Svalbardum
Svalbardum, scilicet "frigidum litus"[1][2] est series insularum Norvegicarum in oceano Arctico inter continentem Europaeam et polum arcticum sita. Insulae inter 74 et 81 gradus latitudinis borealis et 74 et 81 gradus longitudinis orientalis. Mare Barentsianum litora Svalbardi orientalia et mare Groenlandiae occidentalia alluit.
SvalbardumCivitas: Norvegia
Locus: 78°9′25″N 15°51′51″E
Fines
Forma
Caput: Longyearbyen
Gestio
Praefectus: Kjerstin Askholt
Vita
Tabula aut despectus
Archipelagus
Tres sunt insulae Svalbardi maximae:
- Spitzberga,
- Terra Boreorientalis (Nordaustlandet)
- insula Edge (Edgeøya).
Septem sunt minores:
- Insula Barentsii
- Insula Alba (Kvitøya).
- Insula Caroli principis
- Insula Regis
- Insula Ursina
- Insula Suecorum
- Insula Guilielmi
Et permultae insulae minimae et saxa maritima in archipelago sunt.
Res hodiernae
Svalbard, nullius comitatus Norvegici pars, est area non incorporata ac dearmata quae a gubernatore a re publica Norvegica constituto administratur. Ab anno 2002 Longyearbyen, oppidum principale, suam rectionem habuit, municipiiis continentis similarem. Ibi sub monte reconditur Thesaurus seminarius mundanus Svalbardensis anno 2006 inceptus. Inter alias habitationes sunt Barentsburg, communitas Russica carbonis fossorum; Ny-Ålesund, statio investigationis scientificae; ac Sveagruva, alia statio carbonis fossorum. Svalbard est regio maxime ad septentrionem sita, cui sunt incolae perpetui.
Notae
Nexus externi
| | Situs geographici et historici: Locus: 78°9′25″N 15°51′51″E • OpenStreetMap • GeoNames • Thesaurus Getty • Store norske Lexikon • Большая российская энциклопедия |
