Светска турнеја на UCI 2018
Светска турнеја на UCI 2018 — десетто издание на системот за рангирање започнат од Меѓународниот велосипедистички сојуз (UCI) во 2009 година, кој вклучувал триесет и седум друмски велосипедски настани во текот на сезоната 2018.[1]
Десетто издание на Светска турнеја на UCI | |
Лого на Светската турнеја | |
Поединости | |
---|---|
Датуми | 16 јануари – 21 октомври |
Места | Австралија, Европа, Азија и Северна Америка |
Трки | 37 |
Прваци | |
Поединечен пласман | Сајмон Јејтс (ВБР) (Мичелтон-Скот) |
Екипен пласман | Квик-Степ Флорс |
← 2017 2019 → |
Натпреварувањето е предвидено да започне со воведната етапа на Тур Даун Андер на 16 јануари и ќе заврши со Трката околу Гуангси на 21 октомври.[2] Белгиецот Грег ван Авермат бил бранител на титулата.[3]
Ван Авермат не можел да ја одбрани својата титутла, откако не успеал да постигне ниту една поединечна победа - меѓутоа бил дел од три победи во екипен хронометар за Ванти-Груп Гобер – завршувајќи на петтото место во бодовниот пласман. Пласманот по првпат бил освоен од британски возач, Сајмон Јејтс, кој вози за екипата Мичелтон-Скот, освојувајќи 3.072 бода во сезоната.[4] Јејтс бил последен од четворицата возачи кои го преземале водството во пласманот во текот на сезоната; порано во 2018 година бил високопласиран, забележувајќи етапни победи на Париз-Ница[5] и на Волта а Каталуња,[6] пред пробивот на Џиро д’Италија со три етапни победи и тринаесет дена во водство на трката; на крајот, Јејтс опаднал на планините во текот на третата недела и го предал водството и победата на сонародникот Крис Фрум.[7] По уште една етапна победа и второ место на Трката околу Полска,[8] Јејтс ја освоил својата прва голема трка со победата на Вуелта а Еспања,[9] преземајќи го водството на трката по етапна победа на етапата 14,[10] и водството на пласманот кога трката завршила.[4]
На второто место се нашол Словакот, Петер Саган, 80 бода зад него, кој возел за Бора-Хансгрое.[4] Саган го предводел пласманот поголемиот дел од сезоната, забележувајќи шест последователни високи пласмани на пролетните класици, со победи на Гент-Вевелгем,[11] и по првпат, на Париз-Рубе.[12] Саган освоил три етапи на Тур де Франс, откако го освоил по рекорден шести пат бодовниот пласман,[13] но не успеал да освои ниту една етапа на Вуелта а Еспања, каде Јејтс го презел водството. На третото место, со 2.609 бода,[4] бил Алехандро Валверде од Шпанија, кој возел за Мовистар Тим. Валверде бил во водство во пласманот пролетта, победувајќи на Трката Абу Даби,[14] и на Волта а Каталуња,[6] во февруари и март – освојувајќи три етапи на овие трки исто така – пред две етапни победи и победата во бодовниот пласман на Вуелта а Еспања.
Во екипниот пласман, Квик-Степ Флорс преовладал со 13.425,97 бода, држејќи го водството во пласманот скоро три четвртини од сезоната. Екипата освоила 37 победи – од вкупно 73 победи на сите трки во UCI[15] – во рамки на Светската турнеја, вклучувајќи седум победи во генерален пласман освоени од Ники Терпстра (Е3 Харелбеке и Трка околу Фландрија),[16][17] Ив Ламперт (Дварс дор Вландерен),[18] Жилијан Алафилип (Флеш Валон и Класика де Сан Себастијан),[19][20] Боб Јунгелс (Лиеж-Бастоњ-Лиеж),[21] и Елија Вивијани (Јуроајс Класик).[22] Екипата, исто така, освоила 13 етапни победи на големите трки, со две маички освоени од Вивијани (бодовен пласман на Џиро д’Италија),[23] и од Алафилип, кој го освоил планинскиот пласмна на Тур де Франс.[24] Минатогодишните победници, Тим Скај, завршиле втори со 10.213 бодови, откако екипата освоила две од трите големи трки; Фрум станал седми возач, кој ги освоил трите големи трки со успехот на Џиро д’Италија,[25] додека Герант Томас го освоил Тур де Франс,[26] по успехот на Критериум ди Дофине.[27] Тим Скај освоил уште четири други победи во генерален пласман: Михал Квјатковски ја освоил Тирено-Адријатико,[28] и Трката околу Полска,[8] Еган Бернал ја освоил Трката околу Калифорнија во неговата прва сезона со екипата,[29] додека Џани Москон ја освоил завршната Трка околу Гуангси.[30] Со 9.201 бодови, Бора-Хансгрое завршиле на третото место, главно поради резултатите на Саган и победи на Џеј Мекарти (Голема океанска друмска трка „Кедел Еванс“),[31] и Паскал Акерман на Класик Лондон-Сари.[32] Акерман и Сем Бенет исто така освоил единаесет етапни победи во текот на сезоната, а Бенет освоил три етапи на Џиро д’Италија.[33]
Екипи
Екипи кои имаат право на настап на секоја од трките за 2018 година се следниве:
Код | Официјално име | Земја | Делови | Велосипед |
---|---|---|---|---|
ALM | АГ2Р-Ла Мондијал | Франција | Шимано | Фактор Бајкс 02 |
AST | Астана | Казахстан | Шимано | Аргон 18 |
TBM | Бахреин-Мерида | Бахреин | Шимано | Мерида |
BMC | Ванти-Груп Гобер | САД | Шимано | БМЦ |
BOH | Бора-Хансгрое | Германија | TBC | Спешалајзд |
DDD | Тим Дименжн Дата | ЈАР | Шимано/Ротор | Сервело |
EFD | ЕФ Едукејшн Фирст-Драпак | САД | Шимано / ФСА | Канондејл |
FDJ | ФДЖ | Франција | Шимано | Лапјер |
TKA | Катјуша-Алпесин | Швајцарија | СРАМ | Кањон |
TLJ | Лото НЛ-Џамбо | Холандија | Шимано | Бјанки |
LTS | Лото-Судал | Белгија | Кампањоло | Ридли |
MTS | Мичелтон-Скот | Австралија | Шимано | Скот |
MOV | Мовистар Тим | Шпанија | Кампањоло | Кањон |
QST | Квик-Степ Флорс | Белгија | Шимано ФСА | Спешалајзд |
SKY | Тим Скај | Обединето Кралство | Шимано | Пинарело |
SUN | Тим Санвеб | Германија | Шимано | Џајант |
TFS | Трек-Сегафредо | САД | Шимано | Трек |
UAD | ОАЕ Тим Емирати | Обединети Арапски Емирати | Кампањоло | Колнаго |
Настани
- Забелешки
Поредок
Поединечен
Возачите изедначени со ист број на бодови се подредуваат по бројот на победи, потоа бројот на втори места, трети места и така натаму, во рамките на трките и етапите од Светската турнеја.
- 418 возачи забележале бодови. 198 други возачи завршиле на места кои носат бодови, но биле од екипи надвор од Светската турнеја.
Екипен
Екипниот пласман се пресметувал со додавање на бодовите на сите возачи од екипата.[36]
Место | Екипа | Бодови |
---|---|---|
1 | Квик-Степ Флорс | 13.425,97 |
2 | Тим Скај | 10.213 |
3 | Бора-Хансгрое | 9.201 |
4 | Ванти-Груп Гобер | 8.779,97 |
5 | Мичелтон-Скот | 8.660,03 |
6 | Астана | 7.869[б 1] |
7 | Бахреин-Мерида | 7.409 |
8 | Мовистар Тим | 7.351 |
9 | Тим Санвеб | 7.266,95 |
10 | Лото НЛ-Џамбо | 7.059 |
11 | АГ2Р-Ла Мондијал | 6.397 |
12 | ОАЕ Тим Емирати | 5.495 |
13 | Трек-Сегафредо | 5.428 |
14 | Групама-ФДЖ | 5.102 |
15 | Лото-Судал | 4.700,01 |
16 | ЕФ Едукејшн Фирст-Драпак | 4.373 |
17 | Катјуша-Алпесин | 2.757 |
18 | Тим Дименжн Дата | 2.017[б 2] |
- Забелешки
Напредок во водството
Наводи
Надворешни врски
- Матична страница (англиски)