വാക്‌സിനേഷൻ
ഒരു വ്യക്തിയുടെ രോഗപ്രതിരോധശക്തി വർദ്ധിപ്പിക്കുന്നതിനായി പ്രതിജനകം (ഒരു വാക്‌സിൻ) നൽകുന്ന പ്രവൃത്തിയെയാണ് വാക്‌സിനേഷൻ (Vaccination) എന്നു പറയുന്നത്. രോഗം പകർന്നുകിട്ടുന്നതിൽ നിന്നും സംരക്ഷണം നൽകാനോ അതിന്റെ ശക്തിയുടെ അളവു കുറായ്ക്കാനോ വാക്‌സിനേഷനു കഴിയും. ഒരു സമൂഹത്തിലെ വലിയൊരു വിഭാഗം ജനങ്ങൾ വാക്‌സിനേഷൻ എടുത്താൽ ആ സമൂഹത്തിനു മൊത്തമായി ഒരു പ്രതിരോധശേഷി ലഭിക്കുന്നതാണ്. വാക്‌സിനേഷന്റെ ഫലപ്രാപ്തിയെപ്പറ്റി വലിയരീതിയിൽ പഠനം നടത്തുകയും ശരിയെന്നു മനസ്സിലായതുമാണ്.[1][2][3]
| Vaccinations | |
|---|---|
 Child receiving an oral polio vaccine | |
| ICD-9-CM | 99.3-99.5 |
സുരക്ഷ
ഓരോ വ്യക്തിയുടെയും ശരീരത്തിന് വ്യത്യസ്തമായി പ്രതികരിക്കാൻ കഴിയുംഎന്നതിനാൽ ഏതൊരു മരുന്നുകളും നടപടിക്രമവും പോലെ, ഒരു വാക്സിനും എല്ലാവർക്കും 100% സുരക്ഷിതമോ ഫലപ്രദമോ ആകില്ല.[4][5] വേദന അല്ലെങ്കിൽ കുറഞ്ഞ ഗ്രേഡ് പനി പോലുള്ള ചെറിയ പാർശ്വഫലങ്ങൾ താരതമ്യേന സാധാരണമാണെങ്കിലും, ഗുരുതരമായ പാർശ്വഫലങ്ങൾ വളരെ അപൂർവമാണ്. ഗുരുതര പാർശ്വഫലങ്ങൾ ഓരോ 100,000 വാക്സിനേഷനുകളിൽ ഒന്നിൽ സംഭവിക്കുന്നു. പാർശ്വഫലങ്ങളിൽ സാധാരണയായി തൊലി ചുവന്നു തടിക്കുക അല്ലെങ്കിൽ ശ്വസിക്കാൻ ബുദ്ധിമുട്ട് എന്നിവ പോലെയുള്ള അലർജി പ്രതിപ്രവർത്തനങ്ങൾ ഉൾപ്പെടുന്നു.[6][7] എന്നിരുന്നാലും, വാക്സിനുകൾ ചരിത്രത്തിൽ ഇതുവരെ ഉണ്ടായിട്ടുള്ളതിൽ വച്ച് ഏറ്റവും സുരക്ഷിതമാണ്, കൂടാതെ ഓരോ വാക്സിനും അംഗീകാരത്തിന് മുമ്പായി അവരുടെ സുരക്ഷയും ഫലപ്രാപ്തിയും ഉറപ്പുവരുത്തുന്നതിനായി കർശനമായ ക്ലിനിക്കൽ പരീക്ഷണങ്ങൾക്ക് വിധേയമാകുന്നു.[8]
മനുഷ്യരിലെ പരീക്ഷണത്തിന് മുമ്പ്, രോഗപ്രതിരോധ സംവിധാനവുമായി എങ്ങനെ ഇടപഴകുമെന്ന് മാതൃകയാക്കുന്നതിനായി വാക്സിനുകൾ കമ്പ്യൂട്ടർ അൽഗോരിതം വഴി പ്രവർത്തിപ്പിക്കുകയും ഒരു കൾച്ചറിലെ സെല്ലുകളിൽ പരീക്ഷിക്കുകയും ചെയ്യുന്നു.[6][8] അടുത്ത ഘട്ട പരിശോധനയിൽ, എലികൾ, മുയലുകൾ, ഗിനി പന്നികൾ, കുരങ്ങുകൾ എന്നിവ ഉൾപ്പെടെയുള്ള മൃഗങ്ങളിൽ വാക്സിനുകൾ പരീക്ഷിക്കുന്നു.[6] മൃഗങ്ങളിലെ പരീക്ഷണം വിജയകരവും സുരക്ഷിതവുമാണെന്ന് കണ്ടാൽ മാത്രം മൂന്ന് ഘട്ടങ്ങളായുള്ള മനുഷ്യരിലെ പരീക്ഷണം ആരംഭിക്കുന്നു, മുമ്പത്തെ ഘട്ടത്തിൽ സുരക്ഷിതവും ഫലപ്രദവുമാണെന്ന് കണക്കാക്കിയാൽ മാത്രമേ അടുത്ത ഘട്ടത്തിലേക്ക് പോകുകയുള്ളൂ. പഠനത്തിൻറെ ഉദ്ദേശ്യവും അപകടസാധ്യതകളും മനസ്സിലാക്കൊണ്ടുതന്നെ ആളുകൾ ഈ പരീക്ഷണങ്ങളിൽ സ്വമേധയാ പങ്കെടുക്കുന്നു.[8]
പാർശ്വ ഫലങ്ങൾ
സെന്റർസ് ഫോർ ഡിസീസ് കൺട്രോൾ ആൻഡ് പ്രിവൻഷൻ (സിഡിസി) വാക്സിനുകളുടെ ഒരു പട്ടികയും അവയുടെ പാർശ്വഫലങ്ങളും തയ്യാറാക്കിയിട്ടുണ്ട്.[7] പാർശ്വഫലങ്ങളുടെ അപകടസാധ്യത ഒരു വാക്സിനുകൾക്കനുസരിച്ച് വ്യത്യാസപ്പെടുന്നു. ചുവടെ കൊടുത്തിരിക്കുന്ന പാർശ്വഫലങ്ങൾ ഒരു സാധാരണ കുട്ടിക്കാല വാക്സിനായ ഡിഫ്തീരിയ, ടെറ്റനസ്, അസെല്ലുലാർ പെർട്ടുസിസ് (ഡിടിഎപി) വാക്സിന്റെയാണ്.[7]
നേരിയ പാർശ്വഫലങ്ങൾ (സാധാരണ)
- നേരിയ പനി (4 ൽ 1)
- കുത്തിവയ്പ്പ് സ്ഥലത്ത് ചുവപ്പ്, വ്രണം, വീക്കം (4 ൽ 1)
- ക്ഷീണം, മോശം വിശപ്പ് (10 ൽ 1)
- ഛർദ്ദി (50 ൽ 1)
മിതമായ പാർശ്വഫലങ്ങൾ (അസാധാരണം)
- സീഷ്വർ (14,000 ൽ 1)
- ഉയർന്ന പനി (105 ° F ന് മുകളിൽ) (16,000 ൽ 1)
കഠിനമായ പാർശ്വഫലങ്ങൾ (അപൂർവ്വം)
- ഗുരുതരമായ അലർജി പ്രതികരണം (1,000,000 ൽ 1)
- ദീർഘകാല സീഷ്വർ, കോമ, മസ്തിഷ്ക ക്ഷതം എന്നിവ ഉൾപ്പെടെയുള്ള മറ്റ് ഗുരുതരമായ പ്രശ്നങ്ങൾ റിപ്പോർട്ട് ചെയ്യപ്പെട്ടിട്ടുണ്ട്, എന്നാൽ അവ വളരെ അപൂർവമായതിനാൽ അവ വാക്സിനിൽ നിന്നാണോ അല്ലയോ എന്ന് പറയാൻ കഴിയില്ല.