Шпагети Карбонара
Карбонара е италијански вид тестенини со потекло од Рим.[1][2] Се прави со јајца, тврдо сирење, чадено месо и бибер. Јадењето со ова име и форма е создадено во средината на 20 век[3] Од сирењата најчесто се користат Пекорино, Пармезан или комбинација од двете.[4] Шпагетите се најчестиот облик на тестенини. Од чадено месо се користи чадена сланина или панцета.
Потекло и историја
Како и кај многу рецепти, потеклото на ова јадење и неговото име се ретки[5], но се верува дека потекнува од регионот Лацио[1] [2]. За прв пат во пошироката јавност се појави во 1950 година кога во италијанскиот весник Ла Стампа бил опишан како омилено јадење меѓу американските офицери кои биле во Италија и Рим за време на Втората светска војна.[6]
Подготовка
Шпагетите се варат во благо посолена вода, додека се пржи сланината на тава во сопствените масти.[4] Смесата од јајца, сецкано сирење и бибер се меша со варените шпагети. Се додава сланината и тогаш се заедно се става на тава каде се создава кремаст сос со парчиња сланина.[7] По некои рецепти се користи само жолчката, а по некои и белката,[8] додека во некои уште се додава и брокула, кромид, лук и печурки.[9][10]