Исламска верска заедница
Исламската верска заедница во Македонија (ИВЗ; турски: M.C. İslam Birliği; албански: Bashkësia Fetare Islame e Maqedonisë) претставува заедница на населението со исламска вероисповед, чиј број според пописот од 2002 година изнесува 674.015. Од осамостојувањето на Македонија, ИВЗ претставува самостојна организација со структура со Џематски одбор, Муфтиство во земјата и во странство, Собрание на муфтиството, Ријасет на ИВЗ, Реус-улулема, Собрание на ИВЗ, Уставен совет.[1]
Историја
Организирањето на верскиот живот во текот на перидот на Османлиската Држава било под јурисдикција на Шејхул-Исламот во Истанбул, додека по Балканските војни, односно, по Првата светска војна, верскиот живот на муслиманите бил под јурисдикција на Реис Улема, со седиште во Сараево, Босна и Херцеговина. Инаку, Исламската заедница во Македонија била составен дел на Исламската заедница на Кралството Југославија, а потоа, во Социјалистичка Федеративна Република Југославија. По распадот на поранешната државна заедница и по осамостојувањето на Македонија, оваа заедница продолжува да дејствува како независна верска заедница во Македонија, со седиште во Скопје.
Институции
- Образовни институции
- Исламско средно училиште „Исабег“,
- Факултет за исламски науки - Скопје.
- Хуманитарни организации
- Хуманитарно здружение „Ел-Хилал“.
- Издавачка дејност
- Информативно-издавачки центар во Скопје.
- Публикации
- „Ел-хилал“ (двонеделник на три јазици);
- „Икре“ (тримесечник);
- „Зборник“ (годишник).
Наводи
Надворешни врски
- Официјално мрежно место Архивирано на 9 јули 2008 г.