Americium

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Americium is e sjemisch element mit es symbool Am en 't atoeamnómmer 95. 't Is 'n zilverwitte aktinied.

Toepassinge

Americium is redelik einveljig in groeate wieväölheje te perduceren en wuuertj daoveur betrèkkelik dök veur industrieel en hoesheljelike toepassinge gebroek:

In roukdetectore wuuertj ²⁴¹Am (inne vorm van americiumdioxied) toegepas es brón van ioniserendje straoling veur 'n ionisatiekamer;
Americiumisotope waeren of woorte gebroek es brónne van gammastraoling veur medisch en industrieel gebroek. Zoea vindj americium inne glaasindustrie toepassing bie 't nejkäörig bepaole vanne glaasdiekdje.

Isotope

Meest stabiele isotopen
Iso	RA (%)	Halveringstied	VV	VE (MeV)	VP
²⁴⁰Am	syn	50,8 u	α	1,379	²³⁶Np
²⁴¹Am	syn	432,2 j	α	5,638	²³⁷Np
²⁴³Am	syn	7370 j	α	5,438	²³⁹Np

18 radioaktieve americiumisotope zeen bekèndj. ²⁴³Am is mit 'nen halveringstied van 7370 jaor 't stabielste. ²⁴¹Am haet 'nen halveringstied van 432 jaor. De euverige isotopen höbben halveringstieje van minder es 51 oer.