Картографија
Картографија — наука што се занимава со изучување и изработка на карти и глобуси. Картите се изработувале традиционално со молив и хартија, но со напредокот и распространувањето на компјутерите се револуционализирала картографијата.Повеќето карти со комерционален квалитет денес се прават со помош на некоја програма за изработка на карти кои спаѓаат во една од овие основни типови; CAD, ГИС, или специјализирани програми за илустрација на мапата.
Историја
Картите се составен дел на човековата историја. Не е познато кога е создадена првата карта (можеби и до 8,000 години — но се разбира, пред пишаниот збор).[1] Познато е дека постоеле во Европските култури, на блискиот Исток, Кина, Индија и во други делови на светот.
Најстарата сочувана карта во моментов се наоѓа како ѕидна слика во древниот турски град на Катал Хуџук, која потекнува од, како што е утврдено, крајот на 7 милениум п.н.е.[2]
Картата мунди е општото име со кое се именуваат европските карти во светот од средниот век. Постојат околу 1,100 вакви карти кои постојат и ден денес. Од нив, околу 900 се пронајдени како илустрации во ракописите, а останатите се направени како одделни документи[3].