Ќолеменли
Ќолеменли (грчки: Λιθωτό, Литото или Παλαιό Λιθωτό, Палео Литото; до 1927 г. Κιολεμενλή, Ќолеменли[2]) — поранешно село во Дојранско, Егејска Македонија, денес во општината Кукуш на областа Централна Македонија, Грција.
| Ќолеменли Κρητικά | |
|---|---|
  Ќолеменли | |
Местоположба во областа   Ќолеменли | |
| Координати: 41°17.51′N 22°48.18′E / 41.29183° СГШ; 22.80300° ИГД | |
| Земја | Грција |
| Област | Централна Македонија |
| Округ | Кукушки |
| Општина | Кукуш |
| Општ. единица | Аканџали |
| Надм. вис. | 380 м |
| Население (2011)[1] | |
| • Вкупно | 16 |
| Час. појас | EET (UTC+2) |
| • Лете (ЛСВ) | EEST (UTC+3) |
Географија
Селото се наоѓа на јужните падини на Беласица, над селото Атли.[3]
Историја
Според статистиката на Васил К’нчов („Македонија. Етнографија и статистика“) во 1900 г. Ќолеменли имало 162 жители Турци.[4]
За време на Балканските војни селото е окупирано од грчка војска и во 1913 г. согласно Букурешкиот договор влегло во состав на Грција. Таа 1913 г. населението броело 333 жители. Бидејќи овде минувала фронтовата линија во Првата светска војна, населението значително се намалило, така што во 1920 г. во Ќолеменли се заведени 134 лица.[5] Во 1924 г. по сила на Лозанскиот договор населението како муслиманско е иселено во Турција, а на негово место се доведени Грци од Понт и Кавказ. Во 1927 г. селото е преименувано во Литото. Во 1928 г. селото е заведено како дојденско со 25 семејства сочинети од 86 жители.[6]
Едно од доселеничките маала на Аканџали го носи името Нео Литото, бидејќи старото село на грчки се нарекувало Палео Литото, т.е. Старо Литото.