Кмерски јазик

Кмерскиот или камбоџански јазик (ភាសាខ្មែរ) е службен јазик во азиската држава Камбоџа и мајчин јазик на Кмерите. Овој јазик е втор најмногу зборуван австроазиски јазик, веднаш зад виетнамскиот јазик со вкупно околу 15,7 до 21,6 милиони говорници. Кмерскиот јазик бил под одредено влијание од санскритскиот и палискиот јазик, особено во кралскиот и религискиот домеин прифатени преку хиндуизмот или бидизмот. Исто така, кмерскиот јазик е најраниот запишан мон-кмерски јазик. Поради самата географска положба на јазикот, кмерскиот имал влијание врз и од тајландскиот, лаоскиот, виетнамскиот и чамскиот, кои пак создаваат една лингвистичка група со слични одлики пред сè поради сличниот санскритски зборовен фонд.^[2]

Кмерски
ភាសាខ្មែរ
Изговор	[pʰiːəsaː kʰmaːe]
Застапен во	Камбоџа, Виетнам, Тајланд, САД, Франција, Австралија
Говорници	15,7 до 21,6 милиони (2004) Мајчин јазик: 14,7 до 20,6 милиони Камбоџа: 12,1 милиони Виетнам: 1.055.174[1] Тајланд: 1,2 милиони САД: 190.000 Франција: околу 50.000 Австралија: 22.000 Канада: 16.500 Втор јазик: 1 милиони во Камбоџа
Јазично семејство	австроазиско мон-кмерски кмеро-виетски кмеро-бахнарски кмерски кмерски
Статус
Службен во	Камбоџа
Јазични кодови
ISO 639-1	km
ISO 639-2	khm
ISO 639-3	или: khm — централен кмерски јазик kxm — северен кмерски јазик

Кмерскиот јазик се служи со свое писмо познато како аксарско или кмерско писмо. За разлика од околните јазици во Индокина, кмерскиот јазик не е тонски јазик. Јазикот е составен од пет главни дијалектни групи, а тие се:

• Батамбанг - се зборува во северна Камбоџа.
• Пном Пен - дијалект кој се зборува во и околу главниот град.
• Северен кмерски - се зборува во североисточен Тајланд.
• Јужен кмерски или кмерски кром - дијалект кој се зборува во делтата на реката Меконг.
• Кардамомски кмерски - архаична форма која се зборува на планините Кардамом во западна Камбоџа.^[3]