डिसेंबर ९

ठळक घटना आणि घडामोडी

१८२४ - अयाकुशोची लढाई - ऍंतोनियो होजे दी सुकरच्या नेतृत्वाखाली पेरूच्या स्वातंत्र्यसैनिकांनी स्पॅनिश दलाला हरवून पेरू स्वतंत्र केले.
१८३५ - टेक्सासच्या गणराज्याने सान ऍंतोनियो जिंकले.
१८५६ - ईराणमधील बुशहरने ब्रिटीश लश्करासमोर शरणागति पत्करली.
१८८८ - अमेरिकन युद्ध खात्यात काम करणाऱया हर्मन हॉलेरिथने स्वतः तयार केलेले गणकयंत्र वापरण्यास सुरुवात केली.

१९४० - दुसरे महायुद्ध - रिचर्ड ओ'कॉनोरच्या नेतृत्वाखाली भारतीय व ब्रिटीश सैनिकांनी ईजिप्तच्या सिद बरानीतील ईटालियन सैन्यावर हल्ला केला.
१९४१ - दुसरे महायुद्ध - चीनी गणराज्य, कोरियन गणराज्याचे तात्पुरते सरकार व क्युबाने जर्मनी व जपान विरुद्ध युद्ध पुकारले.
१९४५ - जनरल पॅटन जर्मनीमध्ये अपघातात जखमी.
१९४६ - न्युरेम्बर्ग खटला सुरू.
१९६१ - टांगानिकाला ब्रिटनपासून स्वातंत्र्य.
१९९० - लेक वालेंसा पोलंडच्या अध्यक्षपदी.