Гордана Силјановска-Давкова
Гордана Силјановска-Давкова (родена на 11 мај 1953 година во Охрид) — македонски универзитетски професор, правник и пратеник во Собранието на Македонија.[1]
| Гордана Силјановска-Давкова | |
|---|---|
 | |
| Пратеничка во Собранието на Македонија | |
| На должноста 2020 – 2024 | |
| Лични податоци | |
| Роден(а) | 11 мај 1953 Охрид, НР Македонија |
| Партија | ВМРО-ДПМНЕ |
| Деца | 2 |
| Установа | Правен факултет „Јустинијан I“ - Скопје |
| Професија | правник, професор |
| Вероисповед | Православен христијанин |
Животопис
Гордана Силјановска-Давкова е родена на 11 мај 1953 во Охрид. Основно и средно образование завршила во Скопје (1973). Дипломирала на Правниот факултет во Скопје (1978), каде што и магистрирала. Докторирала пред комисија предводена од проф. Франц Град со „Cum laude“ на Правниот факултет во Љубљана, на тема „Local Selfgovernment - between Norms and Reality“ во 1994.
Била избрана за асистент по предметот политички систем на Правниот факултет во Скопје (1989), за доцент по уставно право и политички систем (1994), а потоа и за редовен професор во 2004. Била член на Уставната комисија на Собранието на РМ (1990-1992) и министер во Владата на РМ (1992-1994). Експерт за избори на ООН и потпретседател на групата Независни експерти за локална самоуправа при Советот на Европа. Член на Венецијанската комисија. Автор е на стотина научни трудови за уставното право и политичкиот систем.[2]
На конвенцијата на ВМРО-ДПМНЕ која се одржала во Струга, Гордана Силјановска-Давкова била избрана за претседателски кандидат.[3]
На парламентарните избори во 2020 година, Силјановска е носител на кандидатска листа за пратеници на ВМРО-ДПМНЕ и Коалицијата во Изборна единица 1. Од август, 2020 год. таа е пратеник во македонското Собрание.