Скагерак

Теснецот е долг 240 км и широк помеѓу 80 и 140 км. Кон норвешкиот брег се продлабочува, достигнувајќи 700 м во Норвешката Бразда. Поважни пристанишни места долж Скагерак се Осло и Кристијансанд во Норвешка и Удевала и Стремстад во Шведска.

Скагерак има соленост од 30 единици. Подрачјето што вдомува биомаса зафаќа 3.600 км² и содржи разни видови на живеалишта - од песочните насипи во Шведска и Данска до длабоките води во Норвешката Бразда. Во теснецот живеат околу 2000 морски видови.

Граници

Според Меѓународната хидрографска организација, Скагерат ги има следниве граници:^[1]

• На запад. Линија од Ханстхолм (57°07′N 8°36′E / 57.117° СГШ; 8.600° ИГД / 57.117; 8.600) и Линдеснес (58°N 7°E / 58° СГШ; 7° ИГД / 58; 7).
• На југоисток. Северната граница на Категат [линија од Скаген до островчето Патерностер (57°54′N 11°27′E / 57.900° СГШ; 11.450° ИГД / 57.900; 11.450), а оттаму на северозапад до преку песочните насипи до островот Шорн].

Во обете светски војни, Скагерак бил од големо стратешко значење за Германија. Во 1916, тука се одиграла една од најголемите поморски битки во Првата светска војна, наречена Битка кај Јитланд (или Скагерачка битка). Скагерак за Германија претставувал единствениот поморски пристап кон Балтикот, па затоа бил главна причина за инвазијата на Данска и Норвешка за време на Втората светска војна.Овие битки и престрелки довеле до големиот број на бродоломи во ова подрачје.

• Категат
• Јитланд

• Длабоководните риби во Скагерак (англиски)

57°50′50″N 9°04′23″E / 57.84722° СГШ; 9.07306° ИГД / 57.84722; 9.07306