खोबरेल तेल

नारळ तेल नारळापासून कोरड्या किंवा ओल्या प्रक्रिया या दोनही प्रकाराने काढता येते.

या प्रक्रियेत एक चांगला नारळ घेऊन त्यातील आतील भाग काढून घेतात व त्याचे छोटे छोटे तुकडे करून घेतात. ते तुकडे बारीक वाटले जातात व त्यात थोडे पाणी मिसळून एका मलमलचा कपड्यामध्ये बांधून ठेवतात. त्यानंतर ते पिळून किंवा दाबून त्यांतून तेल काढले जाते. त्यानंतर नारळाचे दूध वेगळे केले जाते. पाण्यापेक्षा तेल हलके असल्याने ते पाण्यावर तरंगू लागते. याला १२ ते २४ तास लागतात. त्यानंतर नारळाचे तेल काढले जाते. दक्षिण भारतात बहुतेक लोक घरीच तेल बनवतात.

कोरड्या प्रकियेमध्ये नारळाचे तुकडे केले जातात व ओव्हनमध्ये त्यातील सुमारे १० ते १२% ओलावा सुकवला जातो.त् यानंतर लगेच त्या नारळाचा तुकड्यांना दाबून तेल काढले जाते.

नारळाचे तेल सामान्यतः अन्न शिजवताना फोडणीसाठी वापरतात. विशेषतः पदार्थ तळताना तेलाचा जास्त वापर करतात. दक्षिण आशियाई भाज्यांमध्ये सुगंध येण्याकरता नारळाचे तेल वापरतात.

• नारळाचे पाणी :

नारळाच्या पाण्याविषयी एक अतिशय महत्त्वपूर्ण गोष्ट म्हणजे गर्भधारणेनंतर स्रीने आठवड्यातून दोन-तीन वेळा नारळाचे पाणी नियमित ‍प्यायल्यास बाळाची कांती सुधारते आणि बाळाचा रंग उजळतो. ओले तसेच सुके खोबरे शांती देणारे, कामशक्ती वाढवणारे, पोट साफ होण्यास मदत करणारे, अर्थात बद्धकोष्ठाचा नाश करणारे आहे. शिवाय टॉनिक म्हणूनही ते उपयुक्त आहे. त्वचेचे आरोग्य त्यामुळे सुधारते. मात्र, नारळाच्या अतिवापराने कोलॅस्टेराॅल वाढते व हार्टअटॅकचा संभव वाढतो.

• नारळाचे दूध :

नारळाच्या तेलाप्रमाणेच नाराळाच्या दुधाचे उपयोग आहेत. घोव्यातल्या पाककृती कारावायास नाराळाचे दूध अत्यावश्यक असते.

कोरड्या त्वचेचे पोषण करण्यासाठी नारळाचे दूध सर्वोत्तम ठरते. कोरडेपणामुळे जेव्हा त्वचा काळवंडलेली, निस्तेज आणि रखरखीत वाटायला लागते तेव्हा नियमित नारळाच्या दूधाने चेहऱ्याला मसाज केला तर, त्वचा पुन्हा स्निग्ध तुकतुकीत आणि आभायुक्त दिसायला लागते. खरे पाहता त्वचेसाठी नारळाचे दूध म्हणजे एक वरदानच आहे.या व्यतिरिक्त फेशियल मसाज करताना देखील नारळाचे दूध क्रीममध्ये मिसळून वापरतात. असे केल्याने त्वचेवरील सुरकुत्यांचे प्रमाण कमी करण्यास मदत होते.

त्वचेप्रमाणे डोक्यावरील केसांसाठीही नारळाचे दूध अतिशय पोषक आणि गुणकारी ठरते. टाळूची त्वचा आणि केस वाढत नसल्यास नारळाच्या दुधाचा उपयोग उपकारक ठरेल. नारळाच्या दुधामध्ये व्हिटॅमिन ईची गोळी फोडून घातली व त्या मिश्रणाने टाळूला हलक्या हाताने मसाज केल्यास लाभदायक ठरतो. असे आठवड्यातून किमान दोनदा केल्यास निश्चितच केसांचे आणि टाळूच्या त्वचेचे आरोग्य सुधारते.

• शेंगदाणा तेल

^[१][१]^{[permanent dead link]}

[२]

[३]