Skōnfederowane Sztaty Ameriki
 | Ślabikŏrzowe abecadło Tyn artikel je narychtowany we ślabikŏrzowym zŏpisie ślōnskij gŏdki. Coby sie przewiedzieć wiyncyj, wejzdrzij do artikla ô nim. |
Skōnfederowane Sztaty Ameriki (ang. Confederate States of America) – gyszichtowy sztat we Pōłnocnyj Americe, kery powstoł 8 lutego 1861 skuli kōnwyncyji we Montgomery.
| |||||
| |||||
| Motto: (łac.) Deo Vindice (Mit ze Bogiym ôbrōńcōm) | |||||
| Hymn: God Save the South (niyôficjalnie) (Boże, zachowej połednie) | |||||
 | |||||
| Kōnstytucyjŏ | Kōnstytucyjŏ Skōnfederowanych Sztatōw Ameriki ze 1861 | ||||
| Używanŏ gŏdka | Angelskŏ, francuskŏ, rdzynne indianerske gŏdki | ||||
| Stolica | Montgomery (do 9 mŏja 1861) Richmond (do 2–5 kwietnia 1862) | ||||
| Polityczny systym | kōnfederacyjŏ | ||||
| Piyrszy Prezidynt | Jefferson Davis | ||||
| Kōnwyncyjŏ we Montgomery | 8 lutego 1861 | ||||
| Kapitulacyjŏ jyneroła Lee | 9 kwietnia 1865 | ||||
.svg)
Skōnfederowane Sztaty Ameriki powstały na drōdze ôdłōnczyniŏ sie ôd Zjednoczōnych Sztatōw Alabamy, Floridy, Georgiji, Połedniowej Karoliny, Lujizjany, Mississipi a Teksasu kere to szrajbły kōnwyncyjõ we Montgomery 8 lutego 1861 co bōło poczōntkiym nowyj kōnfederacyje. Niyskorzij po rozpoczyńciu Secesyjnyj Wojny (mianowanyj tyż Wojnōm ô Niyprzinŏleżytość Połedniŏ skuli tego co ôdłōnczōne sztaty znojdowały sie na połednie ôd tych kere ôstały we Zjednoczōnych Sztatach) do kōnfederacyje przistōmpiyły tyż Arkansas, Pōłnocnŏ Karolina, Tennessee a Wirginijŏ. Krōm tego podwōjne (prokōnfederacke a prounijne) regiyrōnki miały sztaty Missouri a Kentucky a Skōnfederowane Sztaty Ameriki rościły sobie rechty do terytoryjōw Arizōny a Indianerskigo, nale skutecznõ kōntrolã miały ino nad piyrszym terytoryjum kaj amerikańske zidlery spiyrały Skōnfederowane Sztaty Ameriki a na tajli drugigo kaj Indianery spiyrały idyje kōnfederacyje chcōnc rōwnyj autōnōmiczności decyzyji na poziōmie inkszych sztatōw a ôchrōny mit ze uznaniym plymiynnych ziym. Skōnfederowane Sztaty Ameriki istniały aże do 9 kwietnia 1865, kedy to kōnfederacki jyneroł Robert Edward Lee skapituliyrowoł przed unijōm a wszyjske sztaty a terytoryja ôstały prziłōnczōne nazŏd do Zjednoczōnych Sztatōw[1].
