ഹാർബീൻ
ചൈനയുടെ വടക്കുകിഴക്ക് അറ്റത്തുള്ള ഹെയ്ലോങ്ജിയാങ് പ്രവിശ്യയുടെ തലസ്ഥാനവും ഏറ്റവും വലിയ നഗരവുമാണ് ഹാർബീൻ. ഇതിനു പുറമേ ചൈനയിലെ എട്ടാമതു വലിയ നഗരവും വടക്കുകിഴക്കൻ ചൈനയിലെ ഏറ്റവും വലിയ പട്ടണവുമാണ്.[5] രാഷ്ട്രീയം, സാമ്പത്തികം, ശാസ്ത്രം, കല എന്നീ മേഖലകളിൽ വൻശക്തിയുമാണ്.
ഹാർബീൻ (哈尔滨市) | ||
|---|---|---|
ഉപ പ്രവിശ്യാ നഗരം | ||
 Clockwise from top: Hongbo Plaza, Saint Sofia Cathedral, Songpu Bridge, Harbin Ice and Snow World, Central Avenue, Flood control monument | ||
| ||
| Nickname(s): | ||
 ഹാർബീൻ (ചുവപ്പ്) | ||
| രാജ്യം | ചൈന | |
| പ്രവിശ്യ | ഹെയ്ലോങ്ജിയാങ് | |
| കൗണ്ടികൾ | 18[1] - 9 urban districts, 2 County-level cities and 7 counties | |
| ജനവാസം ആരംഭിച്ചു | 1115-നു മുൻപ് | |
| പട്ടണമായി | 1898 | |
| കൗണ്ടിയായി | 1905-10-31 | |
| മുനിസിപ്പാലിറ്റിയായി | 1921-02-05 | |
| • മുനിസിപ്പൽ കമ്മിറ്റി സെക്രട്ടറി | Chen Haibo | |
| • മേയർ | Song Xibin | |
| • ഉപ പ്രവിശ്യാ നഗരം | 53,068 ച.കി.മീ.(20,490 ച മൈ) | |
| • നഗരം | 4,640.4 ച.കി.മീ.(1,791.7 ച മൈ) | |
| • മെട്രോ | 10,204.8 ച.കി.മീ.(3,940.1 ച മൈ) | |
| ഉയരം | 150 മീ(490 അടി) | |
(2010)[4] | ||
| • ഉപ പ്രവിശ്യാ നഗരം | 1,06,35,971 | |
| • ജനസാന്ദ്രത | 200/ച.കി.മീ.(520/ച മൈ) | |
| • നഗരപ്രദേശം | 52,82,083 | |
| • നഗര സാന്ദ്രത | 1,100/ച.കി.മീ.(2,900/ച മൈ) | |
| • മെട്രോപ്രദേശം | 67,04,573 | |
| • മെട്രോ സാന്ദ്രത | 660/ച.കി.മീ.(1,700/ച മൈ) | |
| Data comes from 2010 National Census (urban population data excludes de facto satellite cities Acheng and Shuangcheng) | ||
| സമയമേഖല | UTC+8 (ചൈനാ സമയം) | |
| പോസ്റ്റൽ കോഡ് | 150000 | |
| ഏരിയ കോഡ് | 451 | |
| ലൈസൻസ് പ്ലേറ്റ് | 黑A, 黑L | |
| Gross domestic product (2013) | CNY 501.08 billion | |
| - Growth |  8.9% | |
| - per capita | CNY 49,565 | |
| GDP (PPP) | 2013 | |
| - Total | US$117.99 billion | |
| - Per capita | US$ 11,671 | |
| Köppen climate classification | Humid continental climate#Hot/warm summer subtype | |
| പൂവ് | ലൈലാക്ക് | |
| വെബ്സൈറ്റ് | Harbin Official Website | |
ചരിത്രം
ഹാർബീൻ എന്ന വാക്കിന്റെ അർത്ഥം 'മീൻവല ഉണക്കുന്ന സ്ഥലം' എന്നാണ്.[6] ജനവാസം രണ്ടായിരത്തോളം വർഷം മുൻപേ തുടങ്ങിയെങ്കിലും വലിയ പട്ടണമാവുന്നത് 1115-ൽ ആദ്യ ജിൻ ചക്രവർത്തിയുടെ തലസ്ഥാനമായാണ്. 1153-ൽ തലസ്ഥാനം ബെയ്ജിങ്ങിലേക്ക് മാറ്റി. 1157-ൽ ഹാർബീനിലെ കൊട്ടാരം പോളിച്ചുകളയുകയും ചെയ്തു.[7] എന്നാൽ 1173-ൽ പുതിയൊരു കൊട്ടാരം പണിയുകയും ഹാർബീനെ രണ്ടാമത്തെ തലസ്ഥാനമാക്കുകയും ചെയ്തു.[8] മംഗോളുകളുടെ ആക്രമണത്തിനുശേഷം ഹാർബീൻ ഉപേക്ഷിക്കപ്പെട്ടു.
ചൈനയും റഷ്യയും തമ്മിലുള്ള തീവണ്ടി പാത ഹാർബീന് അടുത്തുകൂടെയാണ് പോയത്. 1898-ൽ ഒരു ചെറിയ ഗ്രാമം മാത്രമായി ചുരുങ്ങിയിരുന്ന ഹാർബീനെ റഷ്യക്കാർ തങ്ങളുടെ കച്ചവടകേന്ദ്രമായി തിരഞ്ഞെടുത്തു. 1904-ലെ റഷ്യ - ജപ്പാൻ യുദ്ധത്തിൽ റഷ്യ പരാജയപ്പെട്ടുവെങ്കിലും ഹാർബീന്റെ വളർച്ച തുടർന്നു. 1910-ൽ പ്ലേഗ് പടരുകയും ആയിരത്തി അഞ്ഞൂറോളം ആളുകൾ മരിക്കുകയും ചെയ്തു. ഹാർബീൻ മെഡിക്കൽ സർവ്വകലാശാലയുടെ സ്ഥാപകനായ ഡോ. വൂ ലിയെന്തീയുടെ നിർദ്ദേശപ്രകാരം മരിച്ചവരെ ദഹിപ്പിക്കാൻ തുടങ്ങിയതോടെയാണ് രോഗം ശമിച്ചത്. 1917-ൽ ജനസംഖ്യ ഒരു ലക്ഷം കടന്നു.
1931-ൽ ജപ്പാൻ ഹാർബീൻ പിടിച്ചെടുത്തു. മൂവായിരത്തിലധികം പേരാണ് ജപ്പാൻകാരുടെ 'പരീക്ഷണങ്ങ'ളിൽ മരിച്ചത്. 1945 ആഗസ്റ്റ് 20-ന് സോവിയറ്റ് സേന ഹാർബിൻ പിടിച്ചെടുത്തു. അവിടെയുണ്ടായിരുന്ന റഷ്യക്കാരെ സോവിയറ്റ് യൂണിയനിലേക്ക് മാറ്റിപ്പാർപ്പിച്ചു. 1946-ൽ നഗരം (കമ്മ്യൂണിസ്റ്റ്) ചൈനയ്ക്ക് കൈമാറി. 1996-ൽ മൂനാമത് ഏഷ്യൻ ശീതകാല ഗെയിംസ് ഹാർബീനിൽ നടത്തി.
കാലാവസ്ഥ
ജൂലൈയിൽ ഉയർന്ന താപനില 28-ഉം ജനുവരിയിൽ താഴ്ന്ന താപനില -21-ഉമാണ്. വർഷം 52.4 സെന്റീമീറ്റർ മഴ ലഭിക്കുന്നു.
സാമ്പത്തികം
2013-ൽ ഹാർബീന്റെ ജീ. ഡീ. പി. അഞ്ഞൂറ് ബില്യൺ യുവാൻ ആയിരുന്നു. 2015-ൽ ഇത് അഞ്ഞൂറ്റി എഴുപത്തി അഞ്ചായി വർദ്ധിച്ചു. കൃഷിവിളകൾ, തുണിത്തരങ്ങൾ, മരുന്നുകൾ, വിമാനങ്ങൾ, വണ്ടികൾ, ഇലക്ട്രോണിക്സ്, ലോഹങ്ങൾ, രാസവസ്തുക്കൾ എന്നിവയാണ് പ്രധാന കയറ്റുമതി വസ്തുക്കൾ. ജല / താപ വൈദ്യുതീനിലയങ്ങളും ബാങ്കുകളും ഹാർബീനിലുണ്ട്. തുറമുഖസൗകര്യവും ലഭ്യമാണ്.
കായികം
സ്കേറ്റിങ്, ഫുട്ബോൾ, ബാൻടി, സ്കീയിങ് എന്നിവയാണ് പ്രധാന കായിക വിനോദങ്ങൾ. 1996-ലെ ശീതകാല ഏഷ്യൻ ഗെയിംസും 2003-ലെ ഏഷ്യൻ ബാസ്കറ്റ്ബോൾ ചാമ്പ്യൻഷിപ്പും ഹാർബീനിലാണ് നടത്തിയത്.
ഗതാഗതം
വടക്കുകിഴക്കൻ ചൈനയിലെ ഒരു റെയിൽവേ ജംക്ഷനാണ് ഹാർബീൻ. മൂന്ന് തീവണ്ടിനിലയങ്ങളും അതിവേഗ തീവണ്ടി ഗതാഗത സൗകര്യവുമുണ്ട്. പല പ്രധാന റോഡുകളും ഹാർബീനിലൂടെ പോകുന്നു. നഗരമദ്ധ്യത്തിൽനിന്നും മുപ്പത്തിയഞ്ച് കിലോമീറ്റർ ദൂരെയാണ് വിമാനത്താവളം. 2003-ൽ ഹാർബീൻ മെട്രോയുടെ ആദ്യ പാത തുറന്നു. രണ്ടു പാതകളുടെ കൂടി നിർമ്മാണം നടക്കുകയാണ്. സോങ്ഹുവാ നദിയിലെ തുറമുഖം ഏപ്രിൽ മുതൽ നവംബർ വരെ പ്രവർത്തിക്കുന്നു.
വിദ്യാഭ്യാസം
ഒരു പ്രമുഖ ശാസ്ത്ര സാങ്കേതിക കേന്ദ്രമായ ഹാർബീനിൽ അനേകം വിദ്യാഭ്യാസ സ്ഥാപനങ്ങളുണ്ട്. ബഹിരാകാശ / ഡിഫൻസ് മേഖലകളിൽ പ്രസിദ്ധാമായ ഹാർബീൻ ഇൻസ്റ്റിറ്റ്യൂട്ട് ഓഫ് ടെക്നോളജി ആണ് ഇതിലൊന്ന്. 2010-ൽ ഈ സർവ്വകലാശാലയ്ക്ക് അനുവദിക്കപ്പെട്ട ഗവേഷണ ബദ്ജറ്റ് 1 ബില്ല്യൺ യുവാനിലധികമായിരുന്നു. ഹാർബീൻ സാങ്കേതിക സർവ്വകലാശാല, വടക്കുകിഴക്കൻ കൃഷി സർവ്വകലാശാല, വടക്കുകിഴക്കൻ വനപാലന സർവ്വകലാശാല, ഹെയ്ലോങ്ജിയാങ് സർവ്വകലാശാല, ഹാർബീൻ യഹൂദ ഗവേഷണ കേന്ദ്രം, ഹാർബീൻ മെഡിക്കൽ സർവ്വകലാശാല, ഹാർബീൻ സാധാരണ സർവ്വകലാശാല, ഹാർബീൻ ശാസ്ത്ര സാങ്കേതിക സർവ്വകലാശാല എന്നിവയാണ് മറ്റ് പ്രധാന വിദ്യാഭ്യാസ / ഗവേഷണ സ്ഥാപനങ്ങൾ.