മാർച്ച് 2011

മാർച്ച് 2011 ആ വർഷത്തിലെ ആദ്യ മാസമായിരുന്നു. ഒരു ചൊവ്വാഴ്ച ആരംഭിച്ച മാസം 31 ദിവസങ്ങൾക്കുശേഷം ഒരു വ്യാഴാഴ്ച അവസാനിച്ചു.

2011 മാർച്ച് മാസം നടന്ന പ്രധാന സംഭവങ്ങൾ:

മാർച്ച് 30

• 2011-ലെ കാനേഷുമാരി പ്രകാരം ഇന്ത്യയിലെ ജനസംഖ്യ 121.02 കോടിയായി^[1].
• പാക്കിസ്ഥാനെ 29 റൺസിനു തോല്പിച്ച് ഇന്ത്യ ലോകകപ്പ് ക്രിക്കറ്റിന്റെ ഫൈനലിലെത്തി. ഏപ്രിൽ 2-ന് മുംബൈയിൽ നടക്കുന്ന ഫൈനലിൽ ഇന്ത്യ ശ്രീലങ്കയെ നേരിടും^[2].
• സർക്കാർ ജീവനക്കാരുടെ പുതുക്കിയ ശമ്പളം കുടിശികയടക്കം മെയ് ഒന്ന് മുതൽ ലഭിക്കുമെന്ന് മന്ത്രി തോമസ് ഐസക്ക്^[3].
• കേരള സർക്കാരിന്റെ രണ്ടു രൂപയ്ക്ക് അരി പദ്ധതി നടപ്പാക്കാൻ അനുമതി നൽകിയ ഹൈക്കോടതി വിധി സുപ്രീം കോടതി സ്‌റ്റേ ചെയ്തു. തിരഞ്ഞെടുപ്പ് അവസാനിക്കും വരെ പദ്ധതി തടയണമെന്ന തിരഞ്ഞെടുപ്പ് കമ്മീഷന്റെ വാദത്തിന് സുപ്രീം കോടതി അംഗീകാരം^[4].

മാർച്ച് 29

• ന്യൂസിലാൻഡിനെ 5 വിക്കറ്റിനു തോല്പിച്ച് ശ്രീലങ്ക ലോകകപ്പ് ക്രിക്കറ്റിന്റെ ഫൈനലിലെത്തി^[5].
• മുംബൈ ഭീകരാക്രമണക്കേസ് പ്രതികളെ ചോദ്യം ചെയ്യാൻ പാകിസ്ഥാൻ ഇന്ത്യൻ അന്വേഷണ സംഘത്തിന് അനുമതി നൽകും^[6].

• ഓസ്‌ട്രേലിയൻ ക്രിക്കറ്റ് ടീം ക്യാപ്റ്റൻ സ്ഥാനത്തു നിന്നും റിക്കി പോണ്ടിങ് രാജി വച്ചു^[7].

മാർച്ച് 28

• ലിബിയയിൽ സഖ്യസേന നടത്തുന്ന എല്ലാ നീക്കങ്ങളും ഇനി മുതൽ നാറ്റോയുടെ നിയന്ത്രണത്തിലായിരിക്കുമെന്ന് നാറ്റോയുടെ അറിയിപ്പ്^[8].

മാർച്ച് 27

• ജപ്പാനിൽ വീണ്ടും റിക്ടർ സ്കെയിലിൽ 6.5 രേഖപ്പെടുത്തിയ തുടർ ഭൂചലനം^[9].

മാർച്ച് 26

• മ്യാൻമാറിലും തായ്‌ലന്റിലും ഉണ്ടായ ഭൂചലനത്തിൽ മരണം 75 ആയി^[10].

മാർച്ച് 25

• ഇന്ത്യൻ നാണയം നശിപ്പിക്കുന്നവർക്ക് ഏഴ് വർഷം വരെ തടവ് ലഭിക്കുന്ന കോയിനേജ് ബിൽ ലോക്‌സഭയിൽ പാസാക്കി^[11].

മാർച്ച് 24

• മ്യാൻമാറിലും തായ്‌ലന്റിലും റിക്ടർ സ്കെയിലിൽ 6.8 രേഖപ്പെടുത്തിയ ഭൂചലനത്തിൽ 60 മരണം^[12].

മാർച്ച് 23

• ഹോളിവുഡ് നടി എലിസബത്ത് ടൈലർ (79 ) നിര്യാതയായി^[13].
• കേരളത്തിൽ എല്ലാ റേഷൻ കാർഡ് ഉടമകൾക്കും രണ്ടു രൂപയ്ക്ക് അരി വിതരണം ചെയ്യാനുള്ള പദ്ധതി തടഞ്ഞ തിരഞ്ഞെടുപ്പ് കമ്മീഷന്റെ ഉത്തരവ് റദ്ദാക്കിയ ഹൈക്കോടതി നടപടിക്കെതിരെ തിരഞ്ഞെടുപ്പ് കമ്മീഷൻ സുപ്രീംകോടതിയിൽ ഈ ആഴ്ചതന്നെ അപ്പീൽ ഹർജി നൽകും^[14].
• ഇന്ത്യയിലെ ആദ്യ ഓൺലൈൻ വോട്ടിങ് ഏപ്രിൽ 19-ന് ഗുജറാത്തിൽ^[15].

മാർച്ച് 22

• ജപ്പാനിൽ നിന്നുള്ള ഭക്ഷ്യവസ്തുക്കൾക്ക് അമേരിക്കയിൽ ഇറക്കുമതി നിരോധനം.^[16].

മാർച്ച് 21

• ജപ്പാനിൽ ഭൂകമ്പത്തിലും സുനാമിയിലും മരിച്ചവരുടെ എണ്ണം 9000 കവിഞ്ഞതായി ഔദ്യോഗിക റിപ്പോർട്ട്^[17].
• കേരളത്തിൽ എല്ലാ റേഷൻ കാർഡ് ഉടമകൾക്കും രണ്ടു രൂപയ്ക്ക് അരി വിതരണം ചെയ്യാനുള്ള പദ്ധതി തടഞ്ഞ തിരഞ്ഞെടുപ്പ് കമ്മീഷന്റെ ഉത്തരവ് ഹൈക്കോടതി റദ്ദാക്കി^[18].

മാർച്ച് 20

• വിദേശ സൈന്യത്തിനെതിരെ യുദ്ധത്തിന് തയ്യാറാണെന്ന് ലിബിയൻ പ്രസിഡന്റ് മുഅമർ ഗദ്ദാഫി^[19]. മരണം 64^[20].

മാർച്ച് 19

• വെടിനിർത്തൽ ലംഘിച്ച ലിബിയയ്ക്കെതിരെ സഖ്യസേന ആക്രമണം ശക്തമാക്കി. 48 മരണം^[21].
• ജപ്പാനിൽ ഭൂകമ്പത്തിലും സുനാമിയിലും മരിച്ചവരുടെ എണ്ണം 7000 കവിഞ്ഞതായി ഔദ്യോഗിക സ്ഥിരീകരണം^[22].

മാർച്ച് 18

• സുഡാനിൽ സർക്കാർ വിരുദ്ധ വിഭാഗങ്ങളും സൈന്യവും തമ്മിലുള്ള ഏറ്റുമുട്ടലിൽ 30 സൈനികരുൾപ്പടെ 70 മരണം^[23].
• ലിബിയ വെടിനിർത്തൽ പ്രഖ്യാപിച്ചു^[24].
• കേരളത്തിൽ രണ്ട് രൂപയ്ക്ക് അരി വിതരണം ചെയ്യാനുള്ള സർക്കാരിന്റെ തീരുമാനം തിരഞ്ഞെടുപ്പിൽ വോട്ടർമാരെ സ്വാധീനിക്കാനുള്ള നടപടിയാണെന്ന് തിരഞ്ഞെടുപ്പ് കമ്മിഷൻ ഹൈക്കോടതിയിൽ സത്യവാങ്മൂലം നൽകി^[25].
• ഐക്യരാഷ്ട്രസഭ ലിബിയയെ വ്യോമനിരോധിത മേഖലയായി പ്രഖ്യാപിച്ചു^[26].

മാർച്ച് 16

• രണ്ട് രൂപയ്ക്ക് അരി നൽകുന്ന കേരളാ സർക്കാരിന്റെ പദ്ധതി തടയാൻ തിരഞ്ഞെടുപ്പ് കമ്മീഷന് അധികാരമുണ്ടോയെന്ന് പരിശോധിക്കണമെന്ന് കേരളാ ഹൈക്കോടതി^[27].

മാർച്ച് 15

• 2ജി സ്പെക്ട്രം കേസിൽ മുൻ മന്ത്രി എ. രാജ കോഴ വാങ്ങിയതിനു തെളിവുണ്ടെന്ന് എൻഫോഴ്‌സ്‌മെന്റ് ഡയറക്ടറേറ്റ് സുപ്രീംകോടതിയെ അറിയിച്ചു^[28].
• സർക്കാർ വിരുദ്ധ പ്രക്ഷോഭങ്ങൾ തുടരുന്ന ബഹ്‌റൈനിൽ അടിയന്തരാവസ്ഥ പ്രഖ്യാപിച്ചു^[29].
• 2ജി സ്പെക്ട്രം കേസിൽ അന്വേഷണ പുരോഗതി റിപ്പോർട്ട് സി.ബി.ഐ. സുപ്രീം കോടതിയിൽ സമർപ്പിച്ചു^[30].
• ഭൂകമ്പമുണ്ടായ വടക്ക് കിഴക്കൻ ജപ്പാനിൽ ഫുക്കുഷിമ ആണവവൈദ്യുതനിലയത്തിൽ മൂന്നാമതും സ്ഫോടനം^[31].

മാർച്ച് 14

• പാമോയിൽ കേസിൽ തിരുവനന്തപുരം വിജിലൻസ് കോടതി തുടരന്വേഷണാനുമതി നൽകി^[32].

മാർച്ച് 13

• വടക്ക് കിഴക്കൻ ജപ്പാനിലുണ്ടായ ഭൂകമ്പ തീവ്രത 9.0 എന്ന് സ്ഥിരീകരിച്ചു. ഭൂചലനവും സുനാമിയും മൂലം മരണം രണ്ടായിരത്തിലധികം^[33].

മാർച്ച് 12

• കൊച്ചി ഐ.പി.എൽ. ടീമിന്റെ പേര് കൊച്ചി ടസ്കേഴ്സ് കേരള എന്ന് തീരുമാനം^[34].
• ഭൂകമ്പമുണ്ടായ വടക്ക് കിഴക്കൻ ജപ്പാനിൽ ആണവറിയാക്ടർ പൊട്ടിത്തെറിച്ചു^[35]. ഭൂകമ്പദുരന്തത്തിൽ മരണം 1500 കവിഞ്ഞു.
• ലോകകപ്പ് ക്രിക്കറ്റിൽ സൗത്ത് ആഫ്രിക്ക ഇന്ത്യയെ 3 വിക്കറ്റിനു തോല്പിച്ചു.^[36].

മാർച്ച് 11

• ഖനിയിൽ സ്ഫോടനം ചൈനയിൽ 13 മരണം^[37].
• വടക്ക് കിഴക്കൻ ജപ്പാനിൽ റിക്ടറിൽ 8.9 രേഖപ്പെടുത്തിയ ഭൂചലനവും സുനാമിയും മൂലം ആയിരത്തിലേറെപ്പേർ മരിച്ചു.^[38].

മാർച്ച് 10

• പാകിസ്താനിൽ ശവസംസ്‌കാരച്ചടങ്ങിനിടെ ചാവേറാക്രമണത്തിൽ 37 മരണം^[39].
• തന്റെ മകൻ വി.എ. അരുൺകുമാറിനെതിരെ പ്രതിപക്ഷം നൽകിയ പരാതികളിൽ അന്വേഷണം ആവശ്യപ്പെട്ട് മുഖ്യമന്ത്രി വി.എസ് അച്യുതാനന്ദൻ ആഭ്യന്തര വകുപ്പിന് നിർദേശം നൽകി^[40].

മാർച്ച് 9

• ലോകകപ്പ് ക്രിക്കറ്റിൽ ഇന്ത്യക്ക് നെതർലന്റ്സിനെതിരെ വിജയം^[41].
• ഇടമലയാർ കേസിൽ ഒരുവർഷം കഠിന തടവിന് ശിക്ഷിക്കപ്പെട്ട ആർ. ബാലകൃഷ്ണപിള്ള നൽകിയ റിവ്യൂ ഹർജി സുപ്രീം കോടതി തള്ളി^[42].
• വടക്ക് കിഴക്കൻ ജപ്പാനിൽ റിക്ടർ സ്‌കെയിലിൽ 7.2 രേഖപ്പെടുത്തിയ ഭൂചലനം. സുനാമി മുന്നറിയിപ്പ് പുറപ്പെടുവിച്ചു^[43].

മാർച്ച് 8

• ഈജിപ്തിലെ കെയ്‌റോവിൽ ക്രിസ്ത്യൻ - മുസ്ലിം മതവിശ്വാസികൾ തമ്മിലുണ്ടായ വർഗീയ സംഘർഷത്തിൽ ഒരാൾ കൊല്ലപ്പെട്ടു^[44].
• ലോകകപ്പ് ക്രിക്കറ്റിൽ പാക്കിസ്ഥാന് ന്യൂസിലൻഡിനെതിരെ തോൽവി^[45].

മാർച്ച് 7

• കേരളത്തിൽ രണ്ടുരൂപയ്ക്ക് അരി നൽകാനുള്ള മന്ത്രിസഭാ തീരുമാനം തിരഞ്ഞെടുപ്പ് കമ്മീഷൻ തടഞ്ഞു^[46].
• ഇന്ത്യയിൽ ദയാവധം അനുവദിക്കാനാവില്ലെന്ന് സുപ്രീം കോടതി വിധി^[47].
• ലോകകപ്പ് ക്രിക്കറ്റിൽ കെനിയയ്കെതിരെ കാനഡയ്ക് ജയം ^[48].

മാർച്ച് 6

• ലോകകപ്പ് ക്രിക്കറ്റിൽ അയർലൻഡിനെതിരെ ഇന്ത്യയ്ക്ക് അഞ്ചു വിക്കറ്റ് വിജയം^[49].
• ബാലിസ്റ്റിക് മിസൈലുകളെ തടഞ്ഞു തകർക്കുന്ന മിസൈൽ പരീക്ഷണത്തിൽ ഇന്ത്യ വിജയിച്ചു^[50].
• ലോകകപ്പ് ക്രിക്കറ്റിൽ ശ്രീലങ്ക സൗത്ത് ആഫ്രിക്കയേയും ഇന്ത്യ അയർലന്റിനെയും നേരിടും^{[51] [52]}.

മാർച്ച് 5

• യു.എസ്. വ്യോമസേന രഹസ്യ ബഹിരാകാശ വിമാനം വിക്ഷേപിച്ചു^[53].
• സച്ചിൻ തെൻഡുൽക്കർ ഓണററി ഡോക്ടറേറ്റ് പദവി നിരസിച്ചു^[54].
• നാസയുടെ കാലാവസ്ഥാ പഠന ഉപഗ്രഹം വിക്ഷേപിച്ച, ടോറസ-എക്സൽ റോക്കറ്റ് വിക്ഷേപിച്ച് മൂന്നാം മിനിട്ടിൽ തകർന്നു.
• ലോകകപ്പ് ക്രിക്കറ്റിൽ ശ്രീലങ്ക ഓസ്ട്രേലിയ മത്സരം മഴ മൂലം ഉപേക്ഷിച്ചു.^[55].

മാർച്ച് 4

• ആഭ്യന്തരകലഹം നടക്കുന്ന ലിബിയയിൽ ഉണ്ടായ സ്ഫോടനത്തിൽ 37 പേർ കൊല്ലപ്പെട്ടു^[56].
• ഈജിപ്ത് പ്രധാനമന്ത്രിയായി എസ്സാം ഷറഫിനെ ഉന്നത പട്ടാള സമിതി നിയമിച്ചു^[57].
• അഖിലേന്ത്യാ കോൺഗ്രസ് പ്രവർത്തക സമിതി പുന:സംഘടിപ്പിച്ചു^[58].
• മനുഷ്യാവകാശക്കമ്മീഷൻ അദ്ധ്യക്ഷൻ കെ.ജി. ബാലകൃഷ്ണനെതിരെ സ്വീകരിച്ച നടപടിയുടെ റിപ്പോർട്ട് കേന്ദ്രസർക്കാർ സുപ്രീം കോടതിയിൽ സമർപ്പിച്ചു^[59]. ബാലകൃഷ്ണനെതിരായ ഹർജി സുപ്രീം കോടതി രണ്ടാഴ്ച കഴിഞ്ഞു പരിഗണിക്കും.
• ബാബറി മസ്ജിദ്‌ തകർത്ത കേസിൽ എൽ.കെ. അദ്വാനിയ്ക്ക് സുപ്രീം കോടതി നോട്ടീസ് അയച്ചു^[60].
• ലോകകപ്പ് ക്രിക്കറ്റിൽ ന്യൂസിലൻഡ് സിംബാബ്‌വെയെയും, ബംഗ്ലാദേശ് വെസ്റ്റ് ഇൻഡീസിനെയും നേരിടും^[61].
• മനുഷ്യാവകാശക്കമ്മീഷൻ അദ്ധ്യക്ഷൻ കെ.ജി. ബാലകൃഷ്ണനെതിരായ ഹർജി സുപ്രീം കോടതി ഇന്നു പരിഗണിക്കും^[62].

മാർച്ച് 3

• സുപ്രീം കോടതി വിധിയെ തുടർന്ന് പി.ജെ. തോമസിന്റെ കേന്ദ്ര വിജിലൻസ് കമ്മീഷണർ നിയമനം റദ്ദാക്കി^[63].
• ഈജിപ്ത് പ്രധാനമന്ത്രി അഹ്‌മദ് ഷഫീഖ് രാജി വച്ചു^[64].
• ലോകകപ്പ് ക്രിക്കറ്റിൽ സൗത്ത് ആഫ്രിക്ക നെതർലന്റ്സിനെ നേരിടും^[65].

മാർച്ച് 2

• ലോകകപ്പ് ക്രിക്കറ്റിൽഅയർലണ്ട് ഇംഗ്ലണ്ടിനെ 3 വിക്കറ്റിനു തോല്പിച്ചു^[66].
• കൊച്ചി ആഴക്കടലിൽ എണ്ണ, പ്രകൃതിവാതക പര്യവേക്ഷണം വീണ്ടും തുടങ്ങും^[67].
• സ്മാർട്ട് സിറ്റി പദ്ധതിയെ സംസ്ഥാന സെസ് നിയമത്തിൽനിന്ന് ഒഴിവാക്കി കേന്ദ്ര സെസ്‌നിയമത്തിന്റെ പരിധിയിൽ ഉൾപ്പെടുത്തി^[68].
• ലോട്ടറി വിഷയം സി.ബി.ഐ. അന്വേഷിക്കണമെന്നാവശ്യപ്പെട്ട് മുഖ്യമന്ത്രി വി.എസ്. അച്യുതാനന്ദൻ വീണ്ടും പ്രധാനമന്ത്രിയ്ക്ക് കത്തയച്ചു^[69].
• മുഖ്യമന്ത്രി വി.എസ്. അച്യുതാനന്ദനും മകനുമെതിരെ യു.ഡി.എഫ്. ഉന്നയിച്ച ആരോപണങ്ങൾ അന്വേഷിക്കണമെന്ന ആവശ്യമടങ്ങുന്ന കത്ത് ഉമ്മൻ ചാണ്ടി മുഖ്യമന്ത്രിക്ക് നൽകി^[70].
• ലോകകപ്പ് ക്രിക്കറ്റിൽ ഇംഗ്ലണ്ട് അയർലണ്ടിനെ നേരിടും^[71].

മാർച്ച് 1

• കുവൈത്തിൽ മാർച്ച് 1 മുതൽ ജൂൺ 30 വരെയുള്ള പൊതുമാപ്പ് പ്രാബല്യത്തിൽ^[72].
• ഐക്യരാഷ്ട്രസഭാ മനുഷ്യാവകാശ കൗൺസിലിൽ നിന്നും ലിബിയയെ പുറത്താക്കി^[73].
• കേരളത്തിലെ നിയമസഭാ തെരഞ്ഞെടുപ്പ് ഏപ്രിൽ 13-നു് നടക്കും. തെരഞ്ഞെടുപ്പ് വിജ്ഞാപനം മാർച്ച് 19-നും വോട്ടെണ്ണൽ മേയ് 13-നും നടക്കും^[74].
• കൊച്ചി സ്മാർട്ട് സിറ്റി പദ്ധതി ഭൂമിയിൽ 132 ഏക്കറിന് സെസ് പദവി ലഭിച്ചു^[75].
• ഗോധ്ര കേസിൽ 11 പ്രതികൾക്ക് വധശിക്ഷ^[76].
• ലിബിയയിൽ നിന്ന് 600 ഇന്ത്യക്കാർ രണ്ട് പ്രത്യേക വിമാനങ്ങളിൽ തിരിച്ചെത്തി^[77].
• പി.എസ്.സി. പരീക്ഷയ്ക്ക് ഇന്നു മുതൽ തിരിച്ചറിയൽ രേഖ നിർബന്ധം
• ലോകകപ്പ് ക്രിക്കറ്റിൽ ശ്രീലങ്ക കെനിയയെ നേരിടും^[78].