മിഖായേൽ താൾ

ലാത്വിയ റിപ്പബ്ലിക്കിലെ റിഗയിൽ ഒരു ജൂത കുടുംബത്തിലാണ് താൾ ജനിച്ചത്.^[2] സുഹൃത്ത് ഗെന്നാഡി സോസോങ്കോ പറയുന്നതനുസരിച്ച്, അദ്ദേഹത്തിന്റെ യഥാർത്ഥ പിതാവ് "അങ്കിൾ റോബർട്ട്"^[3] എന്ന് മാത്രം തിരിച്ചറിഞ്ഞ ഒരു കുടുംബസുഹൃത്തായിരുന്നു; എന്നിരുന്നാലും, താളിൻറെ മൂന്നാമത്തെ ഭാര്യ ആഞ്ചലീന ഇത് ശക്തമായി നിഷേധിച്ചിരുന്നു.^[4]ജീവിതത്തിന്റെ തുടക്കം മുതൽ താളിൻ അനാരോഗ്യം ഉണ്ടായിരുന്നു. മൂന്നാമത്തെ വയസ്സിൽ വായിക്കാൻ പഠിച്ച അദ്ദേഹത്തിന് പതിനഞ്ച് വയസ്സ് മാത്രം പ്രായമുള്ളപ്പോൾ യൂണിവേഴ്സിറ്റി പഠനം ആരംഭിക്കാൻ അനുവാദം നൽകപ്പെട്ടു. എട്ടാമത്തെ വയസ്സിൽ, ഡോക്ടറും മെഡിക്കൽ ഗവേഷകനുമായ പിതാവിന്റെ കളി വീക്ഷിച്ച് അദ്ദേഹം ചെസ്സ് കളിക്കാൻ പഠിച്ചു.

ചെസ്സ് ബോർഡിൽ സ്വതസ്സിദ്ധമായ ആക്രമണത്മകശൈലി കൈവിടാതിരുന്ന താൾ, ഭാവനാപൂർണ്ണമായ നീക്കങ്ങൾക്കും പേരുകേട്ടയാളാണ്. കരുക്കളെ ചിലപ്പോൾ നിസ്സാരമായിബലികഴിച്ച് എതിരാളിയെ ചിന്താക്കുഴപ്പത്തിലാക്കുകയും , കളിയെ സങ്കീർണ്ണമായ ഒരു തലത്തിലേയ്ക്കു നീക്കുകയും തുടർന്ന് വിജയം ഉറപ്പിക്കുന്നതുമായിരുന്നു അദ്ദേഹത്തിന്റെ സവിശേഷശൈലി. കുറേക്കാലം താളിന് അനാരോഗ്യം കാരണം കരിയറിൽ നിന്നു വിട്ട് നിൽക്കേണ്ടിവരികയും ചെയ്തിട്ടുണ്ട് .