ହମ୍ପି କୋନେରୁ
ହମ୍ପି କୋନେରୁ , (ଜନ୍ମ ୩୧ ମାର୍ଚ ୧୯୮୭ , ବିଜଯବାଦାଠାରେ ) ଜଣେ ଭାରତୀୟ ମହିଳା ଚେସ ଖେଳାଳି । ସେ ଭାରତର ସର୍ବକନିଷ୍ଠ ମହିଳା ଗ୍ରାଣ୍ଡମାଷ୍ଟର । ସେ ୨୦୦୭ ମସିହାରେ ଆନ୍ତର୍ଜାତିକ ମହିଳା ଚେସରେ ୨୬୦୬ ରେଟିଙ୍ଗ ପାଏଣ୍ଟ ପାଇ ଶ୍ରେଷ୍ଠ ମହିଳା ଖେଳାଳି ଭାବରେ ବିବେଚିତ ହେଇଥିଲେ । .[୧][୨]
Humpy Koneru | |
---|---|
ନାମ | Koneru Humpy |
ଦେଶ | India |
ଜନ୍ମ | Vijayawada, Andhra Pradesh, India | ୩୧ ମାର୍ଚ୍ଚ ୧୯୮୭
ଉପାଧୀ | Grandmaster |
ଫିଡେ ମାନ୍ୟତା | 2597 (ଅପ୍ରେଲ ୨୦୨୪) |
ସର୍ବଶ୍ରେଷ୍ଠ ରେଟିଂ | 2623 (July 2009) |
୨୦୦୩ ମସିହାରେ ସେ ମାତ୍ର ୧୫ ବର୍ଷ ବୟସରେ ମହିଳା ଗ୍ରାଣ୍ଡମାଷ୍ଟର ଉପାଧି ପାଇ ଯୁଡିଥ ପୋଲାଗାରଙ୍କ ରେକର୍ଡ ଭାଙ୍ଗିଥିଲେ । ପରେ ୨୦୦୮ ମସିହାରେ ଚୀନର ହାଉ ୟିଫାନ ସେହି ରେକର୍ଡ ଭାଙ୍ଗି ଥିଲେ । ;[୩]
କ୍ରୀଡ଼ା ଜୀବନୀ
୧୯୯୭ ମସିହାରେ ହାମ୍ପି ବିଶ୍ୱ ଜୁନ ଚେସ ଚମ୍ପିଅଂଶିପରେ 10 ବର୍ଷରୁ କମ ବାଳିକା ବର୍ଗରେ ୩ଟି ସ୍ୱର୍ଣ୍ଣ ପଦକ ପାଇଥିଲେ । ସେ ୧୯୯୮ ମସିହାରେ ୧୨ ବର୍ଷ ବର୍ଗରେ ଓ ୨୦୦୦ ମସିହାରେ ୧୪ ବର୍ଷ ବର୍ଗରେ ଏସୀୟ ଚେସ ଚମ୍ପିୟାନଶିପରେ ପ୍ରତିଯୋଗିତା କରି ବାଳକମାନଙ୍କ [୪]ସହ ମଧ୍ୟ ଖେଳିଥିଲେ । ୨୦୦୧ ମସିହାରେ ସେ ବିଶ୍ୱ ଜୁନିଅର ବାଳିକା ଚମ୍ପିୟାନଶୀପରେ ବିଜୟୀ ହେଇଥିଲେ । ପର ବର୍ଷ ସେ ଚୀନର ଝଅ କ୍ଷୁଇଙ୍କ ସହ ସମାନ ପଏଣ୍ଟ ରଖି ଦ୍ୱିତୀୟ ସ୍ଥାନରେ ରହିଥିଲେ ।[୫] ୨୦୦୪ ମସିହା ବିଶ୍ୱ ଚମ୍ପିୟାନଶିପରେ ସେ ବାଳକ ମାନଙ୍କ ସହ ଖେଳିଥିଲେ । ସେଥିରେ ଭାରତର ହରିକୃଷ୍ଣ ଚମ୍ପିୟାନ ହେଇଥିଲେ । ସେଥିରେ ହାମ୍ପି ୫ ମ ସ୍ଥାନ ପ୍ରାପ୍ତ ହେଇଥିଲେ । .[୬]
୨୦୦୦ ଓ ୨୦୦୨ ମସିହାରେ ସେ ବ୍ରିଟିଶ ମହିଳା ଚେସ ଚମ୍ପିୟାନଶୀପ , ୨୦୦୩ ମସିହାରେ ଏସୀୟ ମହିଳା ଚେସ ଚମ୍ପିୟାନଶୀପରେ ବିଜୟୀ ହେଇଥିଲେ । .[୭][୮]୨୦୦୫ ମସିହାରେ ସେ ରୁଷିଆର ବରିଷ୍ଠ ମହିଳା ପ୍ରତିଯୋଗୀ ମାନଙ୍କ ସହ ଖେଳି ନର୍ଥ ଉରାଲ କପରେ ବିଜୟିନୀ ହେବାର ସୌଭାଗ୍ୟ ଅର୍ଜନ କରିଥିଲେ । [୯]
ହାମ୍ପି ବିଶ୍ୱ ମହିଳା ଚେସ ଚମ୍ପିୟାନଶୀପରେ ୨୦୦୪ ମସିହାରେ ପ୍ରଥମେ ଅଂଶ ଗ୍ରହଣ କରି ତାହା ପରବର୍ତ୍ତୀ ସମସ୍ତ ବିଶ୍ୱ କପରେ ଭାଗ ନେବା ସହ ୨୦୦୪ , ୨୦୦୮ ଓ ୨୦୧୦ ମସିହାରେ ସେମିଫାଇନାଲ ଯାଏ ପହଞ୍ଚିଥିଲେ । .
ମୁମ୍ବାଇଠାରେ ସେ ୨୦୦୯ ମସିହା ମେୟର କପରେ ସେ ବିଶ୍ୱର ପୋଖତ ପୁରୁଷ ଚେସ ଖେଳାଳିଙ୍କ ସହ ମଧ୍ୟ ଖେଳି ପ୍ରଥମ ୪ଟି ସ୍ଥାନ ମଧ୍ୟରେ ରହିଥିଲେ । .<[୧୦]
୨୦୦୯ ମସିହାରେ ତାଙ୍କୁ ତୁରୀଣଠାରେ ଚାଲିଥିବା ୩୭ ତମ ବିଶ୍ୱ ଚେସ ଅଲିମ୍ପିଆଡରେ ଜାଣି ଶୁଣି ଭାଗ ନ ନେଇଦେବାର ଅଭିଯୋଗ ଭାରତୀୟ ଚେସ ଫେଡେରେସନ ବିରୁଦ୍ଧରେ ଆଣିଥିଲେ । [୧୧][୧୨] ତାଙ୍କ କୋଚ ଭାବରେ ରହିଥିବା ତାଙ୍କ ପିତା କୋନେରୁ ଅଶୋକଙ୍କୁ ତାଙ୍କ ସଙ୍ଗେ ଯିବାକୁ ନ ଦେବାର ଅଭିଯୋଗ ମଧ୍ୟ ସେ କରିଥିଲେ ଓ ସେହି ବିବାଦ ବର୍ତ୍ତମାନ ଯାଏ ରହିଛି ।
ବ୍ୟକ୍ତିଗତ ଜୀବନୀ
ତାଙ୍କ ପିତା କୋନେରୁ ଅଶୋକ ଓ ମାତା ଲତା ଅଶୋକ ଥିଲେ ।ସେ ୨୦୧୪ ମସିହାରେ ଦସାରୀ ଅନ୍ୱେଷଙ୍କୁ ବିବାହ କରିଥିଲେ । ବର୍ତ୍ତମାନ ସେ ONGC ଅଧୀନରେ କାର୍ଯ୍ୟରତ । [୧୩][୧୪]
ପୁରସ୍କାର ଓ ଅବଦାନ ସବୁ
- ୧୯୯୦ ମସିହାରେ ସେ ଏସିଯାର ସର୍ବକନିଷ୍ଠ ମହିଳା ଇଣ୍ଟରନାସନାଳ ମାଷ୍ଟର ( WIM) ହେଇଠିଲେ ।
- ୨୦୦୧ମସିହାରେ ସେ ଭାରତର ସର୍ବକନିଷ୍ଠ ମହିଳା ଗ୍ରାଣ୍ଡମାଷ୍ଟର ହେଇଥିଲେ ।
- ୨୦୦୩ ମସିହାରେ ତାଙ୍କୁଅର୍ଜୁନ ପୁରସ୍କାର ମିଳିଥିଲା । i
- ୨୦୦୭ ମସିହାରେ ତାଙ୍କୁ ପଦ୍ମଶ୍ରୀ ପୁରସ୍କାର ମିଳିଥିଲା ।
[୧୫]
ଆଧାର
ବାହାର ଲିଙ୍କ
- Humpy Koneru chess games at 365Chess.com
- Koneru Humpy chess games (1997–2000) at 365Chess.com
- ହମ୍ପି କୋନେରୁ player profile at Chessgames.com
- Interview with GM Koneru Humpy by LatestChess.com
- "Interview with Super-Grandmaster Koneru Humpy". ChessBase News. 12 December 2007.
{{cite news}}
: More than one of|work=
and|periodical=
specified (help)