Austprovinsen i Saudi-Arabia
Austprovinsen (arabisk الشرقية ash-Sharqīyah) er den største provinsen i Saudi-Arabia. Provinshovudstaden er Dammam, der dei fleste innbyggjarane bur.
| Austprovinsen | |||
| الشرقية | |||
| provins | |||
 | |||
| Land |  Saudi-Arabia | ||
|---|---|---|---|
| Adm.senter | Dammam | ||
| Areal | 672 522 km² | ||
| Folketal | 4 105 780 (2010) | ||
| Leiar | prins Saud bin Nayef | ||
| Postnummer | 04 | ||
 Austprovinsen i Saudi-Arabia 22°30′N 51°00′E / 22.5°N 51°E | |||
 | |||
| Wikimedia Commons: Eastern Province, Saudi Arabia | |||
Austprovinsen er senteret for det meste av oljeproduksjonen til Saudi-Arabia. Provinsen er òg eit turistsenter fordi han ligg ved kysten av Persiabukta og dei fleste turistane kjem frå dei nærliggande arabiske landa og Riyadh-regionen.
Geografi
Austprovinsen ligg ved Persiabukta og grensar til fem land: Irak, Kuwait, Oman, Qatar og Dei sameinte arabiske emirata.
Den viktigaste flyplassen i regionen er King Fahd internasjonale flyplass, den største flyplassen i verda etter landareal. Via King Fahd-vegen, som stod ferdig i 1986, er Austprovinsen knytt til naboøya Bahrain.
Den stort sett folketomme ørkenen Rub' al Khali (Den tomme fjerdedelen) dekkjer meir enn halvparten av provinsen.
Historie
Saudiarabarane i Najd fekk kontroll over området då Det osmanske riket. Dei busette områda har vore kjend som «Al-Ahsa» (arabisk الأحساء) under osmansk styre, og heile regionen Aust-Arabia vart hovudsakleg kalla «Bahrain» (arabisk البحرين) frå før-islamsk tid og fram til 1521.
Guvernørar i Austprovinsen
- Abdul Muhsin bin Abdullah Al Jiluw (?-1985)
- Muhammad bin Fahd (1985-2013)
- Saud bin Nayef (2013 til i dag)
Byar
- Al-Ahsa (arabisk الأحساء)
- Abqaiq (arabisk بقيق)
- Jubail (arabisk الجبيل)
- Ras Tanura (arabisk رأس تنورة)
- Qatif (arabisk القطيف)
- Khobar (arabisk الخبر)
- Dhahran (arabisk الظهران)
- Dammam (arabisk الدمام)
- Hafar Al-Batin (arabisk حفر الباطن)
- Khafji (arabisk الخفجي)
- Nariyah (arabisk النعيرية)
- Qariat Ulya (arabisk قرية العليا)