Mare Barentsianum
Mare Barentsianum[1] sive Barentsii[2] (Norvegice Barentshavet; Russice Баренцево море, tr. Barencevo more) est mare Oceani Arctici. Aream 1424 milia chm² et profunditatem mediocrem 222 metra, maximam ad 600 metra habet. Mare totum in planitie litorali iacet.
.jpg)
Nomen
Nomen suum hodiernum anno 1853 in honorem Gulielmi Barentsii, exploratoris Batavici, accepit. Olim Murmanicum nominabatur[3], et Norvegicum, et Petschoricum.
Situs
Inter litora Europae septentrionalis (Norvegiae et Russiae) et archipelagos Spitsbergicum (possessionem Norvegicam), Terram Francisci Iosephi, atque Novam Zemblam (possessiones Russicas) situm est. Paeninsula Kolaensis (Sanctus Nasus) et Caninos promunturium mare Barentsianum a mari Albo separant. Vaigatia insula et Nova Zembla inter mare Barentsianum et mare Karense iacent. Fretum Iugricum (inter Vaigatiam et paeninsulam Iugricam) et fretum Pylae Karicae (inter Vaigatiam et Novam Zemblam) cum mari Karensi mare Barenstianum coniungunt. Mari Norvegico adiacet; Rubeae promunturio maria divisa esse habentur.
Res geographicae
Calguevia et Kildinum insulae in parte australi maris maximae sunt. Sinus Varangicus, sinus Kolaensis aliique sunt maris Barentsiani sinus vel fiorda in paeninsula Kolaensi sita. Ibi et Paeninsula Piscatorum continenti isthmo tenuissimo adiuncta in mare eminet. Pars maris Barentsiani austroorientalis, ab insula Calguevia ad Vaigatiam, saepe mare Petschoricum[4] nuncupatur.
Flumina maxima quae in mare effunduntur sunt Petschora et Indiga in parte orientali necnon Kola, Tuloma, Pečenga paeninsulae Kolaensis.
Portus principales sunt Romana Russiae et Varangria Norvegiae (ubi et Berlevåg et Wardhusia nominandi sunt). Portus vetustissimus Kola fuit. Ripae Albae portus marinus Amdermae situs est.
Notae
Nexus externi
 | Situs geographici et historici: Locus: 75°0′0″N 40°0′0″E • OpenStreetMap • GeoNames • Thesaurus Getty • Store norske Lexikon |
 | Vicimedia Communia plura habent quae ad mare Barentsianum spectant. |
