7,549
ನೆದರ್ಲೆಂಡ್ಸ್‌	7,014
ಫಿಜಿ	6,791
ಪಪುವಾ ನ್ಯೂಗಿನಿಯಾ	6,706
ಇಟಲಿ	6,704
ಮಲೇಷಿಯಾ	6,686
ಅಮೆರಿಕಾ ಸಂಯುಕ್ತ ಸಂಸ್ಥಾನ	6,057
ಹಾಂಗ್‌ ಕಾಂಗ್‌	6,036
ದಕ್ಷಿಣ ಕೊರಿಯಾ	4,841
ಶ್ರೀಲಂಕಾ	4,806

ಬ್ರಿಸ್ಬೇನ್‌ನ ಅಂಕಿಅಂಶ ವಿಭಾಗವು ಬ್ರಿಸ್ಬೇನ್‌ನ ಸ್ಥಳೀಯ ಸರ್ಕಾರ ಪ್ರದೇಶ ಮಾತ್ರವಲ್ಲದೆ ಇಪ್ಸ್‌ವಿಚ್, ಮೋರೆಟನ್ ಕೊಲ್ಲಿ, ಲೋಗನ್ ನಗರ ಮತ್ತು ರೆಡ್‌ಲ್ಯಾಂಡ್ ನಗರ ಮೊದಲಾದವನ್ನು ಒಳಗೊಳ್ಳುತ್ತದೆ, ಈ ನಗರಗಳು ಜನಸಂಖ್ಯೆಯ ಆಧಾರದಲ್ಲಿ ಏಕ ನಗರಕೂಟದ ಭಾಗವಾಗಿವೆ.2006ರ ಜನಗಣತಿಯು ಬ್ರಿಸ್ಬೇನ್ ಅಂಕಿಅಂಶ ವಿಭಾಗದಲ್ಲಿ 1,763,131 ನಿವಾಸಿಗಳಿದ್ದಾರೆಂದು ವರದಿ ಮಾಡಿದೆ, ಆ ಮೂಲಕ ಇದು ಆಸ್ಟ್ರೇಲಿಯಾದಲ್ಲೇ ಮೂರನೇ ಅತ್ಯಂತ ದೊಡ್ಡ ನಗರವಾಗಿದೆ.^[೬೫] ಬ್ರಿಸ್ಬೇನ್ 2.2%ನಷ್ಟು ವಾರ್ಷಿಕ ಬೆಳವಣಿಗೆ ದರವನ್ನು ಹೊಂದುವುದರೊಂದಿಗೆ ಕಳೆದ ಜನಗಣತಿಯಲ್ಲಿ ಎಲ್ಲಾ ರಾಜಧಾನಿ ನಗರಗಳಿಗಿಂತ ಅತ್ಯಂತ ಹೆಚ್ಚಿನ ಬೆಳವಣಿಗೆ ದರವನ್ನು ದಾಖಲು ಮಾಡಿದೆ.^[೬೬] ಈ ನಗರದಾದ್ಯಂತ 35 ವರ್ಷವು ಮಧ್ಯಮ ವಯಸ್ಸಾಗಿತ್ತು.^[೫]

1.7%ನಷ್ಟು ಬ್ರಿಸ್ಬೇನ್‌ನ ಜನರು ಸ್ಥಳೀಯರಾಗಿದ್ದಾರೆ ಮತ್ತು 21.7%ನಷ್ಟು ಮಂದಿ ವಿದೇಶಿ ಮೂಲದವರಾಗಿದ್ದಾರೆಂದು 2006ರ ಜನಗಣತಿಯು ತೋರಿಸಿಕೊಟ್ಟಿದೆ. ಆಸ್ಟ್ರೇಲಿಯಾದಿಂದ ಹೊರಗೆ ಜನಿಸಿದವರ ಮೂರು ಪ್ರಮುಖ ರಾಷ್ಟ್ರಗಳೆಂದರೆ ನ್ಯೂಜಿಲೆಂಡ್, ದಕ್ಷಿಣ ಆಫ್ರಿಕಾ ಮತ್ತು ಯುನೈಟೆಡ್ ಕಿಂಗ್ಡಮ್.

ಸರಿಸುಮಾರು16.1%ನಷ್ಟು ನಿವಾಸಿಗಳು ಇಂಗ್ಲಿಷ್ ಅಲ್ಲದ ಭಾಷೆಗಳನ್ನು ಮಾತನಾಡುತ್ತಾರೆ, ಇಲ್ಲಿರುವ ಹೆಚ್ಚು ಸಾಮಾನ್ಯ ಭಾಷೆಗಳೆಂದರೆ ಮ್ಯಾಂಡರಿನ್ 1.1%, ವಿಯೆಟ್ನಾಮಿಸೆ 0.9%, ಕಾಂಟೊನೆಸೆ 0.9%, ಇಟಲಿಯನ್ 0.6% ಮತ್ತು ಸ್ಯಾಮೋನ್ 0.5%. ಬ್ರಿಸ್ಬೇನ್‌ನ ದಕ್ಷಿಣದ ಉಪನಗರಗಳಲ್ಲಿ ಹೆಚ್ಚು ವಿದೇಶಿ ಮೂಲದ ಜನರಿದ್ದಾರೆ. ಮೂರೂಕವು ಹೆಚ್ಚಿನ ಆಫ್ರಿಕನ್ ಮೂಲದ ನಿವಾಸಿಗಳ ನೆಲೆಯಾಗಿದೆ. ಹೆಚ್ಚಿನ ವಿಯೆಟ್ನಾಮಿಸೆ ಜನರು ದರ್ರಾ ಮತ್ತು ಇನ್ಲಾಲದ ಉಪನಗರಗಳಲ್ಲಿ ವಾಸಿಸುತ್ತಾರೆ. ಸನ್ನಿಬ್ಯಾಂಕ್‌ನಲ್ಲಿ ಹೆಚ್ಚಿನ ಬ್ರಿಸ್ಬೇನ್‌ನ ಚೀನೀಸ್ ಜನರು ನೆಲೆಸುತ್ತಾರೆ, ಮುಖ್ಯವಾಗಿ ಚೀನಾ ಗಣರಾಜ್ಯ (ತೈವಾನ್) ಮತ್ತು ಹಾಂಗ್ ಕಾಂಗ್‌ನ ಜನರನ್ನು ಒಳಗೊಳ್ಳುತ್ತದೆ. ಚೀನಾ, ಮಲೇಷಿಯಾ ಮತ್ತು ಇತರ ಆಗ್ನೇಯ ಏಷ್ಯಾ ರಾಷ್ಟ್ರಗಳ ಜನರು ಹೆಚ್ಚಾಗಿ ಒಂದು ನಿರ್ದಿಷ್ಟ ಪ್ರದೇಶದಲ್ಲಿ ಕಂಡುಬರುವುದಿಲ್ಲ, ಬದಲಿಗೆ ಬ್ರಿಸ್ಬೇನ್‌ನಾದ್ಯಂತ ವಿಶೇಷವಾಗಿ ದಕ್ಷಿಣದ ಉಪನಗರಗಳಲ್ಲಿ ನೆಲೆಸಿದ್ದಾರೆ. ಬ್ರಿಸ್ಬೇನ್ ಅತ್ಯಂತ ಹೆಚ್ಚಿನ ಸಂಖ್ಯೆಯ ತೈವಾನೆಸೆ ಆಸ್ಟ್ರೇಲಿಯನ್ ನಾಗರಿಕರನ್ನು ಹೊಂದಿದೆ. ಈ ಜನಸಂಖ್ಯೆಯು ಸುಮಾರು 35 000+ ನಷ್ಟಕ್ಕೆ ಏರಿದೆಯೆಂದು ಅಂದಾಜಿಸಲಾಗಿದೆ, ಆ ಮೂಲಕ ಬ್ರಿಸ್ಬೇನ್‌ನಲ್ಲೇ ಅತ್ಯಂತ ಹೆಚ್ಚಿನ ಏಷ್ಯನ್ ಜನಸಂಖ್ಯೆಯಾಗಿ ಮಾಡಿದೆ. ಪರಿಣಾಮವಾಗಿ, ಸನ್ನಿಬ್ಯಾಂಕ್ ಮತ್ತು ಅದರ ಸುತ್ತಮುತ್ತಲ ಉಪನಗರಗಳನ್ನು 'ನಿಜವಾದ ಚೀನಾನಗರ' ಮತ್ತು 'ತೈವಾನ್ ನಗರ'ವೆಂದು ಕರೆಯಲಾಗುತ್ತದೆ.

ಒಳಗಿನ ದಕ್ಷಿಣದ ಉಪನಗರಗಳನ್ನು ದಕ್ಷಿಣ ಯುರೋಪ್ ಆಸ್ತಿಯನ್ನು ಹೊಂದಿರುವ ಜನರಿಂದ ಹೆಚ್ಚು ಜನನಿಬಿಡವಾದ ಪ್ರದೇಶಗಳೆಂದು ಪರಿಗಣಿಸಲಾಗುತ್ತಿತ್ತು, ಮೂಲಭೂತವಾಗಿ ಗ್ರೀಸ್ ಮತ್ತು ಇಟಲಿ ಮಾತ್ರವಲ್ಲದೆ ಸಿಪ್ರಸ್ ಮತ್ತು ಆಗ್ನೇಯ ಯುರೋಪಿನ ಇತರ ರಾಷ್ಟ್ರಗಳು. ನ್ಯೂ ಫಾರ್ಮ್ ಐತಿಹಾಸಿಕವಾಗಿ ಹೆಚ್ಚಿನ ಬ್ರಿಸ್ಬೇನ್‌ನ ಆರಂಭಿಕ ಇಟಲಿಯನ್ ಸಮುದಾಯಕ್ಕೆ ನೆಲೆಯಾಗಿತ್ತು. ಈ ನಗರದಲ್ಲಿ ಹಲವಾರು ಭಾರತೀಯ, ಫಿಲಿಪಿನೋ, ಡಚ್, ಜರ್ಮನ್, ಕೊರಿಯನ್, ಪಾಪುವಾ ನ್ಯೂಗಿನಿಯನ್, ಫಿಜಿಯನ್ ಮತ್ತು ಇತರ ಪೆಸಿಫಿಕ್ ಐಲ್ಯಾಂಡರ್ ಸಮುದಾಯಗಳೂ ಇವೆ.

ಬ್ರಿಸ್ಬೇನ್ ಬಹು-ಕ್ಯಾಂಪಸ್ ವಿಶ್ವವಿದ್ಯಾನಿಲಯಗಳು ಮತ್ತು ಕಾಲೇಜುಗಳನ್ನು ಹೊಂದಿದೆ, ಅವುಗಳೆಂದರೆ ಕ್ವೀನ್ಸ್‌ಲ್ಯಾಂಡ್‌ ವಿಶ್ವವಿದ್ಯಾನಿಲಯ, ಕ್ವೀನ್ಸ್‌ಲ್ಯಾಂಡ್‌ನ ತಂತ್ರಜ್ಞಾನ ವಿಶ್ವವಿದ್ಯಾನಿಲಯ ಮತ್ತು ಗ್ರಿಫ್ಫಿತ್ ವಿಶ್ವವಿದ್ಯಾನಿಲಯ. ಬ್ರಿಸ್ಬೇನ್‌ನಲ್ಲಿ ಕ್ಯಾಂಪಸ್‌ಗಳನ್ನು ಹೊಂದಿರುವ ಇತರ ವಿಶ್ವವಿದ್ಯಾನಿಲಯಗಳೆಂದರೆ ಆಸ್ಟ್ರೇಲಿಯನ್ ಕ್ಯಾಥೋಲಿಕ್ ವಿಶ್ವವಿದ್ಯಾನಿಲಯ, ಕೇಂದ್ರ ಕ್ವೀನ್ಸ್‌ಲ್ಯಾಂಡ್‌ ವಿಶ್ವವಿದ್ಯಾನಿಲಯ, ಜೇಮ್ಸ್ ಕುಕ್ ವಿಶ್ವವಿದ್ಯಾನಿಲಯ, JMC ಅಕಾಡೆಮಿ, ದಕ್ಷಿಣ ಕ್ವೀನ್ಸ್‌ಲ್ಯಾಂಡ್ ‌ವಿಶ್ವವಿದ್ಯಾನಿಲಯ ಮತ್ತು ಸನ್‌ಶೈನ್ ಕೋಸ್ಟ್ ವಿಶ್ವವಿದ್ಯಾನಿಲಯ.

ಬ್ರಿಸ್ಬೇನ್‌ನಲ್ಲಿ ಮೂರು ಪ್ರಮುಖ TAFE ಕಾಲೇಜುಗಳಿವೆ; ಬ್ರಿಸ್ಬೇನ್ ನಾರ್ತ್ ಇನ್‌ಸ್ಟಿಟ್ಯೂಟ್ ಆಫ್ TAFE, ಮೆಟ್ರೋಪಾಲಿಟನ್ ಸೌತ್ ಇನ್‌ಸ್ಟಿಟ್ಯೂಟ್ ಆಫ್ TAFE ಮತ್ತು ಸೌತ್‌ಬ್ಯಾಂಕ್ ಇನ್‌ಸ್ಟಿಟ್ಯೂಟ್ ಆಫ್ TAFE.^[೬೭] ಬ್ರಿಸ್ಬೇನ್ ಅಸಂಖ್ಯಾತ ಇತರ ಸ್ವತಂತ್ರ ಕಾಲೇಜು ಶಿಕ್ಷಣವನ್ನು ಒದಗಿಸುವ ಸಂಸ್ಥೆಗಳಿಗೂ ನೆಲೆಯಾಗಿದೆ, ಅವುಗಳೆಂದರೆ ಆಸ್ಟ್ರೇಲಿಯನ್ ಕಾಲೇಜ್ ಆಫ್ ನ್ಯಾಚುರಲ್ ಮೆಡಿಸಿನ್, ಬ್ರಿಸ್ಬೇನ್ ಕಾಲೇಜ್ ಆಫ್ ಥಿಯೋಲಜಿ, QANTM ಮತ್ತು Jschool: Journalism Education & Training.

ಬ್ರಿಸ್ಬೇನ್‌ನ ಹೆಚ್ಚಿನ ಶಾಲಾಪೂರ್ವ, ಪ್ರಾಥಮಿಕ ಮತ್ತು ಪ್ರೌಢ ಶಾಲೆಗಳು ಕ್ವೀನ್ಸ್‌ಲ್ಯಾಂಡ್‌ ಸರ್ಕಾರದ ಒಂದು ವಿಭಾಗ ಎಜುಕೇಶನ್ ಕ್ವೀನ್ಸ್‌ಲ್ಯಾಂಡ್‌‌ನ ಅಧಿಕಾರ ವ್ಯಾಪ್ತಿಯಲ್ಲಿ ಕಾರ್ಯನಿರ್ವಹಿಸುತ್ತವೆ.^[೬೮] ಇಲ್ಲಿ ಹಲವಾರು ಸ್ವತಂತ್ರ ಮತ್ತು ರೋಮನ್ ಕ್ಯಾಥೋಲಿಕ್ ಶಾಲೆಗಳೂ ಇವೆ.

ಕಲೆ ಮತ್ತು ಮನರಂಜನೆ

ಬ್ರಿಸ್ಬೇನ್, ಜನಪ್ರಿಯ ಮತ್ತು ಶಾಸ್ತ್ರೀಯಗಳೆರಡೂ, ಬೆಳೆಯುತ್ತಿರುವ ನೇರ ಪ್ರದರ್ಶನದ ಸಂಗೀತ ರಂಗಸ್ಥಲವೊಂದನ್ನು ಹೊಂದಿದೆ. ದಕ್ಷಿಣದ ತೀರದಲ್ಲಿರುವ ಕ್ವೀನ್ಸ್‌ಲ್ಯಾಂಡ್‌ ಪರ್ಫಾರ್ಮಿಂಗ್ ಆರ್ಟ್ಸ್ ಸೆಂಟರ್ (QPAC) ಸಂಗೀತ ಮಂದಿರ, ಗಾನಗೋಷ್ಠಿ ಸಭಾಂಗಣ, ಕ್ರೆಮೋರ್ನ್ ಮಂದಿರ ಮತ್ತು ರಂಗಮಂದಿರವನ್ನು ಒಳಗೊಂಡಿದೆ. ಕ್ವೀನ್ಸ್‌ಲ್ಯಾಂಡ್‌ ಬ್ಯಾಲೆಟ್, ಒಪೇರಾ ಕ್ವೀನ್ಸ್‌ಲ್ಯಾಂಡ್‌, ಕ್ವೀನ್ಸ್‌ಲ್ಯಾಂಡ್‌ ಥಿಯೇಟರ್ ಕಂಪನಿ ಮತ್ತು ಇತರ ಪ್ರದರ್ಶನ ಕಲಾ ಗುಂಪುಗಳು ವಿವಿಧ ಸ್ಥಳಗಳಲ್ಲಿ ಪ್ರದರ್ಶನಗಳನ್ನು ನಡೆಸಿಕೊಡುತ್ತವೆ. ಇದು ಬ್ರಿಸ್ಬೇನ್‌ನ ಏಕೈಕ ವೃತ್ತಿಪರ ಸಿಂಫನಿ ವಾದ್ಯಮೇಳ ಮತ್ತು ಕ್ವೀನ್ಸ್‌ಲ್ಯಾಂಡ್‌ನ ಅತ್ಯಂತ ದೊಡ್ಡ ಪ್ರದರ್ಶನ-ಕಲೆಗಳ ಕಂಪನಿ ದಿ ಕ್ವೀನ್ಸ್‌ಲ್ಯಾಂಡ್‌ ಆರ್ಕೇಸ್ಟ್ರಾದ ಪ್ರಮುಖ ಪ್ರದರ್ಶನ ಸ್ಥಳವಾಗಿದೆ. ಸೌತ್ ಬ್ಯಾಂಕ್ ಪಾರ್ಕ್‌ಲ್ಯಾಂಡ್ಸ್‌ನಲ್ಲಿರುವ ಕ್ವೀನ್ಸ್‌ಲ್ಯಾಂಡ್‌ ಲಲಿತಕಲಾಶಾಲೆಯಲ್ಲಿ ವೃತ್ತಿಪರ ಕಂಪನಿಗಳು ಮತ್ತು ಲಲಿತಕಲಾಶಾಲೆಯ ವಿದ್ಯಾರ್ಥಿಗಳೂ ಸಹ ಪ್ರದರ್ಶನಗಳನ್ನು ನಡೆಸಿಕೊಡುತ್ತಾರೆ.

ಅಸಂಖ್ಯಾತ ವಾದ್ಯವೃಂದಗಳು ನಗರದಾದ್ಯಂತ ವಾರ್ಷಿಕವಾಗಿ ಪ್ರದರ್ಶನಗಳನ್ನು ನಡೆಸಿಕೊಡುತ್ತವೆ. ಈ ವಾದ್ಯವೃಂದಗಳು ಬ್ರಿಸ್ಬೇನ್ ಕೊರೇಲ್, ಕ್ವೀನ್ಸ್‌ಲ್ಯಾಂಡ್‌ ಕೊಯರ್, ಬ್ರಿಸ್ಬೇನ್ ಚೇಂಬರ್ ಕೊಯರ್, ಕ್ಯಾಂಟಿಕಮ್ ಚೇಂಬರ್ ಕೊಯರ್, ಬ್ರಿಸ್ಬೇನ್ ಕನ್ಸರ್ಟ್ ಕೊಯರ್, ಇಮೋಗನ್ ಚಿಲ್ಡ್ರನ್ಸ್ ಕೊರೇಲ್ ಮತ್ತು ಬ್ರಿಸ್ಬೇನ್ ಬಿರ್ರಾಲೀ ವಾಯ್ಸಸ್ ಮೊದಲಾದವನ್ನು ಒಳಗೊಳ್ಳುತ್ತವೆ. ಚರ್ಚುಗಾಯಕವೃಂದದ ಸಂಗೀತಕ್ಕೆ ಸೂಕ್ತ ಪ್ರದರ್ಶನ ಸ್ಥಳದ ಕೊರತೆಯಿರುವುದರಿಂದ, ಈ ವಾದ್ಯವೃಂದಗಳು ನಗರದ ಹಲವಾರು ಚರ್ಚುಗಳಲ್ಲಿ ಪ್ರದರ್ಶನಗಳನ್ನು ನಡೆಸಿಕೊಡುತ್ತವೆ.

2006ರ ಡಿಸೆಂಬರ್‌ನಲ್ಲಿ ತೆರೆಯಲ್ಪಟ್ಟ ಕ್ವೀನ್ಸ್‌ಲ್ಯಾಂಡ್‌ ಗ್ಯಾಲರಿ ಆಫ್ ಮಾಡರ್ನ್ ಆರ್ಟ್ (GOMA) ದಕ್ಷಿಣದ ತೀರ ಪ್ರದೇಶದಲ್ಲಿ ಇತ್ತೀಚೆಗೆ ಸೇರಿಸಿದವುಗಳಲ್ಲಿ ಒಂದಾಗಿದೆ. ಇದು ಆಸ್ಟ್ರೇಲಿಯಾದೊಳಗಿನ ಮತ್ತು ಹೊರಗಿನ ಕೆಲವು ಸುಪ್ರಸಿದ್ಧ ಆಧುನಿಕ ಕಲಾ ಅಂಶಗಳನ್ನು ಒಳಗೊಂಡಿದೆ. GOMA ಆಸ್ಟ್ರೇಲಿಯಾದಲ್ಲೇ ಅತ್ಯಂತ ದೊಡ್ಡ ಆಧುನಿಕ ಕಲಾ-ಚಿತ್ರಶಾಲೆಯಾಗಿದೆ. GOMA ಏಷ್ಯಾ ಪೆಸಿಫಿಕ್ ಟ್ರೀನ್ನಿಯಲ್ಅನ್ನು (APT) ನಡೆಸಿಕೊಡುತ್ತದೆ, ಇದು ವರ್ಣಚಿತ್ರಕಲೆಯಿಂದ ಹಿಡಿದು ವೀಡಿಯೊ ಕೃತಿಯವರೆಗೆ ವಿಭಿನ್ನ ಮಾಧ್ಯಮದಲ್ಲಿ ಏಷ್ಯಾ ಮತ್ತು ಪೆಸಿಫಿಕ್‌ನ ಆಧುನಿಕ ಕಲೆಯನ್ನು ಕೇಂದ್ರೀಕರಿಸುತ್ತದೆ. ಇದಕ್ಕೆ ಹೆಚ್ಚುವರಿಯಾಗಿ, ಕಲಾ-ಚಿತ್ರಶಾಲೆಯ ಗಾತ್ರದಿಂದಾಗಿ ಅಲ್ಲಿ ವಿಶೇಷವಾಗಿ ದೊಡ್ಡ ಪ್ರದರ್ಶನಗಳನ್ನು ನಡೆಸಿಕೊಡಲು ಸಾಧ್ಯವಾಗುತ್ತದೆ - ಆಂಡಿ ವಾರ್ಹೋಲ್ ಪ್ರದರ್ಶನವು ಆಸ್ಟ್ರೇಲಿಯಾದಲ್ಲಿ ಆತನ ಕೃತಿಯ ಅತ್ಯಂತ ದೊಡ್ಡ ಸಮೀಕ್ಷೆಯಾಗಿದೆ. GOMA ಆಸ್ಟ್ರೇಲಿಯಾದ ಅತ್ಯಂತ ದೊಡ್ಡ ಸಿನೇಮಾತೆಕ್ಯೂಅನ್ನೂ ನಡೆಸಿಕೊಡುತ್ತದೆ. ಗ್ಯಾಲರಿ ಆಫ್ ಮಾಡರ್ನ್ ಆರ್ಟ್ ಸ್ಟೇಟ್ ಲೈಬ್ರರಿ ಆಫ್ ಕ್ವೀನ್ಸ್‌ಲ್ಯಾಂಡ್‌ ಮತ್ತು ಕ್ವೀನ್ಸ್‌ಲ್ಯಾಂಡ್‌ ಕಲಾ-ಚಿತ್ರಶಾಲೆಯ ಪಕ್ಕದಲ್ಲಿದೆ.

ಬೀಜಿಂಗ್, ಬರ್ಲಿನ್, ಬರ್ಮಿಂಗ್ಹ್ಯಾಮ್ ಮತ್ತು ಮಾರ್ಸೈಲ್ಲಿ ಮೊದಲಾದವುಗಳೊಂದಿಗೆ, ಬ್ರಿಸ್ಬೇನ್ ಸಹ 2007ರಲ್ಲಿ ಬಿಲ್‌ಬೋರ್ಡ್‌ನಿಂದ ಪ್ರಮುಖ 5 ಅಂತಾರಾಷ್ಟ್ರೀಯ ಸಂಗೀತ ಹಾಟ್‌ಸ್ಪಾಟ್‌‌ಗಳಲ್ಲಿ ಒಂದೆಂದು ನಾಮನಿರ್ದೇಶನಗೊಂಡಿತು. ನಗರ ಮತ್ತು ಫೋರ್ಟಿಟ್ಯೂಡ್ ಕಣಿವೆಯಲ್ಲಿ ಜನಪ್ರಿಯ ಮನರಂಜನಾ ಪಬ್‌ಗಳು ಮತ್ತು ಕ್ಲಬ್‌ಗಳೂ ಸಹ ಇವೆ.^{[೬೯][೭೦]}

ನ್ಯೂಫಾರ್ಮ್‌ನ ಬ್ರಿಸ್ಬೇನ್ ಪವರ್‌ಹೌಸ್ ಮತ್ತು ಫೋರ್ಟಿಟ್ಯೂಡ್ ಕಣಿವೆಯ ಬರ್ನ್ಸ್‌ವಿಕ್ ರಸ್ತೆಯ ಆಧುನಿಕ ಕಲೆಗಳ ಜ್ಯೂಡಿತ್ ವ್ರೈಟ್ ಕೇಂದ್ರವು ದೃಶ್ಯ ಕಲೆ, ಸಂಗೀತ ಮತ್ತು ನೃತ್ಯ ಪ್ರದರ್ಶನಗಳು ಮತ್ತು ಉತ್ಸವಗಳನ್ನೊಳಗೊಂಡ ವಿಭಿನ್ನ ಕಾರ್ಯಕ್ರಮಗಳನ್ನು ನಡೆಸಿಕೊಡುತ್ತವೆ.

ಲಾ ಬೋಯಟ್ ಥಿಯೇಟರ್ ಕಂಪನಿಯು ಕೆಲ್ವಿನ್ ಗ್ರೂನ ರೌಂಡ್‌ಹೌಸ್ ರಂಗಮಂದಿರದಲ್ಲಿ ಪ್ರದರ್ಶನ ನಡೆಸಿಕೊಡುತ್ತದೆ. ಬೋವೆನ್ ಹಿಲ್ಸ್‌ನ ಟ್ವೆಲ್ತ್ ನೈಟ್ ಥಿಯೇಟರ್ ಸಹ ಒಂದು ವೃತ್ತಿಪರ ರಂಗಮಂದಿರವಾಗಿದೆ. ಪವರ್‌ಹೌಸ್ ಸಂಕೀರ್ಣವು ವ್ಯಾಪಕ ನಿರ್ಮಾಣಗಳನ್ನು ಪ್ರದರ್ಶಿಸುತ್ತದೆ.

ಬ್ರಿಸ್ಬೇನ್‌ನಲ್ಲಿ ಅಸಂಖ್ಯಾತ ಹವ್ಯಾಸಿ ರಂಗಮಂದಿರಗಳಿವೆ. 1936ರಲ್ಲಿ ಸ್ಥಾಪಿಸಲಾದ ಬ್ರಿಸ್ಬೇನ್ ಆರ್ಟ್ಸ್ ಥಿಯೇಟರ್ ಅತ್ಯಂತ ಹಳೆಯ ರಂಗಮಂದಿರವಾಗಿದೆ. ಇದು ನಿಯತ ವಯಸ್ಕರ ಮತ್ತು ಮಕ್ಕಳ ರಂಗಮಂದಿರವನ್ನು ಹೊಂದಿದೆ ಮತ್ತು ಪೆಟ್ರೀ ಟೆರ್ರೇಸ್‌ನಲ್ಲಿದೆ.

ವಾರ್ಷಿಕ ಕಾರ್ಯಕ್ರಮಗಳು

ಬ್ರಿಸ್ಬೇನ್‌ನಲ್ಲಿ ನಡೆಯುವ ಪ್ರಮುಖ ಸಾಂಸ್ಕೃತಿಕ ಕಾರ್ಯಕ್ರಮಗಳೆಂದರೆ ಪ್ರತಿ ಆಗಸ್ಟ್‌ನಲ್ಲಿ ನಡೆಸಲಾಗುವ ಎಕ್ಕ (ರಾಯಲ್ ಕ್ವೀನ್ಸ್‌ಲ್ಯಾಂಡ್‌ ಶೊ) ಮತ್ತು ರಿವರ್‌ಫೆಸ್ಟಿವಲ್, ಇದನ್ನು ಪ್ರತಿ ಸೆಪ್ಟೆಂಬರ್‌ನಲ್ಲಿ ಸೌತ್ ಬ್ಯಾಂಕ್ ಪಾರ್ಕ್‌ಲ್ಯಾಂಡ್ಸ್‌‌ನಲ್ಲಿ ಮತ್ತು ಸುತ್ತಮುತ್ತಲ ಪ್ರದೇಶಗಳಲ್ಲಿ ನಡೆಸಲಾಗುತ್ತದೆ. ವರಾಣ (ಅಂದರೆ ನೀಲಿ ಆಕಾಶ ) ಹಿಂದಿನ ವಸಂತ ಕಾಲದ ಉತ್ಸವವಾಗಿದ್ದು ಇದು 1961ರಲ್ಲಿ ಆರಂಭವಾಯಿತು ಮತ್ತು ಇದನ್ನು ಪ್ರತಿ ವರ್ಷ ಸೆಪ್ಟೆಂಬರ್ ತಿಂಗಳಲ್ಲಿ ನಡೆಸಲಾಗುತ್ತಿತ್ತು. ಬ್ರಿಸ್ಬೇನ್‌ನ ಉತ್ಸವವಾಗಿ ಆಚರಿಸಲಾಗುತ್ತಿದ್ದ ವರಾಣವು ಮೆಲ್ಬರ್‌ನ ಮೂಂಬ ಉತ್ಸವದಂತೆಯೇ ಇತ್ತು. 1996ರಲ್ಲಿ ಈ ವಾರ್ಷಿಕ ಉತ್ಸವವನ್ನು ದ್ವೈವಾರ್ಷಿಕ ಬ್ರಿಸ್ಬೇನ್ ಉತ್ಸವವಾಗಿ ಬದಲಾಯಿಸಲಾಯಿತು.^[೭೧]

ಬ್ರಿಸ್ಬೇನ್ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವವನ್ನು (BIFF) ಬ್ರಿಸ್ಬೇನ್‌ನ ಸುತ್ತಮುತ್ತಲ ವಿವಿಧ ಸ್ಥಳಗಳಲ್ಲಿ ಜುಲೈ/ಆಗಸ್ಟ್‌ನಲ್ಲಿ ನಡೆಸಲಾಗುತ್ತದೆ ಮತ್ತು ರಿಜೆಂಟ್ ಸಿನೀಮಾವನ್ನು ಕ್ವೀನ್ ಸ್ಟ್ರೀಟ್ ಮಾಲ್‌ನಲ್ಲಿ ಪ್ರದರ್ಶಿಸಲಾಯಿತು. ಕ್ವೀನ್ ಸ್ಟ್ರೀಟ್ ಹಾಲ್‌ನಲ್ಲಿ ಪ್ರದರ್ಶಿಸಲಾಗುತ್ತಿದ್ದ ಬ್ರಿಸ್ಬೇನ್‌ನ ಐತಿಹಾಸಿಕ ರಿಜೆಂಟ್ ಸಿನೀಮಾವನ್ನು 2010ರ ಜೂನ್ 14ರ ಸೋಮವಾರದಂದು ಕೊನೆಗೊಳಿಸಲಾಯಿತು. BIFF ಸೆಮಿನಾರ್‌ಗಳು ಮತ್ತು ಪ್ರಶಸ್ತಿಗಳೊಂದಿಗೆ ದೇಶೀಯ ಮತ್ತು ಅಂತಾರಾಷ್ಟ್ರೀಯ ಚಲನಚಿತ್ರ-ನಿರ್ಮಾಪಕರ ಹೊಸ ಚಲನಚಿತ್ರಗಳು ಮತ್ತು ಸಿಂಹಾವಲೋಕನ ಪ್ರದರ್ಶನಗಳನ್ನು ನಡೆಸಿಕೊಡುತ್ತದೆ.

ಮುಸ್ಗ್ರೇವ್ ಪಾರ್ಕ್‌ನಲ್ಲಿ ನಡೆಯುವ ಪನಿಯಿರಿ ಉತ್ಸವವು (ದಕ್ಷಿಣ ಬ್ರಿಸ್ಬೇನ್‌ನಲ್ಲಿರುವ ರಸೆಲ್ ಮತ್ತು ಎಡ್ಮಂಡ್‌ಸ್ಟೋನ್ ಸ್ಟ್ರೀಟ್ಸ್‌ನ ಮೂಲೆಯಲ್ಲಿ) ಗ್ರೀಕ್ ಸಂಸ್ಕೃತಿಯ ವಾರ್ಷಿಕ ಉತ್ಸವವಾಗಿದ್ದು, ಇದನ್ನು ಮೇ ತಿಂಗಳಿನ ಮೊದಲ ವಾರಾಂತ್ಯದಲ್ಲಿ ನಡೆಸಲಾಗುತ್ತದೆ. ಬ್ರಿಸ್ಬೇನ್ ಮಿಡೈವಲ್ ಫಾಯ್ರೆ ಮತ್ತು ಪಂದ್ಯವನ್ನು ಮುಸ್ಗ್ರೇವ್ ಪಾರ್ಕ್‌ನಲ್ಲಿ ಪ್ರತಿ ಜೂನ್ ತಿಂಗಳಲ್ಲಿ ನಡೆಸಲಾಗುತ್ತದೆ.

ವ್ಯಾಲಿ ಫಿಸ್ಟ್ ವ್ಯಾಲಿ ಚೇಂಬರ್ ಆಫ್ ಕಾಮರ್ಸ್‌ನಿಂದ ಆಯೋಜಿಸಿಸಲ್ಪಡುವ ಮೂರು ದಿನಗಳ ವಾರ್ಷಿಕ ಆಚರಣೆಯಾಗಿದೆ. ಇದು ಫೋರ್ಟಿಟ್ಯೂಡ್ ಕಣಿವೆಯನ್ನು ಕಲೆಗಳ ಮತ್ತು ಯುವ ಸಂಸ್ಕೃತಿಯ ಕೇಂದ್ರವಾಗಿ ಮಾಡಲು 2002ರಲ್ಲಿ ಬ್ರಿಸ್ಬೇನ್ ಮಾರ್ಕೆಟಿಂಗ್‌ನಿಂದ ಆರಂಭಗೊಂಡಿತು. ಇದು ಉಚಿತ ನೇರ ಸಂಗೀತ ಕಛೇರಿ, ಅನೇಕ ಸ್ಥಳೀಯ ರೆಸ್ಟಾರೆಂಟುಗಳು ಮತ್ತು ಕೆಫೆಗಳಿಂದ ಆಹಾರ ಮತ್ತು ಪಾನೀಯ, ವ್ಯಾಪಾರ ಮಳಿಗೆಗಳು ಹಾಗೂ ಇತರ ಮನರಂಜನೆಯನ್ನು ಒಳಗೊಳ್ಳುತ್ತದೆ.

ಬ್ರಿಡ್ಜ್ ಟು ಬ್ರಿಸ್ಬೇನ್ ವಿನೋದ-ಓಟವು ಬ್ರಿಸ್ಬೇನ್‌ನ ಒಂದು ಪ್ರಮುಖ ವಾರ್ಷಿಕ ದತ್ತಿ-ಪಂದ್ಯವಾಗಿದೆ.

ಪ್ರವಾಸೋದ್ಯಮ ಮತ್ತು ವಿನೋದ-ವಿಹಾರ

ಪ್ರವಾಸೋದ್ಯಮವು ಬ್ರಿಸ್ಬೇನ್‌ನ ಆರ್ಥಿಕ ಸ್ಥಿತಿಯಲ್ಲಿ ಒಂದು ಪ್ರಮುಖ ಪಾತ್ರವಹಿಸುತ್ತದೆ, ಇದು ಸಿಡ್ನಿ ಮತ್ತು ಮೆಲ್ಬರ್ನ್‌ನ ನಂತರ ಮೂರನೇ ಅತ್ಯಂತ ಪ್ರಸಿದ್ಧ ಅಂತಾರಾಷ್ಟ್ರೀಯ ಪ್ರವಾಸಿ-ತಾಣವಾಗಿದೆ.^[೭೨] ಬ್ರಿಸ್ಬೇನ್‌ನಲ್ಲಿರುವ ಜನಪ್ರಿಯ ಪ್ರವಾಸಿ ಮತ್ತು ಮನರಂಜನಾ ಪ್ರದೇಶಗಳೆಂದರೆ ಸೌತ್ ಬ್ಯಾಂಕ್ ಪಾರ್ಕ್‌ಲ್ಯಾಂಡ್ಸ್, ರೋಮ ಸ್ಟ್ರೀಟ್ ಪಾರ್ಕ್‌ಲ್ಯಾಂಡ್, ಸಿಟಿ ಬೊಟಾನಿಕ್ ಗಾರ್ಡನ್ಸ್, ಬ್ರಿಸ್ಬೇನ್ ಫೋರೆಸ್ಟ್ ಪಾರ್ಕ್ ಮತ್ತು ಪೋರ್ಟ್‌ಸೈಡ್ ವಾರ್ಫ್. ಲೋನ್ ಪೈನ್ ಕೋಲಾ ಅಭಯಾರಣ್ಯವನ್ನು 1927ರಲ್ಲಿ ತೆರವುಗೊಳಿಸಲಾಯಿತು ಮತ್ತು ಇದು ಪ್ರಪಂಚದ ಮೊದಲ ಕೋಲಾ ಅಭಯಾರಣ್ಯವಾಗಿತ್ತು.^[೭೩]

ಮೌಂಟ್ ಕೂಟ್-ತಾ ಉಪನಗರವು ಪ್ರಸಿದ್ಧ ರಾಜ್ಯ ಅರಣ್ಯ ಮತ್ತು ಬ್ರಿಸ್ಬೇನ್ ಸಸ್ಯೋದ್ಯಾನಕ್ಕೆ ನೆಲೆಯಾಗಿದೆ, ಈ ಉದ್ಯಾನವು ಸರ್ ಥೋಮಸ್ ಬ್ರಿಸ್ಬೇನ್ ಪ್ಲಾನಿಟೋರಿಯಂ(ತಾರಾಲಯ) ಮತ್ತು "ತ್ಸುಕಿ-ಯಮ-ಚಿಸನ್" ಜಪಾನೀಸ್ ಉದ್ಯಾನವನ್ನು (ಹಿಂದಿನ ಜಪಾನೀಸ್ ಗೌರ್ನ್ಮೆಂಟ್ ಪೆವಿಲಿಯನ್ ಆಫ್ ಬ್ರಿಸ್ಬೇನ್ಸ್ ವರ್ಲ್ಡ್ ಎಕ್ಸ್ಪೊ '88) ಒಳಗೊಂಡಿದೆ.

ಬ್ರಿಸ್ಬೇನ್ ಸುಮಾರು 27 km (16.8 mi) ನಷ್ಟು ದ್ವಿಚಕ್ರ ಹಾದಿಗಳನ್ನು ಹೊಂದಿದೆ, ಇವು ಹೆಚ್ಚಾಗಿ ಬ್ರಿಸ್ಬೇನ್ ನದಿ ಮತ್ತು ನಗರ ಕೇಂದ್ರದ ಸುತ್ತಲೂ, ನಗರದ ಪಶ್ಚಿಮದವರೆಗೆ ವಿಸ್ತರಿಸಿವೆ.^[೭೪] ಈ ನದಿಯು ಈಜುಗಾರರಿಗೆ ಜನಪ್ರಿಯವಾಗಿತ್ತು ಮತ್ತು ಇದು ಮುಖ್ಯ ಬಂದರು ನಗರಕ್ಕೆ ನಿಲುಕುವಷ್ಟು ದೂರದಲ್ಲಿದ್ದಾಗ ಮೋರೆಟನ್ ಕೊಲ್ಲಿಗೆ ದೋಣಿ-ವಿಹಾರ ಮಾಡಲು ಅವಕಾಶ ಕಲ್ಪಿಸುತ್ತಿತ್ತು.^[೭೩] ಇಂದು ಇಲ್ಲಿ ಮೀನು ಹಿಡಿಯುವುದು ಮತ್ತು ದೋಣಿ-ವಿಹಾರವು ಸಾಮಾನ್ಯವಾಗಿದೆ. ಇತರ ಜನಪ್ರಿಯ ಮನರಂಜನಾ ಚಟುವಟಿಕೆಗಳೆಂದರೆ ಸ್ಟೋರಿ ಬ್ರಿಡ್ಜ್ ಸಾಹಸಮಯ ಆರೋಹಣ ಮತ್ತು ಕಾಂಗಾರೂ ಪಾಯಿಂಟ್ ಕ್ಲಿಫ್ಸ್‌ನ ಬಂಡೆ ಹತ್ತುವಿಕೆ.

ಕ್ರೀಡೆ

ಬ್ರಿಸ್ಬೇನ್ 1982ರ ಕಾಮನ್‌ವೆಲ್ತ್ ಗೇಮ್ಸ್ ಮತ್ತು 2001ರ ಗುಡ್‌ವಿಲ್ ಗೇಮ್ಸ್ ಮೊದಲಾದವನ್ನೂ ಒಳಗೊಂಡಂತೆ ಹಲವಾರು ಪ್ರಮುಖ ಕ್ರೀಡಾ ಪಂದ್ಯಗಳನ್ನು ನಡೆಸಿಕೊಟ್ಟಿದೆ. ಈ ನಗರವು 1987ರ ರಗ್ಬಿ ವಿಶ್ವ ಕಪ್, 1992ರ ಕ್ರಿಕೆಟ್ ವಿಶ್ವ ಕಪ್, 2000ರ ಸಿಡ್ನಿ ಒಲಿಂಪಿಕ್ಸ್, 2003ರ ರಗ್ಬಿ ವಿಶ್ವ ಕಪ್ ಮೊದಲಾದ ಪಂದ್ಯಗಳನ್ನೂ ಏರ್ಪಡಿಸಿದೆ ಹಾಗೂ 2008ರ ರಗ್ಬಿ ಲೀಗ್ ವಿಶ್ವ ಕಪ್‌ನ ಅಂತಿಮ-ಪಂದ್ಯವನ್ನೂ ನಡೆಸಿಕೊಟ್ಟಿದೆ. 2005ರಲ್ಲಿ, ಆಗಿನ ಪ್ರಧಾನಿ ಪೀಟರ್ ಬಿಯಾಟ್ಟಿ 2024ರ ಒಲಿಂಪಿಕ್ ಗೇಮ್ಸ್ಅನ್ನು ಬ್ರಿಸ್ಬೇನ್‌ನಲ್ಲಿ ನಡೆಸಲು ಯೋಜನೆಗಳನ್ನು ಘೋಷಿಸಿದರು,^[೭೫] ಇದು 2008ರ ಆಗಸ್ಟ್‌ನಲ್ಲಿ ಕ್ವೀನ್ಸ್‌ಲ್ಯಾಂಡ್‌ ಪ್ರಧಾನಿ ಅನ್ನಾ ಬ್ಲಿಘ್ ಮತ್ತು ಬ್ರಿಸ್ಬೇನ್ ಲಾರ್ಡ್ ಮೇಯರ್ ಕ್ಯಾಂಪ್‌ಬೆಲ್ ನ್ಯೂಮ್ಯಾನ್‌ರ ಬೆಂಬಲದೊಂದಿಗೆ ಆಸ್ಟ್ರೇಲಿಯನ್ ಒಲಿಂಪಿಕ್ ಕಮಿಟಿಯ ಬೆಂಬಲವನ್ನೂ ಪಡೆಯಿತು.^[೭೬]

ಈ ನಗರದಲ್ಲಿರುವ ಪ್ರಮುಖ ಕ್ರೀಡಾ ಸ್ಥಳಗಳೆಂದರೆ ಬ್ರಿಸ್ಬೇನ್ ಕ್ರಿಕೆಟ್ ಮೈದಾನ, ಚಾಂದ್ಲರ್‌ನ ಸ್ಲೀಮ್ಯಾನ್ ಸೆಂಟರ್, ಸನ್‌ಕಾರ್ಪ್ ಕ್ರೀಡಾಂಗಣ, ಬ್ಯಾಲಿಮೋರ್ ಕ್ರೀಡಾಂಗಣ ಮತ್ತು ನ್ಯಾಥನ್‌ನಲ್ಲಿರುವ ಕ್ವೀನ್ಸ್‌ಲ್ಯಾಂಡ್‌ ಸ್ಪೋರ್ಟ್ ಆಂಡ್ ಅಥ್ಲೆಟಿಕ್ಸ್ ಸೆಂಟರ್ ಕ್ರೀಡಾಂಗಣ ಸೌಕರ್ಯಗಳು. 1994ರಲ್ಲಿ ಮಿಲ್ಟನ್ ಕ್ರೀಡಾಂಗಣವು ಮುಚ್ಚಿದ ನಂತರ ಬ್ರಿಸ್ಬೇನ್‌ನಲ್ಲಿ ಪ್ರಮುಖ ಟೆನ್ನಿಸ್ ಸೌಕರ್ಯಕ್ಕೆ ಕೊರತೆಯುಂಟಾಯಿತು. 2005ರಲ್ಲಿ, ರಾಜ್ಯ ಸರ್ಕಾರವು A$65 ದಶಲಕ್ಷದ ಒಂದು ಹೊಸ ಟೆನ್ನಿಸ್ ಕ್ರೀಡಾಂಗಣ ಸ್ಟೇಟ್ ಟೆನ್ನಿಸ್ ಸೆಂಟರ್ಅನ್ನು ಅಂಗೀಕರಿಸಿತು. ಇದರ ನಿರ್ಮಾಣ ಕಾರ್ಯವು 2008ರಲ್ಲಿ ಪೂರ್ಣಗೊಂಡಿತು. ಬ್ರಿಸ್ಬೇನ್ ಅಂತಾರಾಷ್ಟ್ರೀಯ ಟೆನ್ನಿಸ್ ಪಂದ್ಯವನ್ನು 2009ರ ಜನವರಿಯಿಂದ ಇಲ್ಲಿ ನಡೆಸಲಾಗುತ್ತಿದೆ.

ಬ್ರಿಸ್ಬೇನ್ ರಾಷ್ಟ್ರೀಯ ಬಾಸ್ಕೆಟ್‌ಬಾಲ್ ಲೀಗ್ಅನ್ನು ಹೊರತುಪಡಿಸಿ ಎಲ್ಲಾ ಪ್ರಮುಖ ಅಂತರರಾಜ್ಯ ಸ್ಪರ್ಧೆಗಳಲ್ಲಿ ಭಾಗವಹಿಸುವ ತಂಡಗಳನ್ನು ಹೊಂದಿದೆ.

ಬ್ರಿಸ್ಬೇನ್ 2020ರ ಒಲಿಂಪಿಕ್ ಗೇಮ್ಸ್ಅನ್ನು ಏರ್ಪಡಿಸಲು ತಯಾರಿ ನಡೆಸುತ್ತಿದೆ.

ಮಾಧ್ಯಮ

ಬ್ರಿಸ್ಬೇನ್‌ನಲ್ಲಿರುವ ಮುಖ್ಯ ಸಮಾಚಾರ ಪತ್ರಿಕೆಗಳೆಂದರೆ ದಿ ಕೊರಿಯರ್-ಮೇಲ್ ಮತ್ತು ದಿ ಸಂಡೆ ಮೇಲ್ , ಇವೆರಡರ ಮಾಲಿಕತ್ವವನ್ನೂ ನ್ಯೂಸ್ ಕಾರ್ಪೊರೇಶನ್ ಹೊಂದಿದೆ. ಫೇರ್‌ಫ್ಯಾಕ್ಸ್ ಪತ್ರಿಕೆಗಳಾದ ಆಸ್ಟ್ರೇಲಿಯನ್ ಫೈನಾನ್ಶಿಯಲ್ ರಿವ್ಯೂ , ಸಿಡ್ನಿ ಮಾರ್ನಿಂಗ್ ಹೆರಾಲ್ಡ್ ಮತ್ತು ದಿ ಏಜ್ ಹಾಗೂ ಫೇರ್‌ಫ್ಯಾಕ್ಸ್ ಜಾಲತಾಣ ಬ್ರಿಸ್ಬೇನ್ ಟೈಮ್ಸ್ ಒಂದಿಗೆ ಬ್ರಿಸ್ಬೇನ್ ರಾಷ್ಟ್ರಿಯ ದಿನಪತ್ರಿಕೆ ದಿ ಆಸ್ಟ್ರೇಲಿಯನ್ ಮತ್ತು ವೀಕೆಂಡ್ ಆಸ್ಟ್ರೇಲಿಯನ್ ಅನ್ನು ಪಡೆಯುತ್ತದೆ. ಮೆಟ್ರೋಪಾಲಿಟನ್ ಮತ್ತು ಪ್ರಾದೇಶಿಕ ಸ್ಥಳಗಳಾದ್ಯಂತ ಸಮುದಾಯ ಮತ್ತು ಉಪನಗರದ ಸುದ್ದಿಪತ್ರಿಕೆಗಳಿವೆ, ಅವುಗಳಲ್ಲಿ ಮುಖ್ಯವಾದವು ಬ್ರಿಸ್ಬೇನ್ ನ್ಯೂಸ್ ಮತ್ತು ಸಿಟಿ ನ್ಯೂಸ್ . ಅವುಗಳಲ್ಲಿ ಹೆಚ್ಚಿನವು ಕ್ವೆಸ್ಟ್ ಕಮ್ಯೂನಿಟಿ ನ್ಯೂಸ್‌ಪೇಪರ್ಸ್‌ನಿಂದ ಪ್ರಕಟಗೊಳ್ಳುತ್ತವೆ. ಉಚಿತ ದಿನಪತ್ರಿಕೆ mX ಮೆಲ್ಬರ್ನ್ ಮತ್ತು ಸಿಡ್ನಿಯಲ್ಲಿ ಯಶಸ್ವಿಯಾಗಿ ಪ್ರಕಟಗೊಂಡ ನಂತರ 2007ರಲ್ಲಿ ಈ ನಗರದಲ್ಲಿ ಬಿಡುಗಡೆಗೊಂಡಿತು.

ಬ್ರಿಸ್ಬೇನ್ ಆಸ್ಟ್ರೇಲಿಯಾದಲ್ಲಿರುವ ಮೌಂಟ್ ಕೂಟ್-ತಾದ ಅತ್ಯುನ್ನತ ಸ್ಥಾನದಿಂದ ಸುದ್ದಿ ಪ್ರಸಾರ ಮಾಡುವ ಎಲ್ಲಾ ಐದು ಪ್ರಮುಖ ದೂರದರ್ಶನ ಜಾಲಗಳಿಂದ ಸೇವೆಯನ್ನು ಪಡೆಯುತ್ತದೆ. ಮೂರು ವಾಣಿಜ್ಯ ಕೇಂದ್ರಗಳಾದ ಸೆವೆನ್, ನೈನ್ಮತ್ತು ಟೆನ್ ಎರಡು ಸರ್ಕಾರಿ ಜಾಲಗಳಾದ ABC ಮತ್ತು SBS ಒಂದಿಗೆ ಜತಗೂಡಿ, ಐದೂ ಡಿಜಿಟಲ್ ದೂರದರ್ಶನವನ್ನು ಒದಗಿಸುತ್ತಿವೆ. ABC1, ಸೆವೆನ್, ನೈನ್, ಟೆನ್ ಮತ್ತು SBS ಮೊದಲಾದವುಗಳಿಗೆ ಹೆಚ್ಚುವರಿಯಾಗಿ ಲಭ್ಯವಿರುವ ಹೊಸ ಡಿಜಿಟಲ್-ಮಾತ್ರ ಚಾನೆಲ್‌ಗಳೆಂದರೆ ಒನ್ HD, ಇಲೆವೆನ್, ABC2, ABC3, ABC ನ್ಯೂಸ್ 24, SBS ಟು, 7ಟು, 7ಮೇಟ್, GEM HD ಮತ್ತು GO!. ಒಂದು ಸಮುದಾಯ ಕೇಂದ್ರ 31 ಸಹ ಬ್ರಿಸ್ಬೇನ್‌ನಲ್ಲಿ ಸುದ್ದಿ ಪ್ರಸಾರ ಮಾಡುತ್ತದೆ. ಆಪ್ಟಸ್, ಫೋಕ್ಸ್‌ಟೆಲ್ ಮತ್ತು ಆಸ್ಟರ್ ಇವೆಲ್ಲವೂ ಬ್ರಿಸ್ಬೇನ್‌ನಲ್ಲಿ ಕೇಬಲ್ ಮತ್ತು ಉಪಗೃಹ ಮೂಲಕ ಪೇಟಿವಿ ಸೇವೆಗಳನ್ನು ಒದಗಿಸುತ್ತವೆ.

ABC ಅದರ ಎಲ್ಲಾ ಐದು ರೇಡಿಯೊ ಜಾಲಗಳನ್ನು ಬ್ರಿಸ್ಬೇನ್‌ಗೆ ಪ್ರಸಾರ ಮಾಡುತ್ತದೆ; 612 ABC ಬ್ರಿಸ್ಬೇನ್, ABC ಕ್ಲಾಸಿಕ್ FM, ABC ನ್ಯೂಸ್‌ರೇಡಿಯೊ, ರೇಡಿಯೊ ನ್ಯಾಷನಲ್ ಮತ್ತು ಟ್ರಿಪಲ್ ಜೆ. SBS ಅದರ ರಾಷ್ಟ್ರೀಯ ರೇಡಿಯೊ ಜಾಲವನ್ನು ಪ್ರಸಾರ ಮಾಡುತ್ತದೆ. ಬ್ರಿಸ್ಬೇನ್ ಪ್ರಮುಖ ವಾಣಿಜ್ಯ ರೇಡಿಯೊ ಕೇಂದ್ರಗಳಿಂದ ಸೇವೆಯನ್ನು ಪಡೆಯುತ್ತದೆ, ಅವುಗಳೆಂದರೆ 4KQ, 4BC, 4BH, 97.3 FM, B105 FM, ನೋವ 106.9 ಮತ್ತು ಟ್ರಿಪಲ್ M. ಬ್ರಿಸ್ಬೇನ್‌ನಲ್ಲಿ 96ಫೈವ್ ಫ್ಯಾಮಿಲಿ FM, 4MBS ಕ್ಲಾಸಿಕ್ FM 103.7, 4EB FM ಮತ್ತು 4ZZZ 102.1 ಮೊದಲಾದ ಪ್ರಮುಖ ಸಮುದಾಯ ರೇಡಿಯೊ ಕೇಂದ್ರಗಳು ಸೇವೆಯನ್ನು ಒದಗಿಸುತ್ತವೆ.

ಜನಪ್ರಿಯ ಸಂಸ್ಕೃತಿಯಲ್ಲಿ

HMAS ಬ್ರಿಸ್ಬೇನ್ ಹೆಸರಿನ ರಾಯಲ್ ಆಸ್ಟ್ರೇಲಿಯನ್ ನೇವಿಯ ಒಂದು ಹಡಗು-ತಾಣ ಮತ್ತು ಮೂರು ಹಡಗುಗಳಿಗೆ ಈ ನಗರದ ಹೆಸರನ್ನಿಡಲಾಗಿದೆ.

ಬ್ರಿಸ್ಬೇನ್ ಸಂಗೀತದಲ್ಲೂ ವೈಲಕ್ಷಣವನ್ನು ಹೊಂದಿದೆ, ಅವುಗಳೆಂದರೆ ದಿ ಸೇಂಟ್ಸ್ "ಬ್ರಿಸ್ಬೇನ್ (ಸೆಕ್ಯೂರಿಟಿ ಸಿಟಿ)" (1978); 1980ರ "ಲವ್ ಯು ಬ್ರಿಸ್ಬೇನ್" ಆವರ್ತಕ ಏಕಗೀತ; "ಫುಟ್‌ಪಾತ್ಸ್ ಆಫ್ ಬರ್ನ್ಸ್‌ವಿಕ್ ಸ್ಟ್ರೀಟ್" – ದಿ ನೇಟಿವ್ಸ್ ಆಫ್ ಬೆಡ್ಲ್ಯಾಮ್ (1993); ಪೌಡರ್‌ಫಿಂಗರ್‌ನ ಆಲ್ಬಂ "ವಲ್ಚರ್ ಸ್ಟ್ರೀಟ್" (2003) ಮತ್ತು ಜಾನ್ ಕೆನ್ನೆಡಿಯ "ಬ್ರಿಸ್ವೆಗಾಸ್" (2007).

ಬ್ರಿಸ್ ವೆಗಾಸ್

"ಬ್ರಿಸ್ ವೆಗಾಸ್" ಎಂಬುದು ಈ ನಗರಕ್ಕಿರುವ ಅಡ್ಡಹೆಸರಾಗಿದೆ. ಇದನ್ನು ಎಲ್ವಿಸ್ ಪ್ರಿಸ್ಲಿಯ ಗೌರವ ಕಾಣಿಕೆ CD^[೮೪] ಮತ್ತು ನಗರದ ಬೆಳೆಯುತ್ತಿರುವ ನೇರ ಸಂಗೀತ ರಂಗಮಂದಿರದಲ್ಲಿ ಉಲ್ಲೇಖಿಸಲಾಗಿದೆ.^[೮೫] ಇದನ್ನು ದಿ ಕೊರಿಯರ್ ಮೇಲ್‌ನ 1996ರ ಆವೃತ್ತಿಯ ಮುದ್ರಣದಲ್ಲಿ ಮೊದಲು ಬಳಸಲಾಗಿದೆಯೆಂದು ಹೇಳಲಾಗುತ್ತದೆ.^[೮೪] ಅಲ್ಲದೆ ಈ ಹೆಸರನ್ನು ಬ್ರಿಸ್ಬೇನ್‌ನಲ್ಲಿ ಟ್ರೆಜರಿ ಕ್ಯಾಸಿನೊವನ್ನು ಆರಂಭಿಸುವ ಸಂದರ್ಭದಲ್ಲಿ ಮತ್ತು ಬ್ರಿಸ್ಬೇನ್ ಬಾರ್‌ಗಳು ಮತ್ತು ಕ್ಲಬ್‌ಗಳಲ್ಲಿ ಪೋಕರ್ ಯಂತ್ರಗಳ ಸಾರ್ವಜನಿಕ ಪ್ರಸಾರಕ್ಕೆ ಬಳಸಲಾಯಿತು, ಇದು ಲಾಸ್ ವೆಗಾಸ್‌ನ ಜನಪ್ರಿಯ ಆಟಗಳಲ್ಲಿ ಒಂದಾಗಿದೆ. ಈ ಹೆಸರು ನಗರದ ರಾತ್ರಿ-ಜೀವನ,^[೮೬] ಹೆಚ್ಚು ಜನಸಂಖ್ಯೆಯಿರುವ ಆಸ್ಟ್ರೇಲಿಯಾದ ನಗರಗಳಿಗೆ^{[೮೭][೮೮]} ಮತ್ತು ಲಾಸ್ ವೆಗಾಸ್‌ಗೆ ಹೋಲಿಸಿದರೆ ಈ ನಗರದಲ್ಲಿದ್ದ ಆಧುನಿಕತೆಯ ಕೊರತೆ ಮತ್ತು ಸೆಂಟ್ರಲ್ ಬ್ಯುಸಿನೆಸ್ ಡಿಸ್ಟ್ರಿಕ್ಟ್‌ನ ಸಣ್ಣ ಗಾತ್ರದಿಂದ ಬಂದಿದೆ.^[೮೯]

ಆರೋಗ್ಯ

ಬ್ರಿಸ್ಬೇನ್ ಕ್ವೀನ್ಸ್‌ಲ್ಯಾಂಡ್‌ ಹೆಲ್ತ್‌ನ "ಉತ್ತರಭಾಗದ" ಮತ್ತು "ದಕ್ಷಿಣಭಾಗದ" ಆರೋಗ್ಯ ಸೇವಾ ಪ್ರದೇಶಗಳಿಂದ ಆವರಿಸಲ್ಪಟ್ಟಿದೆ.^[೯೦] ಗ್ರೇಟರ್ ಬ್ರಿಸ್ಬೇನ್ ಪ್ರದೇಶದಲ್ಲಿ 8 ಪ್ರಮುಖ ಸಾರ್ವಜನಿಕ ಆಸ್ಪತ್ರೆಗಳು, 4 ಮುಖ್ಯ ಖಾಸಗಿ ಆಸ್ಪತ್ರೆಗಳು ಹಾಗೂ ಸಣ್ಣ ಸಾರ್ವಜನಿಕ ಮತ್ತು ಖಾಸಗಿ ಸೌಕರ್ಯಗಳು ಇವೆ. ವಿಶೇಷ ತಜ್ಞರ ಮತ್ತು ಸಾಮಾನ್ಯ ವೈದ್ಯಕೀಯ ಕೇಂದ್ರಗಳು CBD ನಲ್ಲಿ ಹಾಗೂ ಹೆಚ್ಚಿನ ಉಪನಗರಗಳಲ್ಲಿ ಮತ್ತು ಸುತ್ತಮುತ್ತಲ ಪ್ರದೇಶಗಳಲ್ಲಿ ನೆಲೆಯಾಗಿವೆ. ಬ್ರಿಸ್ಬೇನ್‌ನಲ್ಲಿರುವ ಕೆಲವು ಖಾಸಗಿ ಆಸ್ಪತ್ರೆಗಳೆಂದರೆ ಗ್ರೀನ್‌ಸ್ಲೋಪ್ಸ್ ಖಾಸಗಿ ಆಸ್ಪತ್ರೆ, ರೆಡ್‌ಲ್ಯಾಂಡ್ಸ್ ಖಾಸಗಿ ಆಸ್ಪತ್ರೆ, ಮ್ಯಾಟರ್ ಖಾಸಗಿ ಆಸ್ಪತ್ರೆ, ಬ್ರಿಸ್ಬೇನ್ ಪ್ರೈವೇಟ್, ವೆಸ್ಲಿ ಮತ್ತು RBH ಪ್ರೈವೇಟ್.

ಸಾರಿಗೆ

ಬ್ರಿಸ್ಬೇನ್ ನಗರದೊಳಗೆ ವ್ಯಾಪಕ ಸಾರಿಗೆ ಜಾಲವನ್ನು ಮಾತ್ರವಲ್ಲದೆ ಪ್ರಾದೇಶಿಕ ಕೇಂದ್ರಗಳು, ಅಂತರರಾಜ್ಯ ಮತ್ತು ವಿದೇಶಿ ತಾಣಗಳಿಗೆ ಸಂಪರ್ಕಗಳನ್ನು ಹೊಂದಿದೆ. ನಗರದ ಸಾರ್ವಜನಿಕ ಸಾರಿಗೆಯು ಈಗಲೂ ಒಂದು ಸಣ್ಣ ಸಾರಿಗೆ-ಸಾಧನವಾಗಿದೆ, ಹೆಚ್ಚಿನವರು ಖಾಸಗಿ ಕಾರುಗಳಿಂದ ಪ್ರಯಾಣಿಸುತ್ತಾರೆ.^[೯೧]

ಸಾರ್ವಜನಿಕ ಸಾರಿಗೆಯನ್ನು ಬಸ್, ರೈಲು ಮತ್ತು ಫೆರ್ರಿ ಸೇವೆಗಳಿಂದ ಒದಗಿಸಲಾಗುತ್ತದೆ. ಬಸ್ ಸೇವೆಗಳನ್ನು ಸಾರ್ವಜನಿಕ ಮತ್ತು ಖಾಸಗಿ ನಿರ್ವಾಹಕರು ಒದಗಿಸುತ್ತಾರೆ, ಅದೇ ರೈಲು ಮತ್ತು ಫೆರ್ರಿಗಳನ್ನು ಸಾರ್ವಜನಿಕ ಏಜೆನ್ಸಿಗಳು ನಿರ್ವಹಿಸುತ್ತವೆ. ಬ್ರಿಸ್ಬೇನ್ ಸೆಂಟ್ರಲ್ ಬ್ಯುಸಿನೆಸ್ ಡಿಸ್ಟ್ರಿಕ್ಟ್ (CBD) ಕ್ವೀನ್ ಸ್ಟ್ರೀಟ್ ಬಸ್ ನಿಲ್ದಾಣ, ರೋಮಾ ಸ್ಟ್ರೀಟ್ ಮತ್ತು ಕೇಂದ್ರ ರೈಲು ನಿಲ್ದಾಣಗಳು ಹಾಗೂ ವಿವಿಧ ನಗರದ ಫೆರ್ರಿ ಕಟ್ಟೆಗಳನ್ನು ಕೇಂದ್ರೀಕರಿಸಿದ ಸೇವೆಗಳೊಂದಿಗೆ ಎಲ್ಲಾ ಸಾರ್ವಜನಿಕ ಸಾರಿಗೆ ಸೇವೆಗಳ ಕೇಂದ್ರವಾಗಿದೆ. ಪ್ರವಾಸಿಗರು ಮತ್ತು ನಿತ್ಯ-ಪ್ರಯಾಣಿಕರಿಗೆ ಪ್ರಸಿದ್ಧವಾದ ಬ್ರಿಸ್ಬೇನ್‌ನ ಸಿಟಿಕ್ಯಾಟ್ ಹೆಚ್ಚು ವೇಗದ ಫೆರ್ರಿ ಸೇವೆಯು ಕ್ವೀನ್ಸ್‌ಲ್ಯಾಂಡ್‌ ವಿಶ್ವವಿದ್ಯಾನಿಲಯ ಮತ್ತು ಅಪೋಲೊ ರಸ್ತೆಯ ಮಧ್ಯೆ ಬ್ರಿಸ್ಬೇನ್ ನದಿಯಾದ್ಯಂತ ಸೇವೆಯನ್ನು ಒದಗಿಸುತ್ತದೆ.

ಸಿಟಿಟ್ರೈನ್ ನಗರದ ರೈಲು ಜಾಲವು 10 ಉಪನಗರದ ರೈಲುಮಾರ್ಗಗಳನ್ನು ಒಳಗೊಂಡಿದೆ ಹಾಗೂ ಇದು ನಗರದ ಪಶ್ಚಿಮ, ಉತ್ತರ ಮತ್ತು ಪೂರ್ವದ ಭಾಗಗಳನ್ನು ಆವರಿಸುತ್ತದೆ. ಇದು ನಗರ ಮತ್ತು ಬ್ರಿಸ್ಬೇನ್ ವಿಮಾನನಿಲ್ದಾಣದ ಮಧ್ಯೆ ಜಂಟಿ ಸಾರ್ವಜನಿಕ/ಖಾಸಗಿ ನಿಯಂತ್ರಣದಡಿಯಲ್ಲಿ ಏರ್‌ಟ್ರೈನ್ ಸೇವೆಗೂ ಮಾರ್ಗವನ್ನು ಒದಗಿಸುತ್ತದೆ. 2000ರಿಂದ ಬ್ರಿಸ್ಬೇನ್ ವೇಗದ ಬಸ್ ಸೇವೆಗಳನ್ನು ಒದಗಿಸಲು ಸೌತ್ ಈಸ್ಟ್ ಬಸ್‌-ಮಾರ್ಗ ಮತ್ತು ಇನ್ನರ್ ನಾರ್ದರ್ನ್ ಬಸ್‌-ಮಾರ್ಗವನ್ನೂ ಒಳಗೊಂಡಂತೆ ಬಸ್-ಮಾರ್ಗಗಳ ಜಾಲವೊಂದನ್ನು ಅಭಿವೃದ್ಧಿಪಡಿಸುತ್ತಿದೆ. ಟ್ರಾನ್ಸ್‌ಲಿಂಕ್ ಸಾರ್ವಜನಿಕ ಸಾರಿಗೆ-ಸಂಪರ್ಕ ಜಾಲದಾದ್ಯಂತ ಒಂದು ಸಮಗ್ರ ಟಿಕೇಟ್ ಕೊಡುವ ವ್ಯವಸ್ಥೆಯನ್ನು ಹೊಂದಿದೆ.

ಬ್ರಿಸ್ಬೇನ್ ನದಿಯು ಕೆಲವು ರಸ್ತೆ ಸಾರಿಗೆ ಮಾರ್ಗಗಳಿಗೆ ತಡೆಯನ್ನು ಉಂಟುಮಾಡಿದೆ. ಇಲ್ಲಿ ಒಟ್ಟು ಹತ್ತು ರಸ್ತೆ-ಸೇತುವೆಗಳಿವೆ, ಹೆಚ್ಚಿನವು ನಗರದ ಒಳಗಿನ ಪ್ರದೇಶದಲ್ಲಿ ಕೇಂದ್ರೀಕೃತವಾಗಿವೆ. ಇದು ಸಾರಿಗೆ ಮಾರ್ಗಗಳು ಒಳಗಿನ ನಗರವನ್ನು ಹೆಚ್ಚು ಕೇಂದ್ರೀಕರಿಸುವಂತೆ ಮಾಡಿದೆ. ಇಲ್ಲಿ ಮೂರು ರೈಲು ಸೇತುವೆಗಳು ಮತ್ತು ಎರಡು ಕಾಲ್ನಡಿಗೆಯ ಸೇತುವೆಗಳೂ ಇವೆ. ಕ್ವೀನ್ಸ್‌ಲ್ಯಾಂಡ್‌ ವಿಶ್ವವಿದ್ಯಾನಿಲಯ ಮತ್ತು ಡುಟ್ಟನ್ ಉದ್ಯಾನದ ಮಧ್ಯೆಯಿರುವ ಎಲೀನರ್ ಸ್ಕೊನೆಲ್ ಸೇತುವೆಯನ್ನು (ಇದನ್ನು ಮೂಲತಃ ಗ್ರೀನ್ ಸೇತುವೆಯೆಂದು ಕರೆಯಲಾಗುತ್ತಿತ್ತು ಮತ್ತು ಈಗಲೂ ಸಾಮಾನ್ಯವಾಗಿ ಹೀಗೆಂದು ಕರೆಯಲಾಗುತ್ತದೆ) ಬಸ್‌ಗಳು, ಪಾದಚಾರಿಗಳು ಮತ್ತು ದ್ವಿಚಕ್ರ-ವಾಹನ ಸವಾರರು ಬಳಸುತ್ತಾರೆ. ಪ್ರಸ್ತುತ ಟ್ರಾನ್ಸ್ಅಪೆಕ್ಸ್ ಯೋಜನೆಯ ಭಾಗವಾಗಿ ಹಲವಾರು ಸುರಂಗ-ಮಾರ್ಗ ಮತ್ತು ಸೇತುವೆ ಯೋಜನೆಗಳು ಪ್ರಗತಿಯಲ್ಲಿವೆ.

ಬ್ರಿಸ್ಬೇನ್ ನದಿಯಾದ್ಯಂತ ಪಾದಚಾರಿ ಮತ್ತು ದ್ವಿಚಕ್ರ-ವಾಹನ ಮಾರ್ಗಗಳ ವ್ಯಾಪಕ ಜಾಲವೊಂದನ್ನು ಸೃಷ್ಟಿಸುವ ಮೂಲಕ ಒಂದು ರಿವರ್‌ವಾಕ್ ಜಾಲವನ್ನು ರೂಪಿಸಲಾಗಿದೆ.^[೯೨]

ಬ್ರಿಸ್ಬೇನ್‌ನಲ್ಲಿ ಹಲವಾರು ನಗರದ ಮತ್ತು ಅಂತರ-ನಗರದ ಮೋಟಾರು-ಮಾರ್ಗಗಳನ್ನು ಹೊಂದಿದೆ. ಪೆಸಿಫಿಕ್ ಮೋಟಾರು-ಮಾರ್ಗವು ಕೇಂದ್ರ ನಗರವನ್ನು ದಕ್ಷಿಣದಲ್ಲಿ ಗೋಲ್ಡ್ ಕೋಸ್ಟ್‌ಗೆ ಸಂಪರ್ಕಿಸುತ್ತದೆ. ಇಪ್ಸ್‌ವಿಚ್ ಮೋಟಾರು-ಮಾರ್ಗವು ಈ ನಗರವನ್ನು ದಕ್ಷಿಣದ ಉಪನಗರಗಳ ಮೂಲಕ ಪಶ್ಚಿಮದಲ್ಲಿ ಇಪ್ಸ್‌ವಿಚ್ ಒಂದಿಗೆ ಸಂಪರ್ಕಿಸುತ್ತದೆ. ಪಶ್ಚಿಮದ ಮುಕ್ತಮಾರ್ಗ ಮತ್ತು ಸೆಂಟೆನರಿ ಮೋಟಾರು-ಮಾರ್ಗವು ಬ್ರಿಸ್ಬೇನ್‌ನ ಒಳಗಿನ-ಪಶ್ಚಿಮ ಭಾಗ ಮತ್ತು ಹೊರಗಿನ-ನೈಋತ್ಯ ಭಾಗದ ನಡುವೆ ಸಂಬಂಧ ಕಲ್ಪಿಸುತ್ತದೆ, ಆ ಮೂಲಕ ಬ್ರಿಸ್ಬೇನ್ ನದಿಯ ದಕ್ಷಿಣದಲ್ಲಿ ಇಪ್ಸ್‌ವಿಚ್ ಮೋಟಾರು-ಮಾರ್ಗದೊಂದಿಗೆ ಸಂಪರ್ಕಿಸುತ್ತದೆ. ಬ್ರೂಸ್ ಹೆದ್ದಾರಿಯು ಬ್ರಿಸ್ಬೇನ್‌ನ ಮುಖ್ಯ ಮಾರ್ಗವಾಗಿದೆ, ಇದು ಈ ನಗರದ ಉತ್ತರದಿಂದ ರಾಜ್ಯದ ಉಳಿದ ಭಾಗಕ್ಕೆ ಸಂಪರ್ಕಿಸುತ್ತದೆ. ಬ್ರೂಸ್ ಹೆದ್ದಾರಿಯು ಕೈರ್ನ್ಸ್‌ನಲ್ಲಿ 1,700 km (1,056 mi) ನಷ್ಟು ದೂರದಲ್ಲಿ ಕೊನೆಗೊಳ್ಳುತ್ತದೆ ಮತ್ತು ಕ್ವೀನ್ಸ್‌ಲ್ಯಾಂಡ್‌ ಕರಾವಳಿಯಾದ್ಯಂತ ಹೆಚ್ಚಿನ ಪ್ರಮುಖ ನಗರಗಳ ಮೂಲಕ ಹಾದುಹೋಗುತ್ತದೆ. ಗೇಟ್‌ವೇ ಮೋಟಾರು-ಮಾರ್ಗವು ಒಂದು ಖಾಸಗಿ ಸುಂಕದ ರಸ್ತೆಯಾಗಿದೆ, ಇದು ಬ್ರಿಸ್ಬೇನ್‌ನ ಒಳಗಿನ ನಗರ ಪ್ರದೇಶವನ್ನು ತಪ್ಪಿಸಿ ಗೇಟ್‌ವೇ ಸೇತುವೆಯ ಮೂಲಕ ಒಂದು ಪರ್ಯಾಯ ಮಾರ್ಗವನ್ನು ಒದಗಿಸುವ ಮೂಲಕ ಗೋಲ್ಡ್ ಕೋಸ್ಟ್ ಮತ್ತು ಸನ್‌ಶೈನ್ ಕೋಸ್ಟ್‌ಗಳನ್ನು ಸಂಪರ್ಕಿಸುತ್ತದೆ. ಬ್ರಿಸ್ಬೇನ್ ಮೋಟಾರು-ಮಾರ್ಗದ ಬಂದರು ಗೇಟ್‌ವೇಯನ್ನು ಬ್ರಿಸ್ಬೇನ್‌ನ ಬಂದರಿಗೆ ಸಂಪರ್ಕಿಸುತ್ತದೆ. ನಗರದ ಒಳಗಿನ ಉಪಮಾರ್ಗ ಮತ್ತು ನದಿಯ ಬದಿಯ ಎಕ್ಸ್‌ಪ್ರೆಸ್-ಮಾರ್ಗಗಳು ಮೋಟಾರು-ಸವಾರರು ನಗರದ ಕಿಕ್ಕಿರಿದ ಕೇಂದ್ರದ ಮೂಲಕ ಸಾಗದಂತೆ ತಡೆಗಟ್ಟಲು ಒಳಗಿನ ವರ್ತುಲ ಮುಕ್ತಮಾರ್ಗವಾಗಿ ಕಾರ್ಯನಿರ್ವಹಿಸುತ್ತವೆ.^[೯೩]

ಬ್ರಿಸ್ಬೇನ್‌ನ ಜನಸಂಖ್ಯೆ ಹೆಚ್ಚಳವು ಆಗ್ನೇಯ ಕ್ವೀನ್ಸ್‌ಲ್ಯಾಂಡ್‌‌ನ ಸಾರಿಗೆ ವ್ಯವಸ್ಥೆಯ ಮೇಲೆ ಹೆಚ್ಚಿನ ಒತ್ತಡವನ್ನು ಹೇರಿದೆ. ರಾಜ್ಯ ಸರ್ಕಾರ ಮತ್ತು ಬ್ರಿಸ್ಬೇನ್ ನಗರ ಮಂಡಳಿಯು ಮೂಲಭೂತ ಸೌಕರ್ಯಗಳ ಯೋಜನೆಗಳನ್ನು ಆರಂಭಿಸಿವೆ ಮತ್ತು ಸಾರಿಗೆ ಯೋಜನೆಗಳಿಗೆ ಹೆಚ್ಚಿನ ಹಣವನ್ನು ಒದಗಿಸಿವೆ, ಉದಾ, ಆಗ್ನೇಯ ಕ್ವೀನ್ಸ್‌ಲ್ಯಾಂಡ್‌ ಮೂಲಭೂತ ಸೌಕರ್ಯ ಯೋಜನೆ. ಪ್ರಸ್ತುತದ ಮಾರ್ಗದ ಮೂಲಸೌಕರ್ಯಗಳನ್ನು, ವಿಶೇಷವಾಗಿ ಸುರಂಗ ಮಾರ್ಗಗಳು ಮತ್ತು ಉಪಮಾರ್ಗಗಳು, ವಿಸ್ತರಿಸುವ ಬಗ್ಗೆ ಮತ್ತು ಸಾರ್ವಜನಿಕ ಸಾರಿಗೆ ವ್ಯವಸ್ಥೆಯನ್ನು ಸುಧಾರಿಸುವ ಬಗ್ಗೆ ಹೆಚ್ಚಿನ ಗಮನವನ್ನು ವಹಿಸಲಾಗಿದೆ.

ಬ್ರಿಸ್ಬೇನ್ ವಿಮಾನನಿಲ್ದಾಣವು (IATA ಕೋಡ್: BNE ) ಈ ನಗರದ ಮುಖ್ಯ ವಿಮಾನನಿಲ್ದಾಣವಾಗಿದೆ, ಸಿಡ್ನಿ ವಿಮಾನನಿಲ್ದಾಣ ಮತ್ತು ಮೆಲ್ಬರ್ನ್ ವಿಮಾನನಿಲ್ದಾಣದ ನಂತರ ಇದು ಆಸ್ಟ್ರೇಲಿಯಾದಲ್ಲೇ ಮೂರನೇ ಅತಿ ಹೆಚ್ಚು ನಿರತವಾಗಿರುವ ವಿಮಾನನಿಲ್ದಾಣವಾಗಿದೆ. ಇದು ನಗರ-ಕೇಂದ್ರದ ಈಶಾನ್ಯ ಭಾಗದಲ್ಲಿದೆ ಹಾಗೂ ಇದು ದೇಶೀಯ ಮತ್ತು ಅಂತಾರಾಷ್ಟ್ರೀಯ ಪ್ರಯಾಣಿಕರಿಗೆ ಸೇವೆಗಳನ್ನು ಒದಗಿಸುತ್ತದೆ. 2008–2009 ವರ್ಷದಲ್ಲಿ, ಬ್ರಿಸ್ಬೇನ್ ವಿಮಾನನಿಲ್ದಾಣವು ಸುಮಾರು 18.5 ದಶಲಕ್ಷ ಪ್ರಯಾಣಿಕರನ್ನು ನಿರ್ವಹಿಸಿದೆ. ಆ ವಿಮಾನನಿಲ್ದಾಣದಿಂದ ಮತ್ತು ಅಲ್ಲಿಗೆ ಬ್ರಿಸ್ಬೇನ್‌ನ ನಗರ ಕೇಂದ್ರದಿಂದ ರೈಲು ಸೇವೆಯನ್ನು ಒದಗಿಸುವ ಬ್ರಿಸ್ಬೇನ್ ಏರ್‌ಟ್ರೈನ್‌ನಿಂದ ಈ ವಿಮಾನನಿಲ್ದಾಣವು ಸೇವಾ-ಸೌಲಭ್ಯವನ್ನು ಪಡೆದಿದೆ. ಆರ್ಚರ್‌ಫೀಲ್ಡ್ ವಿಮಾನನಿಲ್ದಾಣವು (ಬ್ರಿಸ್ಬೇನ್‌ನ ದಕ್ಷಿಣದ ಉಪನಗರಗಳಲ್ಲಿ) ಒಂದು ಸಾರ್ವದೇಶಿಕ ಯುದ್ಧ ವಿಮಾನನಿಲ್ದಾಣವಾಗಿ ಕಾರ್ಯನಿರ್ವಹಿಸುತ್ತದೆ.

ನಿತ್ಯೋಪಯೋಗಿ ಸೇವೆಗಳು

ಬ್ರಿಸ್ಬೇನ್‌ನಲ್ಲಿ ನೀರಿನ ಸಂಗ್ರಹ, ಶುದ್ಧೀಕರಣ ಮತ್ತು ಸರಬರಾಜಿನ ಕಾರ್ಯವನ್ನು SEQ ವಾಟರ್ ನಿರ್ವಹಿಸುತ್ತದೆ, ಇದು ಗ್ರೇಟರ್ ಬ್ರಿಸ್ಬೇನ್ ಪ್ರದೇಶಕ್ಕೆ ನೀರು ಸರಬರಾಜು ಮಾಡಲು ಕ್ವೀನ್ಸ್‌ಲ್ಯಾಂಡ್‌ ಅರ್ಬನ್ ಯುಟಿಲಿಟೀಸ್‌ಗೆ (ಹಿಂದಿನ ಬ್ರಿಸ್ಬೇನ್ ವಾಟರ್) ನೀರನ್ನು ವಿಕ್ರಯಿಸುತ್ತದೆ. ಆ ಪ್ರದೇಶಕ್ಕೆ ಸರಬರಾಜು ಮಾಡುವ ನೀರನ್ನು ಮೂರು ಅಣೆಕಟ್ಟುಗಳಲ್ಲಿ ಸಂಗ್ರಹಿಸಿಡಲಾಗುತ್ತದೆ; ವಿವನ್ಹೋಯ್, ಸೋಮರ್ಸೆಟ್ ಮತ್ತು ನಾರ್ತ್ ಪೈನ್. 2005ರ ಮೇ 13ರಿಂದ, ಬ್ರಿಸ್ಬೇನ್ ಕ್ಷಾಮದಿಂದಾಗಿ ನೀರಿನ ಪರಿಮಿತಿಗಳನ್ನು ಎದುರಿಸಿತು.^[೯೪] ಇದರಿಂದಾಗಿ ರಾಜ್ಯ ಸರ್ಕಾರವು, 2009ರಲ್ಲಿ ಒಮ್ಮೆ ಕೊಳವೆ-ಮಾರ್ಗವು ಪೂರ್ಣಗೊಂಡ ನಂತರ ಶುದ್ಧೀಕರಿಸಿ ಪುನರ್‌ಬಳಕೆಗೆ ಯೋಗ್ಯವಾಗಿಸಿದ ನೀರನ್ನು ಈ ಅಣೆಕಟ್ಟುಗಳಿಗೆ ಪಂಪ್ ಮಾಡಲಾಗುತ್ತದೆಂದು ಘೋಷಿಸಿತು.^[೯೫]

ಬ್ರಿಸ್ಬೇನ್‌ನಲ್ಲಿ ವಿದ್ಯುತ್ ಪೂರೈಕೆ ಮತ್ತು ಅನಿಲ ಸರಬರಾಜು ಮಾಡುವ ಕೊಳವೆಗಳ ವ್ಯವಸ್ಥೆಯನ್ನು ಎನರ್ಜೆಕ್ಸ್ (ವಿದ್ಯುಚ್ಛಕ್ತಿ) ಮತ್ತು ಒರಿಜಿನ್ ಎನರ್ಜಿ (ಅನಿಲ) ನಿರ್ವಹಿಸುತ್ತವೆ, ಈ ಕಂಪನಿಗಳು ಹಿಂದೆ ದೇಶೀಯ ಚಿಲ್ಲರೆ ಪೂರೈಕೆಯಲ್ಲಿ ಏಕಸ್ವಾಮ್ಯವನ್ನು ಹೊಂದಿದ್ದವು. 2007ರ ಜುಲೈ 1ರಿಂದ ಕ್ವೀನ್ಸ್‌ಲ್ಯಾಂಡ್‌ ನಿಯಂತ್ರಣ ಬದಲಾವಣೆಗಳು ಚಿಲ್ಲರೆ ಇಂಧನ ಮಾರುಕಟ್ಟೆಯನ್ನು ತೆರೆದವು, ಇದು ವಿವಿಧ ಕಂಪನಿಗಳಿಗೆ ಅನಿಲ ಮತ್ತು ವಿದ್ಯುತ್ ಎರಡನ್ನೂ ಮರುಮಾರಾಟ ಮಾಡಲು ಅನುಮತಿಸಿತು.^[೯೬]

ಮೆಟ್ರೋಪಾಲಿಟನ್ ಬ್ರಿಸ್ಬೇನ್ ಎಲ್ಲಾ ಪ್ರಮುಖ ಮತ್ತು ಅಮುಖ್ಯ ದೂರಸಂಪರ್ಕ ವ್ಯವಸ್ಥೆ ಕಂಪನಿಗಳು ಮತ್ತು ಅವುಗಳ ಜಾಲಗಳಿಂದ ಸೇವೆಯನ್ನು ಪಡೆಯುತ್ತದೆ. ಬ್ರಿಸ್ಬೇನ್ ಕ್ವೀನ್ಸ್‌ಲ್ಯಾಂಡ್‌‌ನಲ್ಲೇ ಅತ್ಯಂತ ಅಧಿಕ ಸಂಖ್ಯೆಯ ಸಕ್ರಿಯಗೊಳಿಸಿದ DSL ದೂರವಾಣಿ ವಿನಿಮಯ ಕೇಂದ್ರಗಳನ್ನು ಹೊಂದಿದೆ. ಹೆಚ್ಚುತ್ತಿರುವ ದೂರವಾಣಿ ವಿನಿಮಯ ಕೇಂದ್ರಗಳನ್ನು, ಹೆಚ್ಚು ವೇಗದ ADSL2+ ಅಂತರ್ಜಾಲ ಪ್ರವೇಶವನ್ನು ಕ್ರಿಯಾತ್ಮಕಗೊಳಿಸುವ ವಿಶೇಷ ಹಾರ್ಡ್‌ವೇರ್ (DSLAM) ಒಂದಿಗೂ ಸಕ್ರಿಯಗೊಳಿಸಲಾಗಿದೆ. ಬ್ರಿಸ್ಬೇನ್ CBD ಒಳಗಿನ ಉಪನಗರಗಳಿಗೆ ವಿವಿಧ ಸೇವಾ ಪೂರೈಕೆದಾರರು ಒದಗಿಸಿದ ಅಸಂಖ್ಯಾತ ಸಂಪರ್ಕಗಳೊಂದಿಗೆ ಒಂದು ಸಂಪೂರ್ಣ ನೆಲದಡಿಯ ಫೈಬರ್ ಆಪ್ಟಿಕ್ಸ್ ಜಾಲವನ್ನೂ ಒಳಗೊಂಡಿದೆ.

ಟೆಲ್‌ಸ್ಟ್ರಾ ಮತ್ತು ಆಪ್ಟಸ್ ಅವುಗಳ ಕೇಬಲ್ ಸೇವೆಗಳ ಮೂಲಕ ನಗರದ ಮೆಟ್ರೋಪಾಲಿಟನ್ ಪ್ರದೇಶದ ಹೆಚ್ಚಿನ ಭಾಗಕ್ಕೆ ಅಧಿಕ ವೇಗದ ಅಂತರ್ಜಾಲ ಮತ್ತು ಪೇ ಟಿವಿಯನ್ನು ಒದಗಿಸುತ್ತವೆ. ಈ ಎರಡೂ ಪೂರೈಕೆದಾರ ಕಂಪನಿಗಳು ಒಳಗಿನ ಮತ್ತು ಉಪನಗರದ ಪ್ರದೇಶಗಳಲ್ಲಿ ಹಾಟ್‌ಸ್ಪಾಟ್‌ಗಳೊಂದಿಗೆ ತಂತಿರಹಿತ ಜಾಲಗಳನ್ನೂ ಹೊಂದಿದೆ. ಇದಕ್ಕೆ ಹೆಚ್ಚುವರಿಯಾಗಿ, 3 ಮೊಬೈಲ್, ಟೆಲ್‌ಸ್ಟ್ರಾ, ಆಪ್ಟಸ್ ಮತ್ತು ವೊಡಾಫೋನ್ ಮೊದಲಾದವು ನಗರದಾದ್ಯಂತ 2.5G, 3G ಮತ್ತು 3.5G ಮೊಬೈಲ್ ಜಾಲಗಳನ್ನು ನಿರ್ವಹಿಸುತ್ತವೆ.^[೯೭]

Page ಮಾಡ್ಯೂಲ್:Portal/styles.css has no content.

• ಬ್ರಿಸ್ಬೇನ್-ಸಂಬಂಧಿತ ಲೇಖನಗಳು
• ಆಗ್ನೇಯ ಕ್ವೀನ್ಸ್‌ಲ್ಯಾಂಡ್‌

• 
  ವಿಕ್ಟೋರಿಯಾ ಸೇತುವೆಯಿಂದ ಬ್ರಿಸ್ಬೇನ್ ನದಿಯ ನೋಟ.
• 
  ಬ್ರಿಸ್ಬೇನ್‌ನ ರಾತ್ರಿ ಸಮಯದ ನೋಟ.
• 
  ವಿಲಿಯಂ ಜೋಲಿ ಸೇತುವೆ.
• 
  ವಿಕ್ಟೋರಿಯಾ ಸೇತುವೆಯಿಂದ ಬ್ರಿಸ್ಬೇನ್‌ನ ನೋಟ.

Find more about Brisbane at Wikipedia's sister projects
	Definitions and translations from Wiktionary
	Media from Commons
	Learning resources from Wikiversity
	Quotations from Wikiquote
	Source texts from Wikisource
	Textbooks from Wikibooks

• ವಿಕಿಟ್ರಾವೆಲ್ ನಲ್ಲಿ ಬ್ರಿಸ್ಬೇನ್‌ ಪ್ರವಾಸ ಕೈಪಿಡಿ (ಆಂಗ್ಲ)
• BRISbites: ಸಬರ್ಬನ್ ಸೈಟ್ಸ್ (ಹಿಸ್ಟರಿ)
• ಅವರ್ ಬ್ರಿಸ್ಬೇನ್ – ಕೌನ್ಸಿಲ್ ಅಡ್ಮಿನಿಸ್ಟರ್ಡ್ ಇನ್ಫರ್ಮೇಶನ್ ಸೈಟ್
• ಸಿಟಿ ಆಫ್ ಬ್ರಿಸ್ಬೇನ್
• ಬ್ರಿಸ್ಬೇನ್ ಸ್ಟ್ರೀಟ್ ಮ್ಯಾಪ್
• ಅಫೀಶಿಯಲ್ ಟೂರಿಸಮ್ ವೆಬ್‌ಸೈಟ್ ಆಫ್ ಬ್ರಿಸ್ಬೇನ್