Bangkok
Bangkok,(thailändsch: กรุงเทพมหานคร Krung Thep Maha Nakhon, [kruŋ tʰêːp máʔhǎː náʔkʰɔːn]; kort thailändsch: กรุงเทพฯ Krung Thep, [kruŋ tʰêːp]; histoorsche Schrievwiese ook Bankok[2]) es de Höövdstad un ook de med enen groten Afstand gröttste Stad van Thailand. De Stad es 1568,7 Quadraatkilometer groot un liggt in den Delta van den Stroom Chao Phraya in Zentraalthailand. Se het œverslaan 10,539 Millionen Inwòners (Stand 2020), wat 15,3 Perzent van ollen Minschen in Thailand sind. Œver 14 Millionen Minschen lèvet in’r Metropoolregioon ümmeto.
| Wapen/Flagg | Koort |
|---|---|
| Koort |
| Basisdaten | |
| Inheemsch Naam: | Krung Thep Maha Nakhon กรุงเทพมหานคร (บางกอก) |
| |
| Flach: | 1.565,2 km² |
| Inwahners: | 8.249.117 (2020[1]) |
| Inwahnerdicht: | 5.270,3 Inwahners pro km² |
| Hööchd: | 5 m över de See |
| Postleettall: | 10100–10900 |
| Vörwahl: | 02 |
| Geograafsche Laag: | 13° 45′ N, 100° 31′ O |
| Grenzen bi OSM: | 92277  |
| Börgermeester: | Chadchart Sittipunt |
| Websteed: | www.bangkok.go.th |
 | |
.svg)
Bangkok geet up enen lüttken Handelsposten binnen den Ayutthaya Köningriek in’n 15. Jaarhunderd trügge. As de Posten grötter worde, make dat Köningriek Thonburo Bangkok de Höövdstad. Ook in den Rattanakosin-Riek bleev Bangkok Höövdstad un was so dat Zentrum Siam, dat läter den Namen Thailand kreeg, to moderniseren. De Stad was sieddenn dat politsche Zentrum van Thailand un domineert vandage de Weerdschop, Poltik, Finanzen , Kultuut un de Medien in Thailand.
De Stad es sied den 1960er Jaren swanke grötter worden un es sied den 1980er un 1990er Jaren ook Sitt van velen multinatschonalen Firmen. De Stad es bekannt vœr sien Nachtlèven un ook för de Roodlichtveerdel.De Grote Palaast un buddhistsche Tempels as Wat Arun un Wat Pho maket enen Kontrast to anderen Attraktschonen binnen den Nachtlèven as de Khaosan Strate oder Patpong. Bangkok es ene van Städen, de up’r gansen Welt de meesten Touristen besöket.
Dat Bangkok so swanke wussen es, maket vandage vèle Probleme, denn enen rechten Plaan gav et nich, as de Stad fix grötter worde. Vandage givt’t Probleme med’r Infrastruktuur un de Verkeer, de sik jümmers stebbet. Ook wenn in den verlèden Jaren versocht worde, dat Probleem med Tœgen un ook Bussen to lösen, blivt de Verkeer een groot Probleem.
Bilder
Satellite image of Bangkok; the area of the city is highlighted and bordered.
Oold Bangkok ümme 1850
Nawiese
Weblenke
- Bangkok Adminstratsschoon (Thai un Engelsch)
- Offitschelle Webstède van Bangkok (Thai un Engelsch)