म्याग्दे गाउँपालिका
म्याग्दे तनहुँ जिल्लाको मध्य भागमा फैलिएको एक गाउँपालिका हो ।[१] विसं २०७३ सालमा नेपालको नयाँ प्रादेशिक संरचना कायम गर्दा तनहुँ जिल्लामा छाङ, जामुने र मनपाङ गाउँ विकास समितिहरूलाई समेटेर म्याग्दे गाउँपालिका घोषणा गरिएको हो ।[२]
म्याग्दे | |
|---|---|
 म्याग्दे गाउँपालिकाको वडा विभाजन | |
| देश |  नेपाल |
| प्रदेश | प्रदेश नं. ४ |
| जिल्ला | तनहुँ |
| स्थापना | २७ फाल्गुण २०७३ |
| क्षेत्रफल | |
| • जम्मा | ११५ किमी२ (४४ वर्ग माइल) |
| जनसङ्ख्या | |
| • जम्मा | २२,५०२ |
| • घनत्व | २००/किमी२ (५१०/वर्ग माइल) |
| समय क्षेत्र | युटिसी+५:४५ (नेपालको प्रमाणिक समय) |
| क्षेत्रीय सङ्केत | +९७७-६५ |
| केन्द्र | साविकको छाङ गाविसको कार्यालय |
जनसङ्ख्या
प्रदेश नं. ४ स्थित तनहुँ जिल्लामा छाङ, जामुने र मनपाङ गाविसहरूलाई मिलाएर म्याग्दे गाउँपालिका बनाइएको हो । राष्ट्रिय जनगणना २०६८का अनुसार यी ठाउँहरूको जनसङ्ख्यालाई जोडेर म्याग्दे गाउँपालिकाको जनसङ्ख्या २२,५०२ रहेको छ ।[३][४]
भौगोलिक अवस्थिति
म्याग्दे गाउँपालिकामा ७ वडाहरू रहेका छन । म्याग्देको कुल क्षेत्रफल ११५ वर्ग किमी छ । यो गाउँपालिकाको पूर्वमा व्यास नगरपालिका पर्दछ भने पश्चिममा शुक्लगण्डकी नगरपालिका र भिमाद नगरपालिका छ । यसको उत्तरी भागमा व्यास नगरपालिका र शुक्लगण्डकी नगरपालिका छ भने दक्षिणी क्षेत्रमा भिमाद नगरपालिकार ऋषिङ गाउँपालिका पर्दछ ।[५]