Никола (комес)

Комесот Никола бил средновековен македонски владетел. Како кнез на моќната склавинија Берзитија, плаќал данок на Бугарското Царство. Неговите синови креваат востание во 969 година против бугарската врховна власт.

Со создавањето на независна држава на територијата на Македонија, нејзини владетели се Давид, Мојсеј, Арон и Самоил, поради што таа станува тетрархија, а со тоа, комесот не е повеќе на чело на државата. Бил оженет за Рипсимија, ќерка на богат ерменски благородник, а се верува и дека тој самиот има ерменски корени.

Во селото Герман, во 1888, била пронајдена неговата надгробна плоча, која е надгробна плоча и на жена му Рипсимија и најстариот син Давид, поставена од Самоил во 992/993 година.