Navarra (regio)
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
| Regio van Spanje Navarra Nafarroa (Baskisch) | ||||
 | .svg) | |||
 | ||||
| Hoofplaats | Pamplona | |||
| Opperflaakde | 10.391 km² | |||
| Inwoeners – Deechde | 640.790 (2014) 62/km² | |||
| President | Uxue Barkos | |||
| Vouksleed | Himno de Navarra | |||
| Taole | Spaons, Baskisch | |||
| ISO 3166-2 | ES-NA | |||
| Website | www.navarra.es | |||
Navarra (Spaons: Navarra, Baskisch: Nafarroa; officieel: Comunidad Foral de Navarra of Foraal Gemeinsjap Navarra) is ein vaan de 17 otonoom regio's en provincie vaan Spanje. Het ligk in 't noorde vaan Spanje, ten ooste vaan Baskeland, ten zuie vaan Fraankriek, ten noorde vaan La Rioja en ten weste vaan Aragón.
Statuut
Navarra neump ziech 'n "Foraal Gemeinsjap" umtot 't zien otonomie baseert op 't foraal rech, ofwel 't rech wat kump oet de historische fueros (vrijhede, gewoentes) vaan de streek. Um die reie hèt 't regionaal parlemint daan ouch Parlamento Foral, de regering Gobierno Foral, enzoe door.
Navarra heet 'ne eige pelitie, de Policia Foral, en 'n eige fiscaal administratie, die zelf de mieste belastinge in Navarra int en 't aondeil vaan de centraal euverheid in de belastinge doorbetaolt aon de Spaonse sjatkis (in de mieste Spaonse regio's weurt de belasting geind door de centrale euverheid). Ouch 't taolgebruuk weurt door de Navarrese euverheid geregeld.
Bestuurleke indeiling
De provincie Navarra besteit oet 7 comarca's die op hun beurt oet gemeintes bestoon. De comarca's vaan Navarra zien:
- Navarra Húmeda del Nordeste
- Valles Pirenaicos
- Cuencas Prepirenaicas
- Navarra Media Occidental
- Navarra media Oriental
- Ribera Estellesa
- Ribera Tudelana
Taol
Spaons is same mèt Baskisch de officieel taol in Navarra. Spaons is de officieel taol in de gaanse regio, Baskisch inkel in het noordelek, dunbevolk deil. De lèste jaore wint 't Baskisch evels terrein op 't Spaons in Navarra. 38% vaan de nui studente die aon de UPNA (Universidad Pública de Navarra) koume studere kint naomelek Baskisch.[1]
Rifferenties
 | |
|---|---|
| Otonoom regio's: | |
| Andalusië · Aragón · Asturië · Baleare · Baskeland · Canarische eilen · Cantabrië · Castilië-La Mancha · Castilië en León · Catalonië · Extremadura · Galicië · La Rioja · Madrid · Murcia · Navarra · Valencia | |
| Otonoom sjtae: | |
| Ceuta · Melilla | |