Abu Bakar al-Baghdadi
Abū Bakr al-Baghdadi (bahaso Arab: أبو بكر البغدادي; lahia Ibrahim Awad Ibrahim Ali al-Badri al-Samarrai,[1]إبراهيم عواد إبراهيم علي محمد البدري السامرائي; 28 Juli 1971 – 27 Oktober 2019)[2] adolah pamimpin kalompok Nagari Islam Irak jo Syam. Kalompok ko alah dinyatoan sabagai kalompok teroris dek Pasarikatan Banso-Banso, Uni Eropa, sarato nagara-nagara lain. al-Baghdadi juo ditatok'an subagai teroris nan dicari dek Amerika Sarikat sampai kamatiannyo pado bulan Oktober 2019.[3] Pado bulan 2014, inyo dinyatoan subagai khalifah dari Nagari Islam[4] dek dewan syura kalompok tasabuik.
 | |||
| Namo dalam bahaso usali | (ar) أبو بكر البغدادي  | ||
|---|---|---|---|
| Biografi | |||
| Lahia | (ar) إبراهيم عواد إبراهيم علي البدري السامرائي 28 Juli 1971 Samarra (id)  | ||
| Kamatian | 27 Oktober 2019 (48 tahun (id) terjemahkan) Barisha (en) | ||
| Panyabab kamatian | Bom bunuh diri (id) | ||
18 April 2010 – 27 Oktober 2019 – Abu Ibrahim al-Hashimi al-Qurashi (id) → | |||
| Data pribadi | |||
| Agamo | Islam | ||
| Almamater | Universitas Baghdad (id) . Syarak (2002–2006) | ||
| Warna rambut (id) | Hitam (id) | ||
| Kagiatan | |||
| Karajo | Imam, pemimpin militer (id) , pemerkosa (id) jo teroris (id) | ||
| Periode aktif | 2003 – 2019 | ||
| Partai politik | Nagari Islam Irak jo Syam | ||
| Aliran | Jihadisme salafi (id) | ||
| Kesetiaan (id) | Al-Qaeda (id) jo Nagari Islam Irak jo Syam | ||
| Cabang militer (id) | Military of the Islamic State (en) | ||
| Pangkat militer (id) | emir (id) | ||
| Konflik (id) | Perang Saudara Suriah (id) , Perang Saudara Irak (id) , Perang Irak (id) , War against the Islamic State (en) , Kampanye Anbar (id) jo Konflik Libya 2014 (id) | ||
 | |||
al-Baghdadi mulai talibaik jo Nagari Islam salapeh panahannyo basamo komandan-komandan al-Qaeda di Kamp Bucca di Irak. Sabagai pamimpin utamo kalompok tu, inyo talibaik lansuang dalam kajahatan jo palanggaran hak asasi manusia sarupo genosida kaum Yazidi di Iraq, pabudakan seksual, panggagahan, jo pambunuahan massal. Di bawah al-Baghdadi, Nagari Islam mamproduksi video nan mampacaliakkan pabudakan seksual jo pambunuahan lewat rajam atau pambakaran.[5][6]
Sajak tahun 2011, nyao al-Baghdadi diaragoi 10 juta dolar Amerika Sarikat dek Kamantarian Lua Nagari Amerika Sarikat; jumlah ko batambah manjadi 25 juta dolar pado tahun 2017,[7] untuak informasi atau intelijen tantang tampek inyo barado untuak ditangkok, iduik atau mati.[8][9] Pado 27 Oktober 2019, al-Baghdadi dialporkan bunuah diri basamo duo anaknyo dengan caro maladakkan diri manggunoan rompi bunuah diri pado satu sarangan dari Resimen Ranger ka-75 jo Pasukan Delta di Idlib, Suriah, bak cando nan dinyatoan dek Presiden Donald Trump.[2][10][11] Panglima Komando Wilayah Tangah Amerika Sarikat Jenderal Kenneth F. McKenzie Jr. manyatoan baso al-Baghdadi dikubuakan di lauik sasuai aturan agamo Islam.
Pado 31 Oktober 2019, Nagari Islam mangasahkan baso al-Baghdadi alah maningga. Kalompok tu manunjuak Abu Ibrahim al Hashimi al-Qurayshi subagai panggantinyo.[12][13]
Namo
Abu Bakr al-Baghdadi adolah sabuah nom de guerre.[14] Inyo juo dikenal jo babarapo namo sarato juluakan lain, cando Abu Du'a[3] (أبو دعاء ʾabū duʿāʾ),[15] atau Al-Shabah ("hantu"),[16]. Samanjak manyatoan diri subagai khalifah, al-Baghdadi digala pulo Amir al-Mu'minin ("pamimpin urang-urang nan baiman") atau Sheikh Baghdadi.[17]
Pado tahun 2018, Reuters malaporan baso namo aslinyo adolah Ibrahim al-Samarrai.[18] Pado tahun 2014, The Telegraph malaporan baso namonyo kutiko laia adolah Ibrahim Awad Ibrahim al-Badri.[19]
