Fleircella organisme

Fleircella organisme er ein organisme som skilnad frå eincella organismer består av meir enn ei celle.^[1]Desse cellene kan vera spesialiserte, det vil seia at dei har ulike utformingar og funksjonar.

Alle dyreartar, landplantar og dei fleste soppar er fleircella. Også mange algar er fleircella.

Nokre få organismar kan ha både eincella og fleircella trekk, som slimsoppar og sosiale amøbar slik som slekta Dictyostelium.Det kan ofte vera vanskeleg å skilja mellom koloniar danna av fleire identiske individ og verkelege fleircella organismar.^[2][3]