Աբու Բաքր ալ-Բաղդադի
Աբու Բաքր ալ-Բաղդադի (անգլ.՝ Abu Bakr al-Baghdadi, արաբ․՝ أبو بكر البغدادي, ի ծնե՝ Իբրահիմ Ավադ Իբրահիմ ալ-Բադրի, արաբ․՝ إبراهيم عواد إبراهيم علي محمد البدري السامرائي, հուլիսի 28, 1971, Սամարրա, Սալադինի նահանգ, Իրաք - հոկտեմբերի 27, 2019[1], Barisha, Կուրկինայի շրջան, Հարեմի գավառ, Իդլիբի մարզ, Սիրիա[2]), հանրահայտ ահաբեկիչ, ով եղել է առաջնորդը[3][4][5][6] միջազգային[7] իսլամիստական ահաբեկչական կազմակերպության, որը 2003 թվականից հայտնի է տարբեր անվանումներով («Ալ Քաիդա», «Իրաքի իսլամական պետություն», «Իրաքի և Լևանտի իսլամական պետություն»)։ Հռչակվել է այսպես կոչված՝ «Իսլամական պետության» խալիֆ[8][9]): Հայտարարություն է արել՝ մուսուլմաններին կոչ անելով հրաժարվել ժողովրդավարություն, խաղաղություն և այլ արևմտյան հասկացություններից։
| Աբու Բաքր ալ-Բաղդադի արաբ․՝ أبو بكر البغدادي | |
|---|---|
 | |
| Ծնվել է | հուլիսի 28, 1971 |
| Ծննդավայր | Սամարրա, Սալադինի նահանգ, Իրաք |
| Մահացել է | հոկտեմբերի 27, 2019[1] (48 տարեկան) |
| Մահվան վայր | Barisha, Կուրկինայի շրջան, Հարեմի գավառ, Իդլիբի մարզ, Սիրիա |
| Քաղաքացիություն |  Իրաք ԻԼԻՊ |
| Ազգություն | Իրաքցի |
| Մայրենի լեզու | արաբերեն |
| Կրոն | Իսլամ |
| Կրթություն | Բաղդադի համալսարան (2006) |
| Մասնագիտություն | imam, զորավար, բռնարար և ահաբեկիչ |
| Զբաղեցրած պաշտոններ | Leader of the Islamic State? |
| Կուսակցություն | ԻԼԻՊ |
| Անդամություն | Leader of the Islamic State? և ԻԼԻՊ |
 Abu Bakr al-Baghdadi Վիքիպահեստում | |
2011 թվականին Ամերիկայի Միացյալ Նահանգների պետական դեպարտամենտը հայտարարել է, որ 10 միլիոն ամերիկյան դոլար կվճարի Աբու Բաքր ալ Բաղդադիի ձերբակալմանը կամ մահվանը հանգեցնող տեղեկատվության համար[10]։ 2017 թվականին այդ գումարի չափը հասցվել է 25 միլիոն ամերիկյան դոլարի[11]։
Բաղդադին կազմակերպել և անմիջականորեն մասնակցել է բազմաթիվ ոճրագործությունների (եզդիների ցեղասպանություն Իրաքում, համատարած սեքսուալ ստրկություն, համակարգված բռնաբարությունների, կտտանքների, մահապատիժների կազմակերպում և իրականացում)։ Նա դաժանությունը համարել է իրենց կազմակերպության քարոզչական ջանքերի բաղկացուցիչ մասը, և նրա կարգադրությամբ ստեղծվել ու տարածվել են սեռական ստրկության դրսևորումներ, մարմնամասերի կոտրատումով, քարկոծումով, հրկիզումով մահապատժներ պատկերող տեսահոլովակներ։ Հենց ինքն էլ ունեցել է անձնական օգտագործման մի քանի սեքս ստրկուհի։
2019 թվականի հոկտեմբերի 27-ին մահապարտի ժիլետը պայթեցնելու միջոցով Բաղդադին սպանել է իրեն ու իր երկու զավակներին[12], որպեսզի չընկնի ռեյդի դուրս եկած ամերիկյան հատուկ ջոկատայինների ձեռքը։ Նրա մարմինը ծով է նետվել[13][14]։ Իսլամական պետության ղեկավարությունը հաստատել է նրա մահը և նրան փոխարինող ընտրել Աբու Իբրահիմ ալ Հաշիմի ալ Քուրաշիին[15]։
Ծանոթագրություններ
Գրականություն
- Федорченко А. В., Крылов А. В. Феномен «Исламского государства» // Вестник МГИМО-Университета. — М.: МГИМО (У), 2015. — № 2 (41). — С. 174—183. — ISSN 2071-8160.
Արտաքին հղումներ
- Ключевые командиры ИГИЛ
- США назначили награду за лидера «Аль-Каеды» в Ираке // Lenta.ru, 2011-10-04
- США предлагают 10 миллионов долларов за помощь в поимке лидера «Аль-Каиды» в Ираке // Эхо Москвы, 2011-10-04 (չաշխատող հղում)
- Резюме Комитета 1267 СБ ООН с изложением оснований для включения в перечень лиц, связанных с «Аль-Каидой» Արխիվացված 2015-10-13 Wayback Machine
- Биография (gefter.ru)
- «Абу Бакр аль-Багдади». Энциклопедия: Персоны. Страны. Темы. ИТАР-ТАСС — Краткие справки обо всех странах мира, их руководителях, а также о событиях, привлёкших внимание мировых и российских СМИ. Արխիվացված օրիգինալից 2019 թ․ մայիսի 22-ին. Վերցված է 2019 թ․ մայիսի 22-ին.
 | Վիքիպահեստն ունի նյութեր, որոնք վերաբերում են «Աբու Բաքր ալ-Բաղդադի» հոդվածին։ |