ဝါနာဗွန်ဘရောင်း
ဝါနာဗွန်ဘရောင်း (Wernher Magnus Maximilian, Freiherr von Braun) (March 23, 1912 – June 16, 1977) သည် ဂျာမန်-အမေရိကန် ဒုံးပျံသိပ္ပံပညာရှင်၊ လေကြောင်းအင်ဂျင်နီယာ၊[၂] အာကာသဗိသုကာဖြစ်ပြီး ဒုတိယကမ္ဘာစစ်ကာလအတွင်း နာဇီဂျာမနီနှင့် အမေရိကန်ပြည်ထောင်စု၏ ဒုံးပျံနည်းပညာတိုးတက်မှုကို ဖြစ်ပေါ်စေခဲ့သည်။[၃] သူ့အား ဒုံးပျံသိပ္ပံ၏ဖခင်အဖြစ် ကင်ပွန်းတပ်ကြသည်။ သူ အသက် ၂၀ ကာလများနှင့် အသက် ၃၀ အစောပိုင်းကာလများတွင် နာဇီဂျာမနီ၏ ဒုံးပျံစီမံကိန်းတွင် လုပ်ကိုင်ခဲ့သည်။ ဒုတိယကမ္ဘာစစ်အတွင်း ဗွီ-၂ ဒုံးပျံ ထုတ်လုပ်ရေးတွင်လည်း ပူးတွဲလုပ်ကိုင်ခဲ့သည်။ ဝါနာဗွန်ဘရောင်းသည် စက္ကူညှပ်စစ်ဆင်ရေး၏ အစိတ်အပိုင်းအဖြစ် အမေရိကန်ပြည်ထောင်စုသို့ အခြားဂျာမန်သိပ္ပံပညာရှင် ၁၆၀၀ နှင့်အတူ လျှို့ဝှက်စွာ ပြောင်းရွေ့ခဲ့ပြီးနောက် အမေရိကန်၏ တာလတ်ပစ်ဒုံးပျံ စီမံကိန်းတွင် လုပ်ကိုင်လာခဲ့သည်။[၄] အမေရိကန်နိုင်ငံမှ ၁၉၅၈ ခုနှစ်တွင် ပထမဆုံး အာကာသဂြိုဟ်တု Explorer 1 အား ပစ်လွှတ်ရာတွင်အသုံးပြုသည့် ဒုံးပျံအား တီထွင်ခဲ့သည်။
| ဝါနာဗွန်ဘရောင်း | |
|---|---|
 ၁၉၆၀ ခုနှစ်ရှိ ဝါနာဗွန်ဘရောင်း | |
| မွေးဖွား | Wernher Magnus Maximilian, Freiherr von Braun မတ် ၂၃၊ ၁၉၁၂ Wirsitz, Provinz Posen, German Empire (modern Wyrzysk, Piła County, Poland) |
| ကွယ်လွန် | ဇွန် ၁၆၊ ၁၉၇၇ (အသက် ၆၅) en:Alexandria, Virginia, United States |
| သေဆုံးရခြင်း အကြောင်းရင်း | ပန့်ကရိယပ် ကင်ဆာ |
| မြှုပ်နှံရာနေရာ | en:Ivy Hill Cemetery (Alexandria, Virginia)[၁] |
| နိုင်ငံလူမျိုး | ဂျာမန်၊ အမေရိကန် |
| မိခင်ကျောင်း | ဘာလင်နည်းပညာတက္ကသိုလ် ETH Zurich |
| အလုပ်အကိုင် | Rocket engineer and designer |
| အိမ်ထောင်ဖက်(များ) | en:Maria Luise von Quistorp (လက်ထပ် 1947–77) |
| သားသမီး | Iris Careen von Braun Margrit Cecile von Braun Peter Constantine von Braun |
| မိဘ(များ) | Magnus von Braun (senior) (1877–1972) Emmy von Quistorp (1886–1959) |
| စစ်မှုထမ်းဘဝ | |
| သစ္စာခံနိုင်ငံ | နာဇီဂျာမနီ |
| လက်နက်ကိုင်တပ် | SS |
| အမှုထမ်း ကာလ | 1937–1945 |
| ရာထူးအဆင့် | Sturmbannführer, SS |
| တိုက်ပွဲ/စစ်ပွဲများ | ဒုတိယကမ္ဘာစစ် |
| ဆုတံဆိပ်များ | Knights Cross of the War Merit Cross (1944) War Merit Cross, First Class with Swords (1943) |
| အခြား အလုပ် | Rocket engineer, NASA, Built the Saturn V rocket of the Apollo manned moon missions |
၁၉၆၀ ခုနှစ်တွင် သူ၏အဖွဲ့သားများသည် နာဆာသို့ ပြောင်းလဲအလုပ်လုပ်စေပြီး လကမ္ဘာသို့စေလွှတ်မည့် အပိုလို အာကာသယာဉ်များ၏ စေတန် ၅ ဒုံးပျံအား ကွပ်ကဲရန် အကြီးအမှူးအဖြစ် ခန့်အပ်ခံရသည်။[၅][၆] ၁၉၇၅ ခုနှစ်တွင် အမျိုးသားသိပ္ပံဆုကို လက်ခံရရှိခဲ့သည်။ သူသည် လူသားများ အင်္ဂါဂြိုဟ်သို့စေလွှတ်ရေး စီမံကိန်းကိုလည်း ထောက်ခံအားပေးသူဖြစ်သည်။