ဒေါင်းဆင်ဒရုန်း
ဒေါင်းဆင်ဒရုန်း (အင်္ဂလိပ်: Down syndrome) သို့မဟုတ် ထွိုင်ဆိုမီ-၂၁ (အင်္ဂလိပ်: Trisomy 21 ) သည် မျိုးရိုးဗီဇအစဉ်မကျခြင်းဖြစ်ပြီး ခရိုမိုဆုမ်း-၂၁ တွင် ၂ ခုတစ်စုံ ဖြစ်ရမည့်အစား ၃ ခုတွဲကာ ၃ ခုတစ်စုံ ဖြစ်လာသည်က ဒီရောဂါ အရင်းခံတည်း။ [၁] ထိုသို့ဖြစ်က ရုပ်ပိုင်းဆိုင်ရာဖွံ့ဖြိုးမှု နှေးခြင်း၊ အသိဉာဏ်ဖွံ့ဖြိုးမှု အနိမ့်စားမှ အလတ်စားအထိ ဖြစ်ခြင်း၊ မြင်သာသော မျက်နှာသွင်ပြင်ဆိုင်ရာ ရှိခြင်းတို့ တွေ့ရသည်။ [၂] ဒေါင်းဆင်ဒရုန်းရသူ၏ ပျမ်းမျှဉာဏ်ရည်မှာ ၅၀ သာဖြစ်ပြီး ၈ နှစ်သား ၁၀ နှစ်သားကလေး၏ ဉာဏ်ရည်မျှသာ ဖြစ်သည်။ သို့သော် ကွဲပြားသည်လည်း ရှိ၏။ [၃]
ရောဂါရသူ၏ မိဘများမှာ မျိုးရိုးဗီဇအရ ပုံမှန်ကောင်းမွန်သူများလည်း ဖြစ်နိုင်သည်။ [၄] အသက် ၂၀ ကျော်မိခင်များတွင် ၀.၁% မျှ ဤသို့ဖြစ်လာနိုင်ပြီး အသက် ၄၅ နှစ်အရွယ်မိခင်တွင်မူ ဖြစ်တန်စွမ်း ၃% အထိ တိုးသည်။ [၅] အပိုထွက်လာသော ခရိုမိုဇုမ်းမှာ မည်သို့အတွက်ကြောင့် ဖြစ်ရသည်ဟု မသိရသေး။ [၆] သို့သော် ရောဂါရှိမရှိကို ကိုယ်ဝန်ဆောင်ချိန်၌ သန္ဓေသားစစ်ဆေးခြင်းနည်းဖြင့် စမ်းသပ်ကာ သိနိုင်သည့်နည်းတူ မွေးဖွားပြီးပြီးချင်း မျိုးရိုးဗီဇစစ်ဆေး၍လည်း သိနိုင်သည်။ [၇] ထိုသို့စစ်ဆေးနည်း ပေါ်ပြီးကတည်းကပင် စစ်ဆေး၍ ရောဂါရှိသည်ဟု သိပါက ကိုယ်ဝန်ဖျက်သည်က များလေ၏။ [၈]