கிருஷ்ணா யாதவ்

இவருக்கு முறையான பள்ளிக் கல்வி இல்லை. ^[1] இவர் பயிர்களைத் தேர்ந்தெடுத்து வளர்ந்தார், கணவரின் கார் வணிகம் தோல்வியடைந்தபோது, இவர்கள் புலந்த்சகரில் தங்கள் வீட்டை விற்க வேண்டியிருந்தது. இவர்கள் தில்லிக்குச் சென்று காய்கறி விவசாயம் செய்தார்கள். ஆனால் விற்பனை கடினமாக இருந்தது. பின்னர் இவர் ஊறுகாய் வணிகத்தில் கவனம் செலுத்துவதற்காக ^[2] தில்லியின் உஜ்வா கிராமத்தில் உள்ள கிருஷி விக்யான் கேந்திரத்தில் பயிற்சி பெற்றார்.

2002 ஆம் ஆண்டில் இவர் ஊறுகாய் தயாரிக்கத் தொடங்கினார். ^[3] ஆரம்பத்தில் அவற்றை மளிகைக் கடைகளில் விற்க முடியவில்லை. எனவே இவரது கணவர் அவற்றை சாலையின் ஓரத்தில் விற்றார். அதே நேரத்தில் இவர் தனது குழந்தைகளுடன் சேர்ந்து அவற்றை உற்பத்தி செய்தார். ^[2] 2013 ஆம் ஆண்டளவில், இவர் 150 வகையான ஊறுகாய்களை விற்பனை செய்து வந்தார். 2016 ஆம் ஆண்டில் இவர் 200 டன் உணவுப் பொருட்களை விற்பனை செய்ததாகக் கூறப்பட்டது. இவரது முயற்சிகள் கிராமப்புறங்களில் வேலைவாய்ப்பை உருவாக்கியுள்ளன. ^[3] இவரும் இவரது கணவர் ஜி.எஸ். யாதவும் நஜாப்கரில் ஒரு கடையைத் திறந்துள்ளனர். ^[4] இவர் நான்கு வெவ்வேறு வணிக முயற்சிகளைக் கொண்டிருப்பதாகவும் இவரது வருடாந்திர வருவாய் 40 மில்லியன் ரூபாய் என்றும் கூறப்படுகிறது. ^[2]

2016 ஆம் ஆண்டில், பெண்கள் மற்றும் குழந்தைகள் மேம்பாட்டு அமைச்சகத்தால் சர்வதேச மகளிர் தினத்தன்று நாரி சக்தி விருது பெற இவர் பரிந்துரைக்கப்பட்டார். ^[3] இந்த விருதை புதுதில்லியில் உள்ள குடியரசுத் தலைவர் இல்லத்தில் பிரணப் முகர்ஜி வழங்கினார். இவருடன் சேர்ந்த்து மேலும் பதினான்கு பெண்களுக்கும் ஏழு நிறுவனங்களும் ஒரே நாளில் அவர்களின் சாதனைகள் மற்றும் பங்களிப்புகளுக்காக கௌரவிக்கப்பட்டன. ^[5]