स्पुतनिक-१

स्पुतनिक १ (रुसी: Спутник-1) सोभियत सङ्घद्वारा निर्मित धरतीको पहिलो कृत्रिम उपग्रह थियो।^[१] यसको प्रक्षेपण सन् १९५७ मा गरिएको थियो।

सोभियत सङ्घले यस उपग्रहलाई पृथ्वीको तल्लो कक्षमा ४ अक्टोबर १९५७ मा प्रक्षेपण गरेको थियो। यसले यसको ब्याट्री नसकिएसम्म तीन हप्ता पृथ्वीको परिक्रमा गरेको थियो र दुई महिना पछि पृथ्वीको वायुमण्डलमा खसेको थियो।

४ जनवरी १९५८ मा स्पुतनिक पृथ्वीको वायुमण्डलमा खसेर जल्नु भन्दा अगाडी पृथ्वीको कक्षमा १४४० चक्कर लगाउँदै करिब ७० मिलियन किलोमिटर (४३×१०^^६ माइल) दुरी यात्रा गरेको थियो।^[२]