न्यु इयर्स डे (टेलर स्विफ्टको गीत)

"न्यु इयर्स डे" गीतलाई टेलर स्विफ्ट र ज्याक एन्टोनअफले रचना र निर्माण गरेका हुन्। एन्टोनअफले वर्णन गरेकी यो गीत उनी आफ्नो घरमा हुँदा एकदमै छिटो रचिएको थियो।^[२] यस गीतलाई रचना गर्नमा स्विफ्टले लण्डनमा हुँदा नयाँ वर्षको अघिल्लो दिन आयोजना गरेको एक पार्टीले प्रेरणा दिएको थियो भने यस गीतको सार पनि त्यहिँ समारोहसँग सम्बन्धि छ।^[३][४] "न्यु इयर्स डे" रेपुटेसन एल्बमको सार्वजनिक भएपछि पनि निकै समयपछि सार्वजनिक गराइएको गीत थियो।^[५] यस गीतले अमेरिकी कन्ट्रि रेडियोमा एल्बमको चौँथो एकलको रूपमा २७ नोभेम्बर २०१७ मा सार्वजनिक गरिएको थियो।^[६]

"न्यु इयर्स डे" गीत अमेरिकी चार्ट कम्पनी हट कन्ट्रि सङको शीर्ष ४० मा आउँदै चार्ट प्रवेश गरेको थियो भने पछि यो गीत शीर्ष ३३ मा आउन सफल भएको थियो। यस गीतले कन्ट्रि एयरप्ले चार्टको पनि ४१अौँ स्थानमा आएको थियो। यो गीत सन् २०१४ मा स्विफ्टको सेक इट अफ पछि दुवै चार्टमा प्रवेश गर्ने पहिलो गीत बनेको थियो। यो गीत क्यानडाको आधिकारिक चार्ट कम्पनी क्यानडेली हट १०० मा शीर्ष ५०अौँ स्थानमा आउन सफल भएको थियो।

"न्यु इयर्स डे" गीतको प्रत्यक्ष प्रस्तुति अक्टोबर २०१७ मा स्विफ्टको रेपुटेसन विश्व भ्रमणका बेलामा रेकर्ड गरिएको थियो। भने उक्त प्रस्तुतिलाई एबीसि टेलिभिजन द्वरा ९ नोभेम्बर २०१७ मा पुन:प्रसारण गरिएको थियो।^[७] स्विफ्टले यस गीतलाई १३ नोभेम्बर २०१७ मा जिम्मी फलोनको द टुनाइट सो विथ जिम्मी फलोन कार्यक्रममा प्रत्यक्ष प्रस्तुति दिएकी थिइन्।^[८][९] यस गीतलाई स्विफ्टले आफ्नो रेपुटेसन विश्व भ्रमणका बेलामा विभिन्न देशका सहरहरूमा प्रत्यक्ष प्रस्तुति दिएकी थिइन्।^[१०]

• न्यु इयर्स डे गीतको सार