அல் ஜமா அல் இஸ்லாமியா

அல் ஜமா அல் இஸ்லாமியா (ஆங்கிலம்: Al-Gama'a al-Islamiyya, அரபி: : الجماعة الإسلامية‎ al-jamāʻah al-islāmīyah) எகிப்து நாட்டைச் சேர்ந்த சுணி இஸ்லாமியக் குழு ஆகும். இக்குழுவானது ஐரோப்பிய ஒன்றியம் மற்றும் அமெரிக்காவால் தீவிரவாத இயக்கம் என தடை செய்யப்பட்டுள்ளது.^[1] இக்குழுவின் முக்கிய நோக்கம் எகிப்து அரசை அகற்றிவிட்டு முகம்மது முர்ஸியா தலைமையில் ஓர் இஸ்லாமிய ஆட்சியை நிறுவுவது ஆகும்.^[2]

இந்த இயக்கம் 1992 முதல் 1998 வரை எகிப்து அரசுக்கு எதிரான தாக்குதல்களின் மூலம் 796 எகிப்தியக் காவலர்களையும், போர் வீரர்களையும் மற்றும் பொது மக்களையும் கொன்றுள்ளது.^[3] இந்த அமைப்பிற்கு ஈரான் மற்றும் சூடான் அரசுகள் ஆதரவளிக்கின்றன. மேலும் அல் காயிதா இந்த அமைப்பின் தீவிரவாதச் செயல்களுக்கு உதவுகிறது.^[4] எகிப்திய அரசு இவ்வமைப்பின் தீவிரவாதச் செயல்களைக் கட்டுப்படுத்த அமெரிக்காவின் உதவியைப் பெறுகிறது.^[4]