ଟମ୍ ୟୁମ୍‍

ଖଟା ଓ ମସଲା ଭରା ଉପାଦାନରେ ଟମ୍ ୟୁମ୍ ସୁପ୍ ପ୍ରସ୍ତୁତ ହୁଏ । ଏହି ସୁପ୍ ପାଇଁ ଆବଶ୍ୟକ ବଟା ମସଲାକୁ ନାମ୍ ଫ୍ରିକ୍ ପାଓ କୁହନ୍ତି ।^[୫] ଏହି ମସଲାରେ ପାଣି, ବିଭିନ୍ନ ପତ୍ର, ବୁଟି, ମାଂସ ଆଦି ମିଶାଇ ଫୁଟାଯାଏ । ଲଙ୍କା, ଶାଲଟ୍ ପିଆଜ, ରସୁଣ ଇତ୍ୟାଦିଙ୍କୁ କୋଇଲା ଚୁଲିର ନିଆଁ ଧାସରେ ସିଝାଇ ତା’ ପରେ ବାଟି ନାମ୍ ଫ୍ରିକ୍ ପାଓ ପ୍ରସ୍ତୁତ ହୁଏ ।^[୬]

ଟମ୍ ୟୁମ୍ ସୁପରେ ଅଧିକାଂଶରେ ଚିଙ୍ଗୁଡ଼ି କିମ୍ବା ଘୁଷୁରୀ ମାଂସ ମିଶାଯାଏ । ନଦୀର ମଧୁର ଜଳ ଚିଙ୍ଗୁଡ଼ି ବ୍ୟବହାର କରି ପ୍ରସ୍ତୁତ ହେଉଥିବା ଟମ୍ ୟୁମ୍ ସୁପ୍‍କୁ ‘’ଟମ୍ ୟୁମ୍ ଗୂଙ୍ଗ୍’’ କହିଥାନ୍ତି ।

ଟମ୍ ୟୁମ୍‍ର ବ୍ରଥରେ ମିଶାଯାଉଥିବା ଆବଶ୍ୟକୀୟ ଉଦ୍ଭିଦଜାତୀୟ ବା ବୁଟି ଉପାଦାନ ହେଲେ ଶତବେଧି, ଗାଲାଙ୍ଗଲ୍, କାଫିର୍ ଲେମ୍ବୁ ପତ୍ର ।^[୫] ଥାଇ ଲଙ୍କା, ଛତୁ, ଧନିଆ ପତ୍ର, ବିଲାତି ବାଇଗଣ, ମିଠା ଧଳା ପିଆଜ, ଲେମ୍ବୁ ରସ, ଚିନି ଓ ମାଛ ସସ୍ ପ୍ରଭୃତି ମଧ୍ୟ ଏହି ସୁପ୍ ପାଇଁ ଆବଶ୍ୟକୀୟ ଉପାଦାନ ।^[୫] ଟମ୍ ୟୁମ୍ ସୁପରେ ନଡ଼ିଆ କ୍ଷୀର ବ୍ୟବହାର କଲେ ତାହାକୁ ଟମ୍ ୟୁମ୍ ନାମ୍ ଖୋନ୍ କୁହନ୍ତି ।

ଆଜିକାଲି ଟମ୍ ୟୁମ୍ ସୁପରେ ଛତୁ, କଟା ଧନିଆ ପତ୍ର ପରି ଉପାଦାନ ମଧ୍ୟ ବ୍ୟବହୃତ ହେଉଛି । କେହି କେହି ଗାଢ଼ କମଳା ରଙ୍ଗ ବା ରାଗ ପାଇଁ ସୁପରେ ଥାଇ ଲଙ୍କାର ଚଟଣି ନାମ୍ ଫ୍ରିକ୍ ଫାଓ (น้ำพริกเผา) ମଧ୍ୟ ମିଶାଇଥାନ୍ତି ।

ଥାଇଲାଣ୍ଡ ବାହାରେ ଟମ୍ ଖ୍ଲୋଂଗ୍ (ต้มโคล้ง) ସୁପ୍ ବିଷୟରେ ଅଳ୍ପ ଲୋକଙ୍କୁ ଜଣାଥିବ । ଏହି ସୁପରେ ଖଟାପଣ ଲେମ୍ବୁ ରସ ନୁହେଁ ବରଂ ତେନ୍ତୁଳି ଯୋଗୁଁ ଆସିଥାଏ ।^[୧୫] ଟମ୍ ସୋମ୍ (ต้มส้ม) ସୁପ୍ ମଧ୍ୟ ଟମ୍ ୟୁମ୍ ସୁପ୍ ପରି କିନ୍ତୁ ସେଥିରେ ଶତବେଧି ଓ କାଫିର୍ ଲେମ୍ବୁ ପତ୍ର ପକାଯାଏ ନାହିଁ । ଟମ୍ ସୋମ୍‍ର ବିଭିନ୍ନ ପ୍ରକାରରେ ଖଟାପଣ ସେଥିରେ ପଡ଼ିଥିବା ଲେମ୍ବୁ ରସ ବା ତେନ୍ତୁଳିର ମାତ୍ରା ଉପରେ ନିର୍ଭର କରିଥାଏ ।^{[୧୬][୧୭]}

• ଥାଇ ସାଗୁଆ ତରକାରୀ
• ଥାଇ ଲାଲ୍ ତରକାରୀ
• ଚାଇନିଜ୍ ଖାଦ୍ୟ
• ଏସୀୟ ଖାଦ୍ୟ

ଉଇକିମିଡ଼ିଆ କମନ୍ସରେ Tom yamବାବଦରେ ମାଧ୍ୟମ ରହିଛି ।

• Cuisine of Thailand at Curlie