गल्कोट नगरपालिका

नेपालमा ७४४ स्थानीय तह लागू हुँदा बागलुङ जिल्लामा साविकका दुदिलाभाटी, नरेठाँटी, हटिया, हरीचौर, मल्म, काँडेवास, पाण्डवखानी र रिघा गाउँ विकास समितिहरूलाई समेटेर गल्कोट नगरपालिका बनाइएको हो ।^[१] स्थानीय तह निर्धारणको शिलशिलामा ऐतिहासिक गलकोट तिन तहमा विभाजित भएको छ । गल्कोट प्राकितिक एवम् पर्यटकिय दृष्टिकोणले महत्त्वपुर्ण क्षेत्र हो । यस नगरपालिकाको कूल जनसङ्ख्या ३३,०९७ रहेको छ । यसको क्षेत्रफल १९४.३९ वर्गकिलोमिटर रहेको छ । यस नगरपालिकाको केन्द्र साविकको हरीचौर गाविसको कार्यालयमा राखिएको छ । यस नगरपालिकालाई ११ वडामा विभाजन गरिएको छ । यस नगरपालिकाको सिमाना पूर्वमा काठेखोला गाउँपालिका, पश्चिममा वडिगाड गाउँपालिका उत्तरमा ताराखोला गाउँपालिका तथा दक्षिणमा वरेङ गाउँपालिका र गुल्मी जिल्लासम्म फैलिएको छ ।^[२][३]

गल्कोट Galkot
नगरपालिका
देश	नेपाल
प्रदेश	प्रदेश नं. ४
जिल्ला	बागलुङ जिल्ला
स्थापना	२७ फाल्गुण २०७३
सरकार
• प्रकार	स्थानीय सरकार
• अङ्ग	नगर कार्यपालिका
• प्रमुख	भरत शर्मा गैरे (नेपाली कांग्रेस)
• उपप्रमुख	रेणुका काउचा (नेपाली कांग्रेस)
• कार्यकारी	प्रदिपचन्द्र सुवेदी
क्षेत्रफल
• जम्मा	१९४.३९ किमी२ (७५.०५ वर्ग माइल)
जनसङ्ख्या  (राष्ट्रिय जनगणना २०६८)
• जम्मा	३३,०९७
• घनत्व	१७०/किमी२ (४४०/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
क्षेत्रीय सङ्केत	+९७७-६८
केन्द्र	साविकको हरीचौर गाविसको कार्यालय