ड्यानी रोज (फुटबल खेलाडी)

लिड्स युनाइटेड

ड्यानी रोजको जन्म सन् १९९० जुलाई २ का दिन दक्षिण योर्कसियरको डनकेस्टरमा भएको थियो^[५] भने उनले सन् २००६ मा सोही स्थानमा अवस्थित लिड्स युनाइटेड नामक एक फुटबल क्लब फुटबलमा प्रशिक्षण लिन सुरु गरेका थिए भने उनले सोही वर्ष उक्त क्लबको वरिष्ठ टोलीमा पनि आवद्ध भएका थिए।^[६] लिड्स युनाइटेडबाट फुटबलमा प्रशिक्षण लिन सुरु गरेका रोजले उक्त क्लबमा एक पनि उपस्थिति नजनाई इङ्ल्यान्डको प्रिमियर लिग नामक एक सर्वोच्च लिगमा प्रतिस्पर्धा गर्ने क्लब टोटनह्याम हट्सपरमा सन् २००७ मा आवद्ध भएका थिए।^[७]

टोटनह्याम हट्सपर

सन् २००७ जुलाई १ का दिन प्रिमियर लिगको क्लब टोटनह्याम हट्सपरले रोजलाई १० लाख युरोमा लिड्स युनाइटेडबाट खरिद गरी उक्त क्लबमा आवद्ध गराएको थियो।^[८] उनले त्यसपछि सन् २००८ सम्म टोटनह्याम हट्सपरले खेलेका खेलका लागि अतिरिक्त खेलाडीको रूपमा योगदान दिएका थिए भने सोही वर्ष उनको घुँडामा चोट लागेका कारण उनले केही महिना विश्राम लिएका थिए।^[९] सन् २०१० मा रोजले एफए कपमा लिड्स युनाइटेडको विरुद्धमन हट्सपरको तर्फबाट खेल खेलेका थिए भने उक्त बराबरीमा समाप्त भएको थियो।^[१०] सन् २०१० अप्रिल १४ का दिन रोजले टोटनह्यामको तर्फबाट सर्वोच्च प्रिमियर लिगमा पर्दापण गरेका थिए भने त्यस खेल आर्सनल र हट्सपर बीच आयोजना गरिएको थियो।^[११] यस खेलमा रोजले खेलको १० मिनेटमा टोलीका लागि पहिलो गोल गर्दै टोलीलाई अग्रता दिलाएका थिए भने उक्त खेल हट्सपरले २-१ को गोल अन्तरले जित्न सफल भएको थियो।^[१२] सोही वर्ष उनले त्यस खेलमा गरेको गोलका कारण टोटनह्यामको वेबसाइट र स्काई स्पोर्ट्सद्वारा सञ्चालन वर्षको सर्वोत्कृष्ट गोलको छनोटमा मतदानका कारण वर्षको उत्कृष्ट गोलको रूपमा सर्वाधिक मत प्राप्त गरेका थिए।^{[१३][१४]} सन् २०११ मे ११ का दिन ब्ल्याकपुलको विरुद्धमा आयोजित खेलमा पनि उनले हट्सपरका तर्फबाट खेलमा सहभागिता जनाएका थिए भने उक्त खेल १-१ को बराबरीमा टुङ्गिएको थियो। ^{[१५][१६][१७][१८]}

विभिन्न क्लबहरूमा ऋणमा आवद्ध

सन् २००९ को मार्च महिनामा उनी प्रिमियर लिगको वाट्फोर्ड नामक एक क्लबसँग ऋणमा आवद्ध भएका थिए भने उनले उक्त क्लबमा आवद्ध भएपश्चात् सन् २००८-०९ को प्रिमियर लिग संस्करणमा सोही क्लबको प्रतिनिधित्व गरेका थिए।^[१९] सन् २००९ अप्रिल ४ का दिन डनक्यास्टरको विरुद्ध आयोजित खेलमा रोजले वाट्फोर्डका तर्फबाट पर्दापण गरेका थिए भने उक्त खेल वाट्फोर्डले २-१ को गोल अन्तरले जित्न सफल भएको थियो।^[२०] सन् २००९ सेप्टेम्बर २९ का दिन रोज सन् २०१० को जनवरीसम्मका लागि पिटरब्रोउग युनाइटेड फुटबल क्लबसँग ऋणमा आवद्ध भएका थिए।^[२१] पिटरब्रोउग युनाइटेडका प्रबन्धकको प्रस्थान पश्चात् सन् २००९ नोभेम्बर ११ का दिन उनी पुनः टोटनह्याममा फिर्ता भएका थिए। ^[२२]

सन् २०१० सेप्टेम्बर ९ का दिन उनले इङ्ल्यान्ड च्याम्पियनसिप नामक दोस्रो सर्वोच्च लिग च्याम्पियनसिपको क्लब ब्रिस्टल सिटीसँग ऋणमा आवद्ध भएका थिए। ^[२३]१३ नोभेम्बरका दिन उनी ब्रिस्टल सिटीको तर्फबाट पूर्व क्लब लिड्स युनाइटेडको विरुद्ध मैदान उत्रिएका थिए भने उनको उक्त क्लबमा उपस्थिति देखेर घरेलुु समर्थकहरूले उनको आलोचना गरेका थिए।^[२४] सन् २०११ को फेब्रुअरी महिनामा उनी पुनः टोटनह्याम हट्सपरमा फिर्ता भएका थिए। सन् २०१२ अगस्ट ३१ का दिन उनले प्रिमियर लिगको क्लब सुन्डरल्यान्डमा ऋणमा आवद्ध भएका थिए।^[२५] रोजले सन् २०१२ सेप्टेम्बर १५ का दिन लिभरपुलको विरुद्ध उक्त क्लबका लागि प्रिमियर लिगमा पहिलो उपस्थिति जनाएका थिए।^[२६] सन् २०१३ अप्रिल २९ का दिन एस्टर भिल्लाको विरुद्ध आयोजित खेलमा उनले क्लबका तर्फबाट पहिलो गोल गर्न सफल भएका थिए। ^[२७]रोज त्यसपछि सन् २०१३ मानै हट्सपरमा फिर्ता भएका थिए भने सन् २०१३ मे महिनामा आयोजित एक खेलमा पाखुरामा चोट लागेका कारण उनीको पाखुराको शल्यक्रिया गराएका थिए।^[२८]

सन् २००५ मा रोजले १६ वर्ष मुनिको इङ्ल्यान्ड राष्ट्रिय फुटबल टोलीको तर्फबाट आफ्नो अन्तर्राष्ट्रिय फुटबल कार्यजीवनको सुरुवात गरेका थिए भने उनले उक्त टोलीमा आवद्ध रहँदा १ वर्षको अवधिमा कुल ५ उपस्थितिहरू जनाएका थिए।^[२९] सन् २००६ मा उनको १७ वर्ष मुनिको राष्ट्रिय टोलीमा पदोन्नति भएको थियो भने उनले १ वर्षे बसाइँमा उक्त टोलीका लागि कुल १३ उपस्थितिहरू जनाएका थिए।^[३०] सन् २००९ जुन १ का दिन रोजलाई २१ वर्ष मुनिको राष्ट्रिय टोलीको प्रतिनिधित्व गर्नका लागि बोलाइएको थियो भने उनले सोही वर्ष आयोजित युरोपेली च्याम्पियनसिप नामक एक अन्तर्राष्ट्रिय फुटबल प्रतियोगितामा टोलीका तर्फबाट केही खेलहरू खेलेका थिए। ८ जुनका दिन आयोजित अजरबैजान विरुद्धको मैत्रीपूर्ण खेलमा रोजले टोलीका तर्फबाट पहिलो आधिकारिक खेल खेलेका थिए भने उक्त खेलमा राष्ट्रिय टोलीले अजरबैजान राष्ट्रिय टोलीलाई ७-० को फराकिलो गोल अन्तरले पराजित गर्न सफल भएको थियो। ^[३१]सन् २००९ नोभेम्बर १४ का दिन रोजले सन् २०११ को युरोपेली च्याम्पियन्सिप नामक एक अन्तर्राष्ट्रिय फुटबल प्रतियोगिताको छनोट खेलमा पुर्तुगाल विरुद्ध पहिलो आधिकारिक गोल गर्न सफल भएका थिए भने उक्त खेलमा इङ्ल्यान्ड २१ वर्ष मुनिको राष्ट्रिय टोलीले पुर्तुगाल २१ वर्ष मुनिको राष्ट्रिय टोलीलाई पराजित गर्न सफल भएको थियो।^[३२] सन् २०१० अगस्ट १० का दिन आयोजित उज्बेकिस्तान विरुद्धको खेलमा रोजले दोस्रो गोल गर्दै टोलीका लागि थप अग्रता दिलाएका थिए भने उक्त खेल इङ्ल्यान्डले २-० गोल अन्तरले जित्न सफल भएको थियो।^[३३] सन् २०११ को युरोपेली च्याम्पियनसिप आयोजना हुनु भन्दा अगाडिको अन्तिम खेलमा रोजले नर्वेको विरुद्ध व्यक्तिगत तेस्रो गोल गर्न सफल भएका थिए भने उक्त खेल पनि राष्ट्रिय टोलीले २-० गोल अन्तरले हात पारेको थियो। ^{[३४][३५]}

सन् २०१२ अक्टोबर १६ का दिन आयोजित सन् २०१३ को युएफा अन्डर २१ च्याम्पियनसिपको छनोट खेलमा इङ्ल्यान्ड र सर्विया विरुद्धको खेल आयोजना गरिएको थियो भने उक्त खेलको सकिएपछि रोजले बललाई खुट्टाले प्रहार गर्दै दर्शक स्थित ठाउँमा पुर्‍याएका कारण उनले रातो कार्ड खाएका थिए।^[३६] उक्त खेलको अन्तिम समय निकै तनावग्रस्त भएतापनि उक्त खेल इङ्ल्यान्डले जित्न सफल भएको थियो। सन् २०१६ को यएफा युरो कपको छनोट खेलमा रोजलाई सन् २०१४ अगस्ट २४ का दिन पहिलोपटक वरिष्ठ राष्ट्रिय टोलीमा समावेश गरिएको थियो।^{[३७][३८]} सन् २०१६ मार्च २६ का दिन आयोजित जर्मनी विरुद्धको एक मैत्रीपूर्ण खेलमा रोजले वरिष्ठ राष्ट्रिय टोलीको तर्फबाट अन्तर्राष्ट्रिय फुटबल जगतमा पर्दापण गरेका थिए भने उक्त खेलमा राष्ट्रिय टोलीले जर्मनीलाई ३-२ गोल अन्तरले पराजित गर्न सफल भएको थियो। सन् २०१८ मा रूसमा आयोजना हुन लागेको फिफा विश्वकपको संस्करणका लागि इङ्ल्यान्ड राष्ट्रिय टोलीको गठन गर्ने समयमा रोजलाई पनि वरिष्ठ टोलीको एक खेलाडीको रूपमा समावेश गराइएको थियो।^[३९]

क्लब

अद्यावधिक ८ सेप्टेम्बर २०२०

अन्तर्राष्ट्रिय

अद्यावधिक ११ अक्टोबर २०१९^[५४]

विकिमिडिया कमन्समा ड्यानी रोज (फुटबल खेलाडी) सम्बन्धी अन्य सामग्रीहरू रहेका छन्।

• ड्यानी रोजको प्रोफाइल टोटनह्यामको आघिकारिक वेबसाइटमा
• प्रोफाइल फुटबलको आघिकारिक वेबसाइटमा