Знаме на Ирак

Знамето на Ирак е официјалното знаме на оваа азиска држава. Низ историјата, Ирак имал неколку различни знамиња со различни дизајни, поточно уште од основањето на Кралство Ирак во 1921 година. Моменталното знаме било усвоено во 2008 година, но кога се донело знамето се напоменало дека ова било привремено знаме сè додека не се изнајде трајно национално знаме. Знамето е составено од три еднакви хоризонтални ленти во црвена, бела и црна боја. На белата лента има натпис на арапски јазик што во превод значи „Господ е поголем“. Боите се пан-арапски.